«Թուրքիան Ադրբեջանի հետ միասին կուժեղացնի Եվրոպայի էներգաանվտանգությունը». Թուրքիայի վարչապետ
Շնորհիվ «Հարավային գազային միջանցքի»՝ Թուրքիան Ադրբեջանի հետ միասին կուժեղացնի Եվրոպայի էներգաանվտանգությունը, հայտարարել է Թուրքիայի վարչապետ Բինալի Յըլդըրըմը՝ ելույթ ունենալով 23-րդ Համաշխարհային էներգետիկ կոնգրեսում։ Այս մասին հայտնում է թուրքական TRT Haber հեռուստաալիքը։
«Թուրքիան իրականացրել է այնպիսի կարևոր նախագծեր, ինչպիսիք էին «Բաքու-Թբիլիսի-Ջեյհան» և «Բաքու-Թբիլիսի-Կարս» նախագծերը։ Հիմա մենք իրականացնում ենք Անդրանատոլիական խողովակատարը։
Թուրքիան Ադրբեջանի հետ միասին կուժեղացնի Եվրոպայի էներգաանվտանգությունը Անդրանատոլիական խողովակատարի օգնությամբ։ Թուրքիան կշարունակի խոշոր նախագծերի իրականացումը»,- հավելել է Յըլդըրըմը։
