Անդրիաս Ղուկասյանին մեղադրանք է առաջադրվել. նա հացադուլ է հայտարարել
Հակաճգնաժամայինն խորհրդի անդամ Անդրիաս Ղուկասյանին այսօր մեղադրանք է առաջադրվել։ Այս մասին 168.am-ի հետ զրույցում ասաց նրա պաշտպան Երվանդ Վարոսյանը՝ նշելով, որ նրան մեղադրանք է առաջադրվել ՀՀ քրեական օրենսգրքի 225-րդ հոդվածի 1-ին մասով՝ զանգվածային անկարգություններ կազմակերպելը։
Անդրիաս Ղուկասյանը մեղադրանքը չի ընդունում։ Քիչ առաջ դատարանն ավարտել է Անդրիաս Ղուկասյանին ձերբակալելու որոշման բողոքի քննությունը և հեռացել խորհրդակցական սենյակ՝ որոշում կայացնելու։ Երվանդ Վարոսյանի խոսքով՝ Անդրիաս Ղուկասյանը դատարանում հայտարարել է, որ ակնհայտ քաղաքական հետապնդում է իրականացվում և ի նշան բողոքի հացադուլ հայտարարել։
