Արմեն Մարտիրոսյանին մեղադրանք է առաջադրվել
«Ժառանգություն» կուսակցության փոխնախագահ Արմեն Մարտիրոսյանին մեղադրանք է առաջադրվել։ Այս մասին 168.am-ի հետ զրույցում ասաց նրա պաշտպան Գիվի Հովհաննիսյանը՝ նշելով, որ մեղադրանք առաջադրվել ՀՀ քրեական օրենսգրքի 225-րդ հոդվածի 1-ին մասով՝ զանգվածային անկարգություններ կազմակերպելը։
Արմեն Մարտիրոսյանը մեղադրանքը չի ընդունում:Փաստաբանի խոսքով՝ նա ցուցմունքում նշել է, որ իր նկատմամբ քաղաքական հետապնդում է իրականացվում։ Նրա խոսքով՝ միջնորդություն են ներկայացրել անձնական երաշխավորություն կիրառելու վերաբերյալ։
