Հրաչյա Հարությունյանը պատիժը կրելու է բաց ռեժիմով
Ռուսաստանի Դաշնությունում դատապարտված և պատժի մնացած մասը կրելու համար հուլիսի 20-ին Հայաստան տեղափոխված Հրաչյա Հարությունյանը պատիժը կկրի բաց տիպի ռեժիմով:
«Հրաչյա Հարությունյանը համարվում է բաց ռեժիմի դատապարտյալ։ Որոշումը երեկ է կայացվել, նա տեղափոխվել է բաց ռեժիմով դատապարտյալների համար նախատեսված տեղամաս»,- այս մասին 168.am-ին հայտնեցին ՀՀ արդարադատության նախարարության քրեակատարողական ծառայության հանրային կապերի բաժնից։
