«Պահանջում եմ ժողովրդից Հայաստանում հաստատել սահմանադրական կարգ և վերականգնել արդարադատությունը». Անդրիաս Ղուկասյան
Անդրիաս Ղուկասյանն այսօր Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում իր ձերբակալման դեմ բողոքի քննարկման ընթացքում հայտարարել է, որ իր նկատմամբ իրականացվող հետապնդումները ակնհայտ քաղաքական են, ինքը քաղ.բանտարկյալ է: Այս մասին տեղեկացրել է նրա պաշտպան Լուսինե Սահակյանը։
«Ա. Ղուկասյանը հայտարարել է հացադուլ սկսելու մասին, հետևյալ պահանջով. Հայաստանի Հանրապետությունում իշխանությունը պատկանում է ժողովրդին։ Պահանջում եմ ժողովրդից Հայաստանում հաստատել սահմանադրական կարգ և վերականգնել արդարադատությունը, իրեն հասանելի բոլոր միջոցներով»,- նշել է փաստաբանը։
