Քաղաքականություն

Շնորհիվ «Հարավային գազային միջանցքի»՝ Թուրքիան Ադրբեջանի հետ միասին կուժեղացնի Եվրոպայի էներգաանվտանգությունը, հայտարարել է Թուրքիայի վարչապետ Բինալի Յըլդըրըմը՝ ելույթ ունենալով 23-րդ Համաշխարհային էներգետիկ կոնգրեսում։

««Բարգավաճ Հայաստանն» իր խոսքը պահել է»,- 168.am-ի հետ զրույցում ասաց ԲՀԿ ղեկավար Նաիրա Զոհրաբյանը՝ խոսելով Վանաձորի քաղաքապետի ընտրության արդյունքների մասին։

«Ովքեր խախտել են հուշագիրը, նրանք պարզվելու են առաջիկա քվեարկությունների ժամանակ. չէ՞ որ մյուս բոլոր քվեարկությունները բաց են լինելու՝ ձեռքով են քվեարկելու։ Դրա ժամանակը կգա, ու կտեսնենք, թե ովքեր են։ Նրանք կքվեարկեն, որովհետև բյուջե պետք է ընդունեն, կատարողական կա… կքվեարկեն։ Եվ այդ ժամանակ ամեն ինչ պարզ կդառնա։

Մակար Ղամբարյանն ազատվել է ՀՀ կառավարության աշխատակազմի ֆինանսատնտեսագիտական վարչության պետի պաշտոնից։

«Ազատ դեմոկրատներ» կուսակցության առաջնորդ Իրակլի Ալասանիան հեռանում է քաղաքականությունից։ Ինչպես հայտնում է «Գրուզիա օնլայնը», այս մասին նա հայտարարել է ճեպազրույցի ժամանակ։

Ռուս հայտնի հաղորդավար Վալդիս Պելշը շտապ հոսպիտալացվել է Մոսկվայի հիվանդանոցներից մեկը, նրան նշանակվել է ինտենսիվ թերապիայի կուրս, քանի որ հետազոտության ընթացքում լուրջ հիվանդություններ են հայտնաբերվել, հայտնում է Life-ը։

Վարչապետ Կարեն Կարապետյանի գլխավորությամբ և շահագրգիռ պետական մարմինների ղեկավարների մասնակցությամբ կառավարությունում այսօր տեղի է ունեցել խորհրդակցություն՝ սիրիահայությանն աջակցություն ցուցաբերելու հարցերի շուրջ:

Ռուսաստանի դեմ սահմանափակիչ միջոցառումներն անհրաժեշտ է երկարաձգել միանգամից 1 տարով, որպեսզի Մոսկվային ճիշտ ազդանշան տան այն մասին, որ պատժամիջոցների շուտափույթ չեղարկում տեղի չի ունենա։ Այս մասին հայտարարել է Եվրախորհրդարանի միջազգային գործերով կոմիտեի նախագահ Էլմար Բրոկը, հայտնում է «Ուկրինֆորմը»։

Եվրախորհրդի խորհրդարանական վեհաժողովի (ԵԽԽՎ) նախագահ Պեդրո Ագրամունտը հայտարարել է, որ վեհաժողովը պետք է անի հնարավոր ամեն ինչ՝ լիագումար նիստերի սրահ վերադարձնելու Ռուսաստանի ներկայացուցիչներին, որոնք լքել էին ԵԽԽՎ-ն պատժամիջոցների պատճառով, հայտնում է pravda.com.ua-ն։

Եվրոպայի խորհրդի խորհրդարանական վեհաժողովի ԵԺԿ քաղաքական խմբի նիստին ԵԽԽՎ հայաստանյան պատվիրակության անդամ Սամվել Ֆարմանյանը բարձրացրել է նույն խմբակցության նախկին նախագահ Լուկա Վոլոնտեի հարցը, ով մեղադրվում է Ադրբեջանի օգտին քաղաքական գործունեություն ծավալելու համար:

Վանաձորում հոկտեմբերի 2-ին կայացած ՏԻՄ ընտրություններից հետո ձևավորված նորընտիր ավագանու այսօրվա նիստում, երկարատև քննարկումներից, վեճերից հետո ավագանու անդամների փակ քվեարկությամբ Վանաձորի քաղաքապետ ընտրվեց ՀՀԿ-ական Մամիկոն Ասլանյանը:

ԽՍՀՄ նախկին նախագահ Միխայիլ Գորբաչովը սխալ է անվանել ԱՄՆ-ի և Ռուսաստանի միջև երկխոսության դադարեցումը և ընդգծել, որ ներկայումս աշխարհը հասել է վտանգավոր կետի։

«Անկախ Վանաձորի քաղաքապետի ընտրությունների արդյունքից` ակնհայտ է, որ ՀՀ ԱԺ պատգամավորների նման շահագրգիռ և ակտիվ մասնակցությունը ուղղակի միջամտության և պրոտեկցիայի տարրեր է պարունակում: ՀՀ օրենքները պետք է հարգվեն բոլորի կողմից, վեր լինեն ընթացիկ քաղաքական շահից: Կրքերը պետք է հանդարտվեն և գործընթացը վերադառնա օրենքի հուն: Ժողովրդավարությունը բարդ մշակույթ է, բայց կամաց-կամաց կստացվի, վստահ եմ»:

Վանաձորի ավագանիում ավարտվեց քաղաքապետի ընտրության գործընթացը։ Հաշվիչ հանձնաժողովն այս պահին նիստ կգումարի՝ հաշվելու արդյունքները, որից հետո կհայտարարվի, թե ով է ընտրվել քաղաքապետ։ Ավագանու 33 անդամներից 33-ն էլ քվեարկությանը մասնակցել են։

Ռուսաստանը մտադիր է Սիրիայի նավահանգստային Տարտուս քաղաքում մշտական հիմունքով ռազմածովային բազա տեղակայել, հայտարարել է Ռուսաստանի պաշտպանության փոխնախարար Նիկոլայ Պանկովը։

Ռուսաստանն ու Թուրքիան ռուս զբոսաշրջիկների համար թուրքական հանգստավայրերում ռուբլով վճարումներ կատարելու վերաբերյալ վերսկսել են քննարկումները նախարարական մակարդակով, հայտարարել է ՌԴ տնտեսական զարգացման նախարար Ալեքսեյ Ուլյուկաևը Թուրքիայի էկոնոմիկայի նախարար Նիհաթ Զեյբեքչիի հետ հանդիպումից հետո։ Այս մասին հայտնում է RIA Novosti-ն։

Այսօր Ստրասբուրգում իր աշխատանքն է սկսում Եվրախորհրդի խորհրդարանական վեհաժողովի (ԵԽԽՎ) աշնանային նստաշրջանը։

Մեկնարկել է Ռուսաստանի նախագահ Վլադիմիր Պուտինի այցը Թուրքիա։ Հայտնի է, որ Վլադիմիր Պուտինը կմասնակցի Ստամբուլում ընթացող 23-իդ Համաշխարհային էներգետիկ կոնգրեսին։

«Վերջին մի քանի տարվա ընթացքում պատերազմները չեն դադարում, սպանությունները չեն դադարում, Սիրիայի դեպքերում չես կարող ասել՝ քանի հոգի զոհվեց, քանի որ դրանք սպանություններ են»,- այսօր լրագրողների հետ հանդիպման ժամանակ նման տեսակետ հայտնեց ԱԱԾ պետի նախկին տեղակալ, քաղաքական գործիչ Գուրգեն Եղիազարյանը։

Բելառուսն ու Ռուսաստանը կարգավորել են նավթագազային վեճը, հայտարարել է Բելառուսի նախագահ Ալեքսանդր Լուկաշենկոն։ Այս մասին հայտնում է BBC-ի ռուսական ծառայությունը։

Վրաստանի վարչապետ Գեորգի Կվիրիկաշվիլին «Վրացական երազանք» կուսակցության կենտրոնական գրասենյակում այսօր հրավիրված ճեպազրույցի ժամանակ հայտարարել է, որ վստահ է՝ խորհրդարանական ընտրությունների ժամանակ նույնպես գրանցվելու է ընտրողների բարձր ակտիվություն և հաղթելու են արժանի թեկնածուները, հայտնում է «Գրուզիա օնլայնը»։

«Ծիծաղելի հարցեր եք տալիս, Վանաձորում հաղթել է Սերժ Սարգսյանը»,-այսօր լրագրողների հետ հանդիպման ժամանակ ասաց ԱԱԾ պետի նախկին տեղակալ, քաղաքական գործիչ Գուրգեն Եղիազարյանը՝ անդրադառնալով այն հարցին, թե արդյոք ընդդիմությունը կկարողանա՞ միասնականություն ցուցաբերել ու հաղթել ՀՀԿ-ին Վանաձորում:

«Վրաստանում կայացած խորհրդարանական ընտրությունների արդյունքներն արդեն 99%-ով հայտնի են, և ըստ Վրաստանի ԿԸՀ-ի նախնական տվյալների՝ Բիձինա Իվանիշվիլիի «Վրացական երազանք» կուսակցությունը ստացել է 48. 6% ձայներ, նախկին նախագահ Սահակաշվիլիի «Միացյալ ազգային շարժում» կուսակցությունը՝ 27%, և 5%-ի շեմը դժվարությամբ հաղթահարել է «Հայրենասերների Ալյանս» կուսակցությունը»,- այս մասին այսօր լրագրողների հետ հանդիպման ընթացքում ասաց վրացագետ Ջոնի Մելիքյանը։

Վրաստանի վարչապետ Գեորգի Կվիրիկաշվիլին «Վրացական երազանք» կուսակցության կենտրոնական գրասենյակում հրավիրված ճեպազրույցի ժամանակ հայտարարել է, որ հոկտեմբերի 8-ին տեղի ունեցած խորհրդարանական ընտրությունները կայացել են։ Այս մասին հայտնում է «Գրուզիա օնլայնը»։

Վրաստանի ԿԸՀ-ի նախնական տվյալներով՝ Թբիլիսիի մեծամասնական 22 շրջաններից 18-ում տեղի կունենա խորհրդարանական ընտրությունների երկրորդ փուլ։

Ընթանում են Վանաձորի քաղաքապետի ընտրությունները:

Մոսկվայի և Անկարայի միջև համաձայնագիրը «Թուրքական հոսք» նախագծի վերաբերյալ կարող է ստորագրվել Ստամբուլում, որտեղ հոկտեմբերի 10-12-ը տեղի կունենա առևտրա-տնտեսական համագործակցության ռուս-թուրքական միջկառավարական հանձնաժողովի նիստը։

ԱՄՆ Բելլինգհեմ քաղաքի (Վաշինգտոն նահանգ) օդանավայականից պայթյունի սպառնալիքի պատճառով ուղևորների տարհանում է տեղի ունեցել երեկ՝ տեղի ժամանակով մոտավորապես ժամը 15.30-ի սահմաններում։

Գյումրիի քաղաքապետարանում հոկտեմբերի 10-ին գումարվեց քաղաքի նորընտիր ավագանու անդրանիկ նիստը: Նիստի ընթացքում կայացած փակ քվերակության արդյունքում քաղաքապետ վերընտրվեց Սամվել Բալասանյանը:

Ռուսական «Ռոսատոմ» պետական կորպորացիայի գլխավոր տնօրեն Ալեքսեյ Լիխաչովը բանակցություններ է վարել Թուրքիայի էներգետիկայի ու բնական պաշարների նախարար Բերաթ Ալբայրաքի հետ, կողմերը քննարկել են թուրքական «Ակկույու» ատոմակայանի նախագիծը, հայտնում է RIA Novosti-ն՝ վկայակոչելով «Ռոսատոմի» տարածած հաղորդագրությանը։