168.am-ի հետ զրույցում նրա պաշտպան Արայիկ Պապիկյանն ասաց, որ Արայիկ Խանդոյանին մեղադրանք է առաջադրվել ՀՀ քրեական օրենսգրքի երկու հոդվածով՝ 218-րդ հոդվածի 3-րդ մասի 1-ի կետով՝ պատանդ վերցնելը, որը կատարվել է կազմակերպված խմբի կողմից և 235-րդ հոդվածով՝ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը։
Հսվսեփ Խուրշուդյանի պաշտպան Սեդա Սաֆարյանը 168.am-ի հետ զրույցում ասաց, որ դատարանի այս որոշումից անակնկալի չեն եկել, հասկանում էին, թե ինչ է տեղի ունենալու։ «Հովսեփն էլ էր հասկանում, որ իրեն քաղաքական հետապնդման են ենթարկում սուր քննադատության, հանրահավաքին մասնակցելու և այլնի համար։ Որևէ գործողության մասին խոսք չի կարող լինել, քանի որ նա այնտեղ որևէ մեկին մատով չի կպել, ինչպե՞ս կարող էր քարով կպնել»,- ասաց Սեդա Սաֆարյանը։
Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը երեկ բավարարել է «Ժառանգություն» կուսակցության փոխնախագահ Արմեն Մարտիրոսյանին 2 ամսով կալանավորելու մասին քննիչի միջնորդությունը։
Երևանի Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը երեկ ուշ գիշերին որոշում է կայացրել 2 ամսով կալանավորել «Ժառանգություն» կուսակցության մամուլի խոսնակ, Երևանի ավագանու անդամ Դավիթ Սանասարյանին։ 168.am-ի հետ զրույցում նրա պաշտպան Ռոբերտ Ռևազյանն ասաց, որ ժամտ մոտ 04։30-ին դատարանը հրապարակել է որոշումը։
Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը որոշել է երկու ամսով կալանավորել Անդրիաս Ղուկասյանին։
«Ժառանգություն» կուսակցության մամուլի քարտուղար, Երևանի ավագանու անդամ Դավիթ Սանասարյանին մեղադրանք է առաջադրվել։ 168.am-ի հետ զրույցում նրա պաշտպան Ռոբերտ Ռևազյանն ասաց, որ մեղադրանք է առաջադրվել ՀՀ քրեական օրենսգրքի 225-րդ հոդվածի 1-ին մասով՝ զանգվածային անկարգություններ կազմակերպելը։ Դավիթ Սանասարյանը մեղադրանքը չի ընդունում։
«Սասնա ծռեր» խմբավորման անդամ Սեդրակ Նազարյանը գտնվում է վերակենդանացման բաժանմունքում։ Այս մասին 168.am-ին հայտնեցին ՀՀ առողջապահության նախարարությունից։
«Ա. Ղուկասյանը հայտարարել է հացադուլ սկսելու մասին, հետևյալ պահանջով. Հայաստանի Հանրապետությունում իշխանությունը պատկանում է ժողովրդին։ Պահանջում եմ ժողովրդից Հայաստանում հաստատել սահմանադրական կարգ և վերականգնել արդարադատությունը, իրեն հասանելի բոլոր միջոցներով»,- նշել է փաստաբանը։
Հակաճգնաժամայինն խորհրդի անդամ Անդրիաս Ղուկասյանին այսօր մեղադրանք է առաջադրվել։ Այս մասին 168.am-ի հետ զրույցում ասաց նրա պաշտպան Երվանդ Վարոսյանը՝ նշելով, որ նրան մեղադրանք է առաջադրվել ՀՀ քրեական օրենսգրքի 225-րդ հոդվածի 1-ին մասով՝ զանգվածային անկարգություններ կազմակերպելը։
Արմեն Մարտիրոսյանը մեղադրանքը չի ընդունում:Փաստաբանի խոսքով՝ նա ցուցմունքում նշել է, որ իր նկատմամբ քաղաքական հետապնդում է իրականացվում։ Նրա խոսքով՝ միջնորդություն են ներկայացրել անձնական երաշխավորություն կիրառելու վերաբերյալ։
ՀՀ գլխավոր դատախազը պահանջել է ոստիկանության պարեկապահակային (ՊՊԾ) գնդի տարածքի զավթման փաստի առթիվ ԱԱԾ-ում հարուցված քրեական գործը՝ բազմակողմանի, լրիվ և օբյեկտիվ քննության համար Հատուկ քննչկան ծառայություն ուղարկելու համար։ Այս մասին 168.am-ին հայտնեցին ՀՀ գլխավոր դատախազության հանրային կապերի բաժնից՝ նշելով, որ Ազգային անվտանգության ծառայությունից նման միջնորդություն չեն ստացել։
168.am-ին Ճառագայթաբանության և այրվածքաբանության գիտահետազոտական կենտրոնից հայտնեցին, որ նա գտնվում է վերակենդանացման բաժանմունքում:
Քննիչը որոշում է կայացրել Եղիշե Պետրոսյանին ձերբակալելու մասին։ Այս մասին հայտնում է նրա պաշտպան Երվանդ Վարոսյանը։ «Քննիչի կողմից կայացվել է Եղիշե Պետրոսյանին ձերբակալելու մասին որոշում։
«Այստեղ եկել ենք նույն պահանջներով, նույն տեսլականով, ինչ հուլիսի 17-ից սկսած»,- այս մասին քիչ առաջ Ազատության հրապարակում հայտարարեց Հակաճգնաժամային նախաձեռնող խմբի անդամ Ալբերտ Բաղդասարյանը:
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի որոշմամբ` Ալեք Ենիգոմշյանը երկու ամսով կալանավորվել է: Այս մասին 168.am-ին հայտնեց նրա պաշտպան Նիկոլայ Բաղդասարյանը` նշելով, որ կբողոքարկի դատարանի որոշումը: Փաստաբանն ասաց նաև, որ այսօր Ալեք Ենիգոմշյանին մեղադրանք է առաջադրվել. վերջինս մեղադրանքը չի ընդունում:
168.am-ի խմբագրություն էր զանգահարել ձերբակալված Անդրիաս Ղուկասյանի կինը` Անահիտ Թարխանյանը՝ ասելով, որ պահանջում է, որպեսզի ամուսնուն հիվանդանոց տեղափոխեն: Տիկին Թարխանյանը նշեց, որ ամուսինը գիշերվանից վատ վիճակում գտնվում է Ձերբակալվածների պահման վայրում:
ՀՀ ոստիկանության պարեկապահակային գնդի տարածքում գտնվող բժիշկներից Սալվադոր Խեչոյանն ազատության մեջ է:
Երեկ ուշ երեկոյան բերման ենթարկված Հովսեփ Խուրշուդյանը ձերբակալվել է: Այս մասին 168.am-ի հետ զրույցում ասաց նրա պաշտպան Սեդա Սաֆարյանը:
«Ժառանգություն» կուսակցության փոխնախագահ Արմեն Մարտիրոսյանին ձերբակալելու որոշումը կբողոքարկվի: Այս մասին 168.am-ի հետ զրուցում ասաց նրա պաշտպան Գիվի Հովհաննիսյանը:
«Ժառանգություն» կուսակցության անդամ Դավիթ Սանասարյանը ևս ձերբակալված է: Տեղեկությունը 168.am-ի հետ զրույցում հաստատեցին ՀՀ Քննչական կոմիտեից:
ՀՀ ՔԿ հատկապես կարեւոր գործերի քննության գլխավոր վարչությունում հուլիսի 30-ին հարուցվել է քրեական գործ՝ հուլիսի 29-ի ուշ երեկոյան Էրեբունի եւ Նուբարաշեն վարչական շրջանում տեղի ունեցած անկարգությունների դեպքերի առթիվ։ Այս մասին 168.am-ին հայտնեցին ՀՀ քննչական կոմիտեից:
Երեկ Խորենացի փողոցից և Սարի թաղից բերման ենթակված 165 քաղաքացիներից 26-ը ձերբակալվել է: Այս մասին 168.am-ին հայտնեցին ՀՀ ոստիկանության հասարակայնության հետ կապի և լրատվության վարչությունից` նշելով, մյուսներն ազատ են արձակվել:
Երեկ Երևանի Խորենացի փողոցից և Սարի թաղից ոստիկանության տարբեր բաժիններ բերման է ենթարկվել 165 քաղաքացի։ Այս մասին 168.am-ին հայտնեցին ՀՀ ոստիկանության հասարակայնության հետ կապի և լրատվության վարչությունից։
Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցն ասաց, որ քննարկում են, սա հրապարակային մտածողության ֆորմատ է։ «Հայաստանի Հելսինկյան կոմիտեի» նախագահ Ավետիք Իշխանյանն ասաց, որ հարթակից դրվում է նախագահի հրաժարականի պահանջը։ «Երկու կողմից գնում են փակուղի, մենք առաջարկում ենք մեղմ տարբերակ»,- ասաց նա։ Արթուր Սաքունցն էլ հավելեց, որ վստահություն ձևավորելու ուղղությամբ քայլեր կան՝ լարվածությունը թուլացնելու համար, ինչպես նաև՝ կարճաժամկետ քայլեր։
ՀՀ Ոստիկանության ՁՊՎ-ներում վերահսկողություն իրականացնող հասարակական դիտորդական խմբի անդամները հանդիպել են «Սասնա ծռեր» խմբավորման անդամ, ըստ պաշտոնական վարկածի իրավապահներին հանձնված Արամ Հակոբյանին։ Այս մասին այսօր լրագրողների հետ հանդիպման ընթացքում ասաց խմբի նախագահ Հասմիկ Սահակյանը։ Նրա խոսքով՝ Արամ Հակոբյանը մարմնական վնասվածքներ ուներ և դժվարությամբ էր շարժվում։
Ավետիք Իշխանյանի կարծիքով՝ պետականությունը կանգնած է վտանգի առաջ, և պետք է ուղիներ որոնել՝ հանգուցալուծումը հնարավորինս հարթ իրականացնելու համար։ Նա նշեց, որ մշակված փաստաթուղթը բավական հում է, իրենք չեն ասում, թե այս փաստաթուղթը բոլոր հարցերի լուծման դեղատոմսն է, դրա շուրջ ցանկանում են քննարկումներ կազմակերպել, բարելավել այն։ Ավետիք Իշխանյանն ասաց, որ չեն հավակնում միջնորդ լինել, չեն ձգտում իշխանության, պարզապես անհանգստացած են և ցանկանում են առաջարկություններ ներկայացնել։
ՀՀ քննչական կոմիտեում քննվող քրեական գործի շրջանակներում կալանավորվել է Հանրային խորհրդի անդամ Արշակ Սադոյանի որդին՝ Արեգը: Այս մասին այսօր լրագրողների հետ հանդիպման ընթացքում ասաց ՀՀ ոստիկանության ՁՊՎ-ներում վերահսկողություն իրականացնող հասարակական դիտորդական խմբի անդամ Սուրեն Իսկանդարյանը:
«Սասնա ծռեր» խմբավորման անդամ Պավել Մանուկյանին կալանավորելու միջնորդության քննության օրն ու ժամը դեռևս հայտնի չէ։ Այս մասին 168.am-ի հետ զրույցում ասաց նրա պաշտպան Ինեսա Պետրոսյանը։ Նրա խոսքով՝ Պավել Մանուկյանի կնոջն ու դստերը թույլ չեն տվել տեսակցել նրանց՝ պատճառաբանելով, որ Պավել Մանուկյանի տեսակցությունների վրա արգելանք է դրվել։
ՀՀ ոստիկանության Հասարակայնության հետ կապի և լրատվության վարչությունից 168.am-ին հայտնեցին, որ նախ՝ բերման է ենթարկվել 37, ապա՝ ևս 29 քաղաքացի:
Երեկ ձերբակալվել է Ալեք Ենիգոմյանը: Այս մասին 168.am-ին հայտնեց նրա պաշտպան Նիկոլայ Բաղդասարյանը: Պաշտպանի խոսքով` Ալեք Ենիգոմշյանը ձերբակալվել է ԱԱԾ-ում քննվող քրեական գործի շրջանակներում:
