Վարդան Բոստանջյանը՝ Օլեգ Միխեևի առաջարկության՝ բարձրակրունկ կոշիկներ ու բալետկաներ չհագնելու մասին. Ամբողջ աշխարհում շեղվածները առաջին պլան են դուրս եկել
Ինչպես հայտնի է՝ Ռուսաստանի «Справедливая Россия» կուսակցության պատգամավոր Օլեգ Միխեևը հանդես է եկել առաջարկությամբ, ըստ որի՝ Մաքսային միությունում պետք է արգելվի կրել կեդեր, բարձրակրունկ կոշիկներ ու բալետկաներ, քանի որ դրանք վտանգ են ներկայացնում մարդու առողջության համար:
ԲՀԿ-ական Վարդան Բոստանջյանը՝ 168.am-ի հետ զրույցում խոսելով Օլեգ Միխեևի այս նախաձեռնության մասին, ասաց. «Ես նման ախմախություններին կամ հոգեկան շեղումներին ուշադրություն չեմ ցույց տալիս»
Վ. Բոստանջյանը նաև հավելեց, թե ժամանակններն այնպիսին են, որ «շունը տիրոջը չի ճանաչում». «Ամբողջ աշխարհում շեղվածները առաջին պլան են դուրս եկել: Այս պարագայում ես հակված էլ չեմ նման շեղվածներով պայմանավորված զարգացումների վերաբերյալ խոսեմ կամ պատկերացնեմ»:
