Հասարակության մոտ 70%-ն այսօր մերժում է հետևել քաղաքական գործընթացներին. Սերժ Սարգսյան
ՀՀԿ համագումարի ժամանակ ՀՀ երրորդ նախագահ Սերժ Սարգսյանն անդրադարձավ հասարակությանը հուզող մեկ կարևոր հարցի՝ պատերազմի և դրա ելքի հետ կապված կա՞ր արդյոք դավաճանություն:
«Նոր պատերազմները հնարավոր է և պետք է կանխել, բայց դրա համար նախևառաջ հարկ է բաց աչքերով և ուղիղ նայել իրականությանը, խոսել ազնվորեն և արդար լինել անհերքելի փաստերի հետ առնչվելիս, իսկ որ ամենակարևորն է` խոսելուց զատ գործել, գործել անհապաղ, քանի որ դրանից են կախված հազարավոր մարդկային կյանքեր:
Հնարավո՞ր էր կանխել արցախյան վերջին պատերազմը: ՀՀԿ համագումարին ՀՀ երրորդ նախագահ Սերժ Սարգսյանը հայտարարեց՝ այո՛, հնարավոր էր:
«Ուզում եմ դիմել որոշակի շրջանակների. Ձեր սխալը ինձ մի վերագրեք, խնդրում եմ: Ես ձեզ չեմ ստիպել մասնակիցը դառնալ այս արկածախնդրությանը, հետո գնալ և նախրի միջից պաչել ամենաբարձր զռացողի՝ էշի ճակատը, և այնուհետև առասպելներ հորինել, թե իբր ես պայմանավորված եմ իշխանությունը հանձնել սրան, իբր համագործակցում եմ սրա հետ, և այլ անհեթեթություններ»,- ՀՀԿ համագումարին ասաց ՀՀ երրորդ նախագահ Սերժ Սարգսյանը:
«Իշխանազավթումից ամիսներ հետո էլ խորհրդարանական արտահերթ ընտրությունների ժամանակ մենք այս ահազանգը հնչեցնում էինք: ՀՀԿ-ն սկզբից՝ գրեթե միայնակ, իսկ հետո՝ մի շարք ուժերի հետ միասին աղաղակում էր, գոռում, ապացուցում ու աղերսում էր մեր ժողովրդին սթափվել, ուշքի գալ, կանխել աղետը, քանի ուշ չէ: Հիշո՞ւմ եք՝ 2018թ. դեկտեմբերյան արտահերթ ընտրություններին մեր կարգախոսն էր. «Եթե մտահոգ ես Հայաստանի անվտանգությամբ, Արցախի ապագայով, ընտրիր ՀՀԿ-ին»:
«2018թ. ես հեռացա՝ խաղաղություն, ներդաշնակություն և տրամաբանություն մաղթելով մեր երկրին, հեռացա, որպեսզի պոպուլիստների և աշխարհաքաղաքական հստակ նպատակներով նրանց իշխանության բերած արտաքին շահագրգիռ ուժերի աջակցությամբ խաբված, մանիպուլյացիայի, ստի և ապատեղեկատվության մեծ չափաբաժիններից թունավորված մեր ժողովուրդը հանդարտվի, երկրի ներսում արդյուն չթափվի և հրապարակում հավաքված բազմահազար ոգևորված մարդիկ կառուցեն իրենց երազած երկիրը՝ իշխանության եկածներից նույն ոգևորությամբ պահանջելով հետևողականորեն կետ առ կետ կատարել խոստումներն ու հաշվետու լինել ժողովրդին»,- ՀՀԿ համագումարին ասաց ՀՀ երրորդ նախագահ Սերժ Սարգսյանը:
Իրականությունն այն է, որ մեր հասարակությունն այսօր, ավելի քան երբևէ, բևեռացված է, հուսալքված ու վիրավորված: Այսօր, ըստ հարցումների, հասարակության մոտ 70%-ը առհասարակ մերժում է հետևել քաղաքական գործընթացներին: Այսօր մարդիկ մերժում են առերեսվել իրականության հետ՝ որպես ինքնապաշտպանական բնազդ և նախընտրում են անտարբերությունը: Կարո՞ղ ենք արդյոք մեղադրել մեր հայրենակիցներին հուսալքության համար: Կարողացե՞լ ենք արդյոք մենք էլ մեր հերթին մեր գործողություններով հույս վառել նրանց սրտերում: Այս հարցում մենք մեր պատասխանատվության բաժինն ունենք, որի մասին, անշուշտ, կխոսենք:
Շնորհակալ եմ, որ եկել եք. Սերժ Սարգսյանը՝ լրագրողներին
ՀՀԿ-ի պատմությունն ընդգրկում է ՀՀ մաքառումների, հաղթանակների պատմությունը. Գերաշնորհ Արշակ եպիսկոպոս
Երևանի քաղաքապետ Հայկ Մարությանի դեմ Նիկոլ Փաշինյանի սանձազերծած արշավն ունի խորքային պատճառներ և արտահայտում է նրա իշխանության դեգրադացվող բնույթն ու ավտորիտարացման գործընթացը։
«Կարելի է պնդել, որ բանակցությունները մշտապես ընթացել են՝ փակ ձևաչափով, և այդ պայմանավորվածությունները, արդեն իսկ պարզ էր, որ լինելու էին: Փաստորեն, հաստատվեց միջանցքի գաղափարը՝ շատ ճոխ ձևով՝ երկաթուղային, ցամաքային: Դժվար է քաղաքակիրթ ձևով այս բոլորը մեկնաբանել, բայց սա բնական երևույթ է, որովհետև և՛ Փաշինյանը, և՛ Ալիևը, և՛ Էրդողանը նույն աշխարհաքաղաքական թիմից են, նրանք թիմակից են և իրագործում են աշխարհաքաղաքական ծրագիր»,- 168TV-ի «Ռեվյու» հաղորդման ընթացքում այս մասին ասաց Ցանցային հետազոտությունների ինստիտուտի տնօրեն Գագիկ Հարությունյանը՝ անդրադառնալով Բրյուսելում Փաշինյան-Ալիև փակ հանդիպումներին:
Որպես խափանման միջոց է ընտրվել գրավը 70 միլիոն դրամի չափով։
«Եթե հիմա ասում են, թե Հայկ Մարությանն իրենց կուսակցությունից չէ, դրա համար են նաև անվստահություն հայտնում նրան, այդ դեպքում հարց է առաջանում, իսկ երբ «Ելք» դաշինքով պատգամավոր դարձած Նիկոլ Փաշինյանը դուրս եկավ այդ դաշինքից, ինչո՞ւ մանդատը վայր չդրեց ու դուրս չեկավ խորհրդարանից»։
«Խաղաղության դարաշրջանը», որի բացմամբ ակտիվորեն զբաղված է Նիկոլ Փաշինյանը, իրականում պատերազմի դարաշրջան է, պատերազմ, որը վարում է Նիկոլ Փաշինյանը, և որում լրջագույն հաղթանակներ է արձանագրել։
Բրյուսելում տեղի ունեցած Փաշինյան-Ալիև հանդիպումից կողմերը կարծես բավարարված էին, սակայն կարևոր է հասկանալ՝ այդ բավարարվածությունն ինչպես է արտահայտվելու սահմանային իրադարձությունների և մեր անվտանգային համակարգի վրա։ 168.am-ի հետ զրույցում ասաց «Հենակետ» վերլուծական կենտրոնի ղեկավար Վիտալի Մանգասարյանը՝ հիշեցնելով, որ մի քանի շաբաթ առաջ Ալիևը հայտարարում էր, որ «Զանգեզուրի միջանցքը» բացելու համար հայկական կողմից պահանջում է հստակ ժամանակացույց, հակառակ դեպքում՝ դրան կհասնի ուժի միջոցով։
Կոչ եմ անում բոլոր մեր հայրենակիցներին՝ Հայրենիքում ու Սփյուռքում, միանալ այս նախաձեռնությանը և անկախ նրանից, թե երկրագնդի որ մասում եք գտնվում, Նոր տարին դիմավորել Արցախի դրոշը ծածանելով, և այդ տարին կդառնա հույսի ու վերելքի տարի։
Դեկտեմբերի 13-ին Թուրքիայի արտգործնախարար Մևլութ Չավուշօղլուն հայտարարել էր, որ Թուրքիան և Հայաստանը հարաբերությունները կարգավորելու համար կնշանակեն հատուկ ներկայացուցիչներ՝ հավելելով, որ Երևանի հետ կբացվեն նաև չարտերային թռիչքներ։
Պաշտոնական Երևանը դեռ չի հանրայնացնում, թե ո՞վ է լինելու Հայաստանի պաշտոնական ներկայացուցիչ-բանագնացը Թուրքիայի հետ, այսպես կոչված, կարգավորման նոր գործընթացում:
Արցախի մարդու իրավունքների պաշտպանը օրերս ահազանգել էր, որ Թաղավարդի բնակիչները զրկված են այցելելու իրենց հարազատների շիրիմներին, քանի որ գերեզմանոցը 44-ճրյա պետրքազմի ընթացքում մնացել է թշնամու հսկողության տակ։
Բաց հասարակության հիմնադրամներ-Հայաստանը, Հելսինկյան քաղաքացիական ասամբլեայի Վանաձորի գրասենյակը, Իրավունքի զարգացման և պաշտպանության հիմնադրամը և «Իրավունքների պաշտպանություն առանց սահմանների» հասարակական կազմակերպությունը այսօր քննարկում էին հրավիրել, որի ընթացքում ներկայացվեց «Մարդու իրավունքների խախտումներն Արցախյան 44-օրյա պատերազմի ընթացքում» խորագրով փաստահավաք զեկույցը:
ԵՊՀ նախկին ռեկտոր, ԳԱԱ թղթակից անդամ Արամ Սիմոնյանի խոսքով՝ հայ-թուրքական հարաբերությունների համատեքստում Հայաստանի շահեկան վիճակը կախված է նրանից, թե այդ հարաբերությունները կարգավորելու համար ով է բանակցողը և ինչ դիրքերից։
Դեկտեմբերի 16-ի երեկոյան Պետերբուրգում՝ «Пряности и Радости» ռեստորանում ձերբակալել են հայ գերիների հարցերով զբաղվող Բորիս Ավագյանին:
Այսօր կայացել է Երևանի պետական համալսարանի (ԵՊՀ) հոգաբարձուների խորհրդի նիստը, որի ժամանակ 19 կողմ, 5 դեմ ձայնով 5 տարի ժամկետով ԵՊՀ ռեկտոր է ընտրվել Հովհաննես Հովհաննիսյանը՝ լինելով միակ թեկնածուն:
Այսօր ՀՀ Ազգային ժողովի (ԱԺ) մարդու իրավունքների պաշտպանության և հանրային հարցերի մշտական հանձնաժողովում իշխող «Քաղաքացիական պայմանագիր» (ՔՊ) խմբակցությունը ներկայացնում էր Մարդու իրավունքների պաշտպանի՝ (ՄԻՊ) իր թեկնածուին՝ արդարադատության նախարարի ներկայիս առաջին տեղակալ Քրիստինե Գրիգորյանին:
Տեղի ունեցավ Կառավարության հերթական նիստը և, կարծես, մի վատ օրինաչափություն է ձևավորվում, որ Կառավարության նիստի օրակարգում ամեն անգամ բազմաթիվ չզեկուցվող հարցեր են ներառվում, իսկ ներառված հարցերից մի քանիսն էլ՝ իրենց հերթին, որևէ աղմկոտ և կասկածելի որոշում պարունակում։
Ի՞նչ է կատարվում Երևանում, ի՞նչ խնդիր է լուծում Նիկոլը Հայկ Մարությանի պաշտոնանկությամբ։ Գաղտնիքն այլ տեղ է. վերջին ՏԻՄ ընտրություններն ազդարարում են «քաղաքային հեղափոխության» պրոցեսի մասին. նիկոլականությունը պարտվել է երկրի բոլոր խոշոր քաղաքներում՝ Գյումրի, Վանաձոր, Գորիս, Կապան, Աբովյան, Մասիս, Ապարան, Վեդի, Եղեգնաձոր։
Հայաստանի տնտեսության զարգացումների գործում միշտ էլ կարևոր դեր են ունեցել արտաքին ֆինանսական փոխանցումները։ Դրանք հասնում են մեր ՀՆԱ ընդհուպ 20 տոկոսին։ Սա տնտեսության աճին նպաստող բավական մեծ բաղադրիչ է։ Երբ այդ հոսքերն ավելանում են՝ մեծանում է նաև տնտեսական աճի վրա դրանց ազդեցությունը։
Բրյուսելում Նիկոլ Փաշինյանը Ալիևի հետ երեք անգամ հանդիպում ունեցավ. Նախ՝ Եվրոպական խորհրդի նախագահ Շառլ Միշելի ներկայությամբ, ապա՝ առանձին, այնուհետև՝ Ֆրանսիայի նախագահ Մակրոնի ներկայությամբ: Միայն Շառլ Միշելի հետ եռակողմ հանդիպման վերաբերյալ են մանրամասներ հաղորդվել, իսկ մյուս հանդիպումների և պայմանավորվածությունների մասին դեռ ոչինչ հայտնի չէ:
Մեղրիի երկաթուղու վերաբացումը՝ անվտանգային, տնտեսական, տարածաշրջանային առումով, մեզ համար էական նշանակություն չի ունենա, բայց էապես կտուժեն Մեղրու ենթաշրջանի բնակիչները: Որոշ գյուղեր, օրինակ՝ Նռնաձորը, կհայտնվեն Հայաստանից դուրս կարգավիճակում, ինչպես, օրինակ, եղավ Շուռնուխի, Որոտանի դեպքում: Կենտրոնական իշխանություններն այսօրվանից պետք է մտածեն դրա մասին:
