ԱԺ «Պատիվ ունեմ» խմբակցության ղեկավար Արթուր Վանեցյանն այսօր խորհրդարանում լրագրողների հետ զրույցում անդրադարձավ նիստերի դահլիճում տեղի ունեցած ծեծկռտուքին, որի ժամանակ անվտանգության աշխատողները բռնի ուժով դահլիճից դուրս բերեցին նույն խմբակցության պատգամավոր Աննա Մկրտչյանին, հարվածներ հասցրին «Հայաստան» խմբակցության քարտուղար Արծվիկ Մինասյանին:
Խորհրդարանում Կառավարության ծրագիրը ներկայացնելու ընդմիջման ժամանակ տեսախցիկները ֆիքսել էին, որ ԱԺ փոխնախագահ Ալեն Սիմոնյանը և «Հայաստան» խմբակցության ղեկավար Սեյրան Օհանյանը բանավիճում էին և ինչ-որ հարցեր էին քննարկում, որին ներկա էին նաև ԱԺ փոխնախագահները:
ՀՀ առողջապահության նախարար Անահիտ Ավանեսյանն այսօր խորհրդարանում լրագրողների հետ զրույցում ասաց, որ այս պահին դիահերձարաններում շարունակում են պահվել զոհված զինծառայողների մարմիններ, չնշելով, թե կոնկրետ քանի աճյուն կա դիահերձարաններում:
Կառավարության 5-ամյա ծրագիրը խորհրդարանում ներկայացնելիս Նիկոլ Փաշինյանը հայտարարեց, որ Հայաստանում կանայք պետք է առավել մասշտաբային ներգրավվածություն ունենան ԶՈւ մարտական ստորաբաժանումներում։ Ըստ Փաշինյանի, ՀՀ ժողովրդագրական ցուցանիշներով կանայք բնակչության մեծամասնությունն են, հետևաբար՝ առաջացել է այդ պահանջը:
Թուրքիայի արտգործնախարար Մևլութ Չավուշօղլուն այսօր մասնակցել է Կիևի նախաձեռնած «Ղրիմի հարթակ» ֆորումի առաջին հանդիպմանը։ Թուրքական «Անադոլու» լրատվական գործակալությունը տեղեկացնում է, որ հանդիպման շրջանակներում Թուրքիայի արտգործնախարարը խոսել է լրատվամիջոցների հետ և հայտնել, որ Թուրքիան շարունակում է աջակցել Ուկրաինայի տարածքային ամբողջականությանը։
«Ամեն ինչ կախված է լինելու Թուրքիայից, եթե Հայաստանն ու Թուրքիան միմյանց հետ հաստատեն դիվանագիտական հարաբերություններ, Թուրքիան կկարողանա՝ ելնելով Հայաստանի հետ հարաբերությունների հաստատվելու փաստից, ինչ-որ տեղ ճնշում գործադրել նաև Ադրբեջանի վրա։ Տեսեք, Ադրբեջանն այսօր մտել է մեր տարածք, մի քանի կիլոմետր խորացել է և կարծում է, որ իր մնալն արդարացված է, քանի դեռ Արցախը միացրած չէ Ադրբեջանին։ Նա պայման է դնում, երբ հայկական զորքերը դուրս գան Արցախից, ինքն էլ իր զորքերը դուրս կհանի Հայաստանից»։
ՀՀ Տավուշի մարզպետ Հայկ Ղալումյանը օգոստոսի 19-ին մարզպետարանի կայքում մարզի վտանգավոր տարածքներից բնակչության տարհանման պլանի վերաբերյալ խմբագրված որոշում է ստորագրել։
«Արդյո՞ք այս ծրագիրը կառավարության բարի ցանկությունն է՝ կյանքը ցույց կտա, դա կկատարվի, թե ոչ։ Եթե իմ առաջ քաշած երկու հանգամանքների հետ կապված հարցերի պատասխանները տան, ապա ես կարող եմ ասել, թե ինչ դրական ու բացասական կետեր կան ծրագրում։ Առայժմ Կառավարության այդ ծրագիրը բազմաթիվ անհայտներով հավասարում է»,- նշեց Թաթուլ Մանասերյանը։
«Փաստորեն, մեր անվտանգային համակարգը փոշի դարձավ, չկարողացանք ապահովել մեր ազգաբնակչության անվտանգությունն ու տարածքային ամբողջականությունը։ Ինչո՞ւ չի ստացվել, ի՞նչ սխալների հանրագումարի արդյունքում՝ մեկ անգամ արդեն ասել եմ՝ մեղավորներին, դավաճաններին, հերոսներին պարզելու ու գտնելու համար անհրաժեշտ է տրիբունա՝ զինվորական դատ, որպեսզի հասկանանք՝ բուն մեղավորներն ովքեր են, ինչ հանգամանքների բերում էր, որ չենք կարողացել ապահովել այդ ամենը։ Պատերազմը ենթադրում է, որ լինում են հաղթողներ ու պարտվողներ, ես կարծում եմ՝ որ մենք չպետք է լինեինք պարտվողը, պետք է լինեինք հաղթողը կամ գոնե թե ստիպեինք, որպեսզի այսպիսի խայտառակ կապիտուլյացիոն պայմանագիր չստորագրվեր»։
«Ես միշտ էլ ասել եմ, որ այս կառավարությունը, իշխանությունը եկել է Արցախը կործանելու, ու մարդիկ կործանում են։ Այսօրվա դրությամբ նայեք ու տեսեք, ինչ կատարվում է Հայաստանում, նույն քաղաքականությունը վարվել է Արցախի շուրջ մինչև 44-օրյա պատերազմը, այսօր սրանք նույնը ձգտում են անել Հայաստանում, որպեսզի Արցախի հարցը փակվի։ Ամեն ինչ քողարկում են, մարդկանց ուշադրությունն Արցախից շեղում են, բերում են Հայաստան, նույն իրավիճակում է հայտնվելու Հայաստանը, ինչպես եղել է Արցախը»,- 168.am-ի հետ զրույցում ասաց Աշոտ Սևյանը՝ անդրադառնալով Կառավարության ծրագրում առկա անվտանգության վերաբերյալ դրույթներին, ինչպես նաև այսօր թե Արցախի, թե Հայաստանի շուրջ ստեղծված իրավիճակին։
«Ես ստիպված եմ շաբաթը մեկ անգամ կրկնել, որ Հայաստանն ու Արցախն այսօր որևէ կապ չունեն միմյանց հետ, Փաշինյանն արեց ամեն ինչ, որպեսզի օտարի Արցախը Հայաստանից, հայ ժողովրդից, համահայկական տեսլականից։ Նա Արցախի հարցը չի ընդգրկել Կառավարության ծրագրում, որովհետև չի պատրաստվում այնտեղ ո՛չ փող ծախսի, ո՛չ փող ներդնի։ Չեմ հասկանում՝ այս մարդն ի՞նչ պետք է անի, որ ՀՀ բնակիչը հասկանա, որ նա դավաճան է ու վաճառել է բոլորին՝ սկսել է Արցախով, ավարտելու է Հայաստանով»,- հավելեց փորձագետը։
Արցախի 44-օրյա պատերազմից հետո, Ադրբեջանը գերեվարված հայ ռազմագերիներից շատերին միջազգային հանրությանը ներկայացրեց՝ որպես ահաբեկիչներ և Բաքվի դատարանում նրանցից ոմանց դատապատեց մի քանի տարվա ազատազրկման։ Ի դեպ, նրանցից մի քանիսը գերեվարվել են նոյեմբերի 9-ի հրադադարի հայտարարությունից հետո, իսկ երկուսն առհասարակ մարտական գործողությունների չեն մասնակցել, հրադադարից հետո պարենային օգնություն են տարել Արցախ և ճանապարհին գերեվարվել։
Արցախի Հանրապետության ԱԺ Արտաքին հարաբերությունների մշտական հանձնաժողովի նախագահ, ՀՅԴ Արցախի Կենտրոնական կոմիտեի անդամ Վահրամ Բալայանի խոսքով՝ օրերս Նիկոլ Փաշինյանի ներկայացրած ՀՀ կառավարության 5-ամյա ծրագրի այն հատվածում, որտեղ Արցախի վերաբերյալ դրույթներն են նշված, չկա հստակություն, պետք է հստակ լինեն ապագա այն քայլերը, որոնք պետք է իրականացնի ՀՀ իշխանությունն Արցախի անվտանգության ապահովման և կարգավիճակի առնչությամբ։
«Պետությունը, ցանկացած երկիր հզոր է լինում, երբ ազգ է ունենում, դրա համար պետության հակառակորդ երկիրն ուզում է, որ ազգը կործանվի, որը կարող է տեղի ունենալ մի քանի էտապով՝ ազգը դառնում է ժողովուրդ, ժողովուրդը դառնում է ամբոխ։ Ադրբեջանն ուզում է, որ այս շղթային Արցախի պարագայում՝ ավելանա ևս մեկը՝ցեղատեսակ, այսինքն՝ մարդիկ մտածեն միայն իրենց հացի մասին, գաղափարախոսությունը փոխարինի գաղափորախոսությանը՝ ուղղակի գոյատևելու համար հրաժարվեն ամեն ինչից։ Սա կլինի սարսափելի զարգացում, վերջը ոչ միայն մեր պետության։ Ադրբեջանի երազանքն է, որպեսզի ինքներս փակենք այդ էջը, նման բան չի լինելու։ Եթե ազգի մեջ արժանապատվություն չեղավ, այն ժամանակ արդեն անիմաստ է խոսել պետականությունից»,- հավելեց Դավիթ Բաբայանը։
Տևական ժամանակ է, իշխանության որևէ ներկայացուցիչ չի անդրադառնում Բաքվում պահվող հայ ռազմագերիների խնդրին։ Նույնիսկ ութերորդ գումարման Ազգային ժողովում այս մասին որևէ խոսք չի եղել։
Սյունիքի մարզի Մեղրի քաղաքի նախկին համայնքապետ, ԱԺ «Հայաստան» դաշինքի պատգամավոր Մխիթար Զաքարյանը շարունակում է մնալ անազատության մեջ, նրան մեղադրանք է առաջադրվել՝ ՀՀ քրեական օրենսգրքի 308-րդ հոդվածի 2-րդ մասով՝ համայնքի բյուջեին դրամական վնասներ պատճառելու համար։
ՀՀ պաշտպանության նախարարությանն այսօր պաշտոնական հաղորդագրություն տարածեց, տեղեկացնելով, որ օգոստոսի 19-ին, ժամը 02։15-ի սահմաններում, հանրապետության հարավ-արևելյան ուղղությամբ տեղակայված ՀՀ ԶՈՒ N զորամասի պահպանության տարածքում գտնվող մարտական հենակետում հայտնաբերվել են շարքայիններ, 2002թ. ծնված Մուրադ Աշոտի Մուրադյանի, 2002 թ. ծնված Լևոն Ռաֆայելի Հարությունյանի և 2002թ. ծնված Գոռ Արտակի Սահակյանի դիերը՝ հրազենային վիրավորումներով։
«Պետք է հասկանանք մի բան, որ այն բոլոր մարդիկ, որոնք կորոնավիրուսի բացասական թեստ ունեն, հնարավոր է՝ իրենք անախտանիշ կորոնավիրուսով վարակված անձինք են, որոնք տարածում են վիրուսը։ Մենք մեծ թվով հիվանդներ ունենք, որոնք կորոնավիրուսի բացասական թեստ ունեն, անգամ թույլ ախտանիշներ չունեն ու մտածում են՝ ուղղակի մրսած են, այդ մարդիկ տարածում են վիրուսը։
ՀՀ ԶՈՒ օպերատիվ գլխավոր վարչության պետ-ԶՈՒ ԳՇ պետի տեղակալ, գեներալ-մայոր Էդվարդ Ասրյանն այսօր խորհրդարանում լրագրողների հետ զրույցում չպատասխանեց հարցին, թե մայիսի 12-ից հետո Հայաստանի սահմանին քանի ադրբեջանցի զինվոր է գտնվում, նշելով, որ այս ամենը ռազմական ոլորտին վերաբերող հարց է, որը չպետք է հանրայնացվի։
ԱԺ «Հայաստան» խմբակցության նախաձեռնությամբ այսօր խորհրդարանում տեղի ունեցավ փակ հանդիպում սահմանային իրավիճակի վերաբերյալ, որին մասնակցում էր ՀՀ ԶՈՒ օպերատիվ գլխավոր վարչության պետ-ԶՈՒ ԳՇ պետի տեղակալ, գեներալ-մայոր Էդվարդ Ասրյանը։
«Սահմանին կրակոցներ են, զոհեր, բայց երբ դուրս ես գալիս քաղաք, տեսնում ես համընդհանուր անտարբերություն, մարդիկ նույնիսկ իրենց կյանքի, ապագայի հանդեպ են անտարբեր դարձել։ Ես չգիտեմ՝ մարդիկ այսօր ինչ են մտածում, անհասկանալի բաներ են կատարվում։ Ուզում եմ հասկանալ՝ այս ազգը ե՞րբ այսպես դարձավ, ինչպե՞ս եղավ, որ հայն արդեն անտարբեր է իր կյանքի, երեխայի ու ապագայի հանդեպ։ Մեկ-մեկ մտածում եմ՝ շատ ու շատ, հազարավոր զոհերը հանուն ինչի՞ եղավ, իրականում եղավ Նիկոլի կնոջ ասածը՝ հանուն ոչնչի զոհվեցին»,- 168.am-ի հետ զրույցում ասաց Սերոբ Գասպարյանը։
ԱԺ «Հայաստան» խմբակցության պատգամավոր ԱԺ փոխխոսնակ Իշխան Սաղաթելյանն այսօր խորհրդարանում լրագրողների հետ զրույցում անդրադարձավ խորհրդարանում տեղի ունեցած փակ քննարկմանը՝ սահմանային իրավիճակի վերաբերյալ, որի նախաձեռնողը «Հայաստան» խմբակցությունն էր։ Նա նշեց, որ իրենց մտահոգությունները պայմանավորված են սահմանային իրավիճակի լարվածությամբ։
168.am-ի հետ զրույցում նախկին պատգամավոր, «Անվտանգություն և ժողովրդավարություն» հ/կ նախագահ Նաիրա Զոհրաբյանը անդրադառնալով այս սահմանափակումներին և առհասարակ իշխանությունների գործողություններին՝ նշեց, թե տպավորություն է ստանում, որ նրանք երկիրը փորձում են վերածել «գետտոյի», որտեղ գործում են ֆաշիստական ռեյխստագի կանոնները։
Մենք 44-օրյա պատերազմում պարտվեցինք, որովհետև մեր հերոսներին հավասարեցնում էինք մանր կենցաղային բնույթի գողություն կատարող անձանց հետ, պարտվեցինք, որովհետև իշխանությունները մտածում էին, որ բոլորը մարդիկ են, այլ ոչ թե հայեր, մենք բոլորս գնում էինք արևմտյան ազատարար բարքերի, և պարտվեցինք, որովհետև 2018 թվականին Հայաստանում հաղթեց գունավոր հեղափոխությունը։
«Բայց վստահ կարող եմ ասել, որ սա դեռ շարունակվելու է, և որոշ ժամանակ հետո կարող է տեղի ունենա նույնիսկ բլից-կրիգ, որի արդյունքում միայն ունենանք որոշակի «հանդարտ» իրավիճակով ժամանակաշրջան»,- հավելեց նա։
168.am-ի հետ զրույցում Նորաբակի գյուղապետ Վազգեն Ասատարյանն ասաց, որ այս պահին գյուղում իրավիճակը հանգիստ է, կրակոցները հնչել են գյուղի ուղղությամբ, սակայն, բարեբախտաբար, որևէ մեկը չի վնասվել։
ԱԺ «Պատիվ ունեմ» խմբակցության պատգամավոր Տիգրան Աբրահամյանի խոսքով՝ Հայաստանի կողմից Ալիևի դժգոհություններին, որ Ռուսաստանը Հայաստանին զենք է վաճառում, եղել է արձագանք, որ ՀՀ զինված ուժերի բարեփոխումները կամ սպառազինության արդիականացումը չի ենթադրում հարևանի նկատմամբ տարածքային նկրտումներ:
ԱԺ «Պատիվ ունեմ» խմբակցության պատգամավոր Տիգրան Աբրահամյանն այսօր խորհրդարանում լրագրողների հետ զրույցում անդրադարձավ հայ-ադրբեջանական սահմանին տեղի ունեցող Ադրբեջանի սադրանքներին:
«Սա նպատակային քաղաքականություն է, որը, ի վերջո, Ադրբեջանին հարմար փուլում կարող է վերաճել էսկալացիայի առավել բարձր մակարդակի։ Ադրբեջանի հետպատերազմյան փուլի նման գործելակերպն իր տարածքային հավակնությունների համար հիմք ստեղծելն է և ուժի և ուժի սպառնալիքի կիրառման տակ ՀՀ-ում տարածքային բռնազավթումների հասնելն է»,- եզրափակեց Նելլի Բաղդասարյանը։
«Սրա դեմ որևէ մեկը խոսե՞լ է, աշխարհը չի՞ տեսնում։ Եթե մուսուլմանական որևէ մզկիթ քանդվեր, ամբողջ աշխարհը ոտքի կկանգներ, բայց այսօր դարավոր հայկական եկեղեցի են պայթեցնում, բայց որևէ զսպող արձագանք չկա։ Մեր սուրբ Ղազանչեցոցը Ադրբեջան պետությունից 50 տարի մեծ է, բայց նա ոչնչացնում է դրա հայկական հետքը»,- եզրափակեց Արծվիկ Սարգսյանը։
