ԵԽԽՎ-ում կքննարկվի Թուրքիայում պետական հեղաշրջման փորձը

Այսօր Ստրասբուրգում իր աշխատանքն է սկսում Եվրախորհրդի խորհրդարանական վեհաժողովի (ԵԽԽՎ) աշնանային նստաշրջանը։

Ինչպես հայտնում է ադրբեջանական APA գործակալությունը, նստաշրջանի առաջին օրը վեհաժողովի նախագահ Պեդրո Ագրամունտը պատմել է օրակարգում քննարկվելիք հարցերի մասին։

Նա նշել է, որ ԵԽԽՎ-ի բյուրոյի նիստում քննարկվելու է «Թուրքիայում իրավիճակը՝ պետական հեղաշրջման փորձի համատեքստում» զեկույցը։
Այդ հարցը քննարկվելու է ԵԽԽՎ-ի աշնանային նստաշրջանի չորրորդ օրը՝ լիագումար նիստի շրջանակում։