Վստահ եմ, որ այդպես էլ լինելու է, բազմաթիվ քայլեր են արված: Հետխորհրդային տարածքում առաջին անգամն է, երբ խորհրդարանական մեծամասնությունը համատեղ ջանքերով կարողացել է այսպիսի օրենսդրական դաշտ ձևավորել, որը պետք է վստահեցնի մեր յուրաքանչյուր քաղաքացուն, որ իր քվեն տեղ է հասնելու և իր ձայնը որոշելու է առաջիկա հինգ տարիների քաղաքական դասավորվածությունը»:
Դերասան Հայկ Մարությանը թիվ 9/47 ընտրատեղամասում, որտեղ երեկ էր առավոտյան քվեարկության, խախտում արձանագրեց՝ նշելով, որ քվեախցիկների հետևում օրենքով պետք է պատ լինի, մինչդեռ այստեղ առկա է դուռ և տեսախցիկ, որը չգիտենք՝ ինչ է ֆիքսում։
«Չեք պատկերացնի՝ մեր տանն ինչ վիշտ էր, ինչ գոռում-գոչյուն հանեց խեղճ կինը, ու անընդհատ ասում էր՝ ամա՜ն, ես գիտեմ, թե Աշոտիս նոր տուն կբերեն, ես մինչև հիմա չէի պատկերացնում, որ որդիս չկա, հիմա Գոռի մահով նոր զգում եմ, թե ինչ եմ կորցրել ու ոնց եմ դիմացել»,- ասաց նա։
«Ուզում եմ խոստովանել, որ ինքս ինձ հետ շատ համերաշխ եմ, որովհետև չկա մի բան, որ ասել եմ, որի համար պատրաստ չեմ պատասխան տալ։ Հանդիպումների ժամանակ չեմ հրապուրվել նրանով, որ դիմացինիս ասեմ մի բան, որն իրեն դուր գա։ Եղել ենք ազնիվ և անկեղծ։ Այդ նույն սկզբունքները դրել ենք մեր ծրագրի ու գործողությունների մեջ»։
Մարզահամերգային համալիրում ընթացող ՀՀԿ նախընտրական քարոզարշավի ամփոփիչ միջոցառմանը ելույթ ունեցող հայտնի երգիչ Հարութ Փամբուկչյանը՝ Ձախ Հարութը, ելույթի ժամանակ իջավ բեմից, մոտեցավ Սերժ Սարգսյանին և ՀՀԿ վերնախավին, խոնարհվեց, ապա նորից բեմ բարձրացավ ու շարունակեց ելույթը։
Մարզահամերգային համալիրում ընթանում է ՀՀԿ քարոզարշավի ամփոփման միջոցառումը, որին ներկա է հանրապետության նախագահ, ՀՀԿ ղեկավար Սերժ Սարգսյանը։ Միջոցառման ժամանակ Երևանի քաղաքապետ Տարոն Մարգարյանն իր ելույթում նշեց, որ ապրիլի 2-ը երկրի անվտանգության, առաջընթացի համար շատ կարևոր օր է, և կոչ արեց՝ վստահել այն քաղաքական ուժին, որն ունի հստակ, իրատեսական ծրագիր, և այն թիմին, որն ունի մեծ փորձառություն:
«Այսօր առավոտյան ընկերներիս հետ հիշում էինք նախագահական ընտրությունները, երբ ինձ տալիս էին 3%, իսկ թե ինչքան հավաքեցի՝ բոլորը գիտեն։ Ամբողջ հանրապետությունում ունենք 450 ավագանու անդամներ, բազմաթիվ ընտրված համայնքի ղեկավարներ, և, եթե վերցնենք, որ գյուղում ավագանի ընտրվելու համար նվազագույնն անհրաժեշտ է 100-200 քվե, ապա կարող եք բազմապատկել և տեսնել, թե ինչ թվերի մասին է խոսքը։ Ավելին, ՏԻՄ ընտրություններից հետո ձեռքներս ծալած չենք նստել, այսինքն՝ էլ ավելի ենք բազմապատկել մեր ջանքերը»։
Բնակիչներից մեկի` Հյուսիս-Հարավ մայրուղու շինարարության վերաբերյալ հարցին վարչապետը պատասխանեց. «Մենք ունենք արտաքին պարտք, որը կազմում է մեր ՀՆԱ-ի 57%ը։ Հյուսիս-հարավ ճանապարհը մեզ պե՞տք է, թե՞ չէ. այո՛, պետք է։ Բայց պետք է հաշվարկենք, թե որ վարկն է մեզ համար հավելյալ արժեք ստեղծում»։
«Այսօր, երբ ասում ենք՝ գյուղատնտեսությունն ունեցավ այսքան աճ, այսքան նվազում, իրականում դրա հիմքերը հեռախոսով կամ տարբեր հնարավոր միջոցներով բանավոր ճշտումներն են»։
«Ծրագիր ներկայացնելուց առաջ և հետո անչափ կարևոր է հասկանալ` քո ծրագիրը հանրության զարկերակը շոշափելո՞վ ես կազմել, թե՞ ոչ։ Մեզ համար կարևոր է` մեր ձայնը լսելի դարձնել ծրագիրը տեղ հասցնել ու հասկանալ` հո երկնքից իջած ծրագիր չե՞նք ներկայացրել։ Այսօր ողջ թիմի անունից կարող եմ ասել, որ այդ հարցի պատասխանը գտել ենք»։
«Մենք սերմացուներ ներկրում ենք Ռուսաստանից, Թուրքիայից չենք ներկրում, իսկ այն, ինչ որ հայտարարում են հասարակական կազմակերպությունները, երևի թե իրենք կարող են մեկնաբանել՝ ինչ է։ Բոլոր դեպքերում, պետական ծրագրերով մենք Թուրքիայից ոչ մի բան չենք ներմուծում»։
««Հայկական Վերածնունդը» կլինի այն քաղաքական ուժերի թվում, որն ապրիլի 2-ին կունենա ծանրակշիռ հաղթանակ, ես դրանում համոզված եմ։ Այդ վստահությունը գալիս է իմ 25 օրերի ընթացքում ունեցած հանդիպումներից, մենք ամեն տեղում ենք ուժեղ։ Իմ բոլոր հանդիպումներին գնում եմ իմ մեքենայով, իմ հետևից ավտոբուսներ չեն գալիս, մեքենաներ չեն գալիս, ու բոլոր տեղերում մենք կարողացել ենք ձևավորել ամուր, մրցունակ թիմ, ովքեր մեզ հետ միասին պայքարում են, ովքեր հավատում են, որ Հայաստանում ինչ-որ բան պետք է փոխվի»:
«Սա նշանակում է՝ ամեն գնով հզորացնել պաշտպանական մասը, օր ու գիշեր մտածել նոր սպառազինության մասին։ Լուծել դեմոգրաֆիկ հարցերը։ Այսինքն՝ սա կոմպլեքս է։ Երբ թշնամին կտեսնի, որ հայկական բանակի դեմ խաղ չկա, իրենք երբեք պատերազմ չեն սկսի»։
«Ցանկացած լուրջ հարց նախ պետք է դիտարկվի ազգային անվտանգության տեսանկյունից, և այդ իմաստով և՛ այս, և՛ նախորդ բոլոր ընտրությունները վտանգում են մեր ազգային անվտանգությունը։ 1991 թվականից մինչ այսօր չի ձևավորվել մի ուժ, որը պատրաստ կլինի երկիրը կառավարել։ Եվ անկախ նրանից՝ մասնակցում է այդ ուժը ընտրություններին, չի մասնակցում, բոյկոտում է և այլն, նման ուժ Հայաստանում 1991 թվականից ֆիզիկապես գոյություն չունի»,- այսօր լրագրողների հետ հանդիպմանն այս մասին ասաց կառավարման փորձագետ Հարություն Մեսրոբյանը՝ նշելով, որ ուժը կարող է հավակնել երկիրը կառավարելուն միայն երկու դեպքում։
Այսօր Շենգավիթ համայնքի ընտրողների հետ հանդիպման ժամանակ ՀՎԿ փոխնախագահ Հեղինե Բիշարյանն ասաց, որ Շենգավիթում իրենք միշտ հաղթել են, միշտ ունեցել իրենց աջակիցները. «Կարելի է ասել, որ կուսակցության ղեկավարն իր առաջին մանդատը ստացել է հենց Շենգավիթում»։
«Թրանսփարենսի ինթերնեշնլ» հակակոռուպցիոն կենտրոնի իրավրախորհրդատու Հերիքնազ Տիգրանյանի կարծիքով՝ դպրոցների տնօրենների կողմից կատարված ցուցակագրման դեպքերը պարունակում են քրեորեն պատժելի արարքի հատկանիշներ։
«Ոչ թե պետք է ասենք, որ տնօրենները վատն են, այլ ստեղծվել է իրավիճակ, երբ մարդկանցից պահանջվում է դրսևորվել իրենց վատագույն կողմով։ Սա լուրջ խնդիր է, ու, եթե այս համակարգը չվերանա, Հայաստանն առաջիկայում կրթության ոլորտում շատ լուրջ խնդիրներ կունենա»։
«Խոսելով օրեր առաջ հրապարակված ձայնագրությունների մասին, պետք է հասկանանք, որ մենք գործ չունենք ընդամենը 114 վատ տնօրենի կամ արջի ծառայություն մատուցողի հետ, մենք գործ ունենք համակարգի հետ, որովհետև տնօրենների մեծ մասը տվել են հստակ վարչական մարմինների անուններ, որոնք փոխանցել են ցուցակը։ Հաճախ նշել են՝ կոնկրետ չինովնիկների անուններ։ Երևանում այդ ցուցակները փոխանցել են թաղապետարաններ, մարզերում՝ մարպետարաններ, գյուղապետարաններ»:
«Հիմա գնացեք՝ հաշվեք էն փողերը, որ ձեզ առաջարկում են, հետո ինչքան եք տուժելու։ Եթե անգամ փող եք վերցնում, քվեարկեք ձեր ուզած ուժի օգտին։ Հայաստանում կան դեղամիջոցներ, որ հիվանդությունից ավելի վտանգավոր են։ Դրա համար հորդորում եմ՝ լավ մտածեք, այն մարդն էլ, որ փող է վերցրել, թող իր խղճով քվեարկի, որ ապրիլի 3-ին նորից չասենք՝ էս երկիրը երկիր չի, ո՞ւր են մեր դեպուտատները»։
«Մենակ փող ունեցողները պիտի հնձե՞ն. հո միջնադարում չե՞նք ապրում». Արթուր Բաղդասարյան
«Անտրամաբանություն չկա, որ կա տնտեսական թվերի աճ, բայց մեր կյանքի որակի փոփոխություն չկա, որովհետև մենք պետք է անցնենք մի ժամանակահատված, երբ տնտեսության այս թվերը բերում են նրան, որ մեր կյանքը չի վատանում։ Եվ մենք կամաց-կամաց գալու ենք հասնենք այն հագեցման կետին, որից հետո կյանքի որակը փոխվելու է»,- ասաց վարչապետը։
«Ամենաճանաչվածը ՀՀԿ-ն ու «Ծառուկյան» դաշինքն են, հետո գալիս են ՀՅԴ-ն, ՀՎԿ-ն ու ՀԱԿ-ը, հետո Կոմկուսն ու նոր խաղացողները»։ Ըստ նրա՝ սոցիալական բազա ունեցող կուսակցությունները համայքներում շանսեր ունեն. «Այդ առումով ՀՅԴ-ն ու ՀՎԿ-ն համայնքներում ունեն կայուն ընտրազանգված և գուցե կարողանան հաղթահարել իրենց 5%-ը»։
«Բավականին հետաքրքիր է զարգանում նախընտրական արշավը, թեպետ ընտրությունների արդյունքները քիչ թե շատ պարզ են, բայց այն բավականին մրցակցային է։ Մենք տեսնում ենք ինչ-որ բախումներ, մեծ մրցակցություն, տարբեր անհաճո խոսքեր, և այսինքն՝ նախընտրական պայքարը բավականին կենդանի է անցնում։ Հիմնական պայքարն ընդդիմադիր դաշտում ընթանում է հիմնականում խորհրդարան մտնելու համար, քանի որ տեղերը քիչ են»,- այսօր լրագրողների հետ հանդիպման ընթացքում նախընտրական քարոզարշավին նման գնահատական տվեց քաղաքագետ Ալեքսանդր Իսկանդարյանը։
Եղիազարյանի խոսքով՝ Վահան Շիրխանյանին էլ հիվանդ վիճակում տանում են հարցաքննության ու ինչ-որ բաներ գրել տալիս. «Մենակ Աստված գիտի՝ եսիմ ում վրա եք ցուցմունք վերցնում էդ հիվանդ մարդուց։ Էդ մարդուն մահամերձ վիճակում պահում եք, որ «Հաց բերողի» օրը գցեք։ Ինչի՞ հասաք։ Հիմա էլ Սամվել Բաբայանի հերթն է հասել»։
Նրա խոսքով` երկիրը ճիշտ զարգանալու համար մեր զինվորական հրամանատարներն իրենց գործն արել են, պետք է քաղաքացիական հրամանատարներն իրենց գործը կատարեն. «Մի բան հստակ է` մեր քաղաքացիական հրամանատարներն ունեն զինվորական հրամանատարների հանդեպ պարտք, որը փոխհատուցել է պետք»։
«Անձերն են փոխում համակարգեր, բայց ես այսօր իրականում շատ կցանկանամ, որ տարիներ անց քաղաքացիները դժվարանան հիշել` ով է վարչապետը, համայնքապետը, քաղաքապետը։ Դա ցույց կտա, որ կառավարման համակարգը կայացել է։ Ես ինձ համարում եմ ոչ վատ կառավարիչ, կան կամպանիաներ, որ զրոյից եմ ստեղծել ու դրա համար շատ հպարտ եմ»:
«Կոչ եմ անում քվեարկել մեր օգտին և վստահաբար պահանջել մեզանից մեր վաղվա օրը։ Մեր ռեյտինգային թեկնածուները ներկայացնում են մեր ծրագրերը, նրանք ունեն անցած ճանապարհ։ Եկել է ժամանակը ևս մեկ անգամ վստահելու մեր փորձառու թիմին»:
«Նմանատիպ հայտարարություններ արել է նաև Սամվել Բաբայանը։ Այստեղ այլ բան է հետաքրքիր, որ ՕՐՕ-ի անդամների հայտարարություններից դատելով՝ կարող ենք ասել, որ նրանք չեն պատրաստվում անցնել խորհրդարան»։
Տարոն Մարգարյանն ընդգծեց, որ շենգավիթցիները միշտ եղել են ՀՀԿ-ի կողքին, միշտ վստահել են ՀՀԿ-ին, որովհետև, ըստ նրա՝ ՀՀԿ-ն երբևէ չի խուսափել պատասխանատվությունից. «Մենք պատասխանատվություն ենք կրել բոլոր ձեռքբերումների և անհաջողությունների համար, որոնք եղել են մեր երկրում։ Հետևաբար՝ կոչ եմ անում քվեարկել ՀՀԿ-ի պրոֆեսիոնալ թիմի օգտին, որն ունի անցած ճանապարհ և տեսլական»:
«Քաղաքական ենթատեքստը, որ երևում է, միայն կույրը չի տեսնում։ Բնական է՝ կա քաղաքական ենթատեքստ, այլ հարց է, որ քաղաքական ենթատեքստ չի նշանակում՝ իրականությանը չհամապատասխանող։ Կարող է՝ իրականությանը համապատասխանում է, ձեզ դա պետք է հետաքրքրի՝ ինչքանո՞վ է իրականությանը համապատասխանում։ Ես ինչքանով գիտեմ Սամվել Բաբայանի կերպարը, նա շատ խիզախ, քաջ տղա է ու կարող էր իրեն նման բան թույլ տալ՝ անօրինական ձևերով գնալ դեպի «փայլուն Հայաստանի» ապագան։ Իսկ թե ինչքանով է դա իրականություն, այլ խնդիր է, հետաքննությունը կպարզի»։