«Եթե Նիկոլ Փաշինյանը ամոթ և թասիբ ունենար՝ 1 օր առաջ ներողություն կխնդրեր հայ ժողովրդից և կթողներ իր պաշտոնը, որովհետև պարտված առաջնորդը չի կարող մնալ առաջնորդ»,- Ազատության հրապարակում լրագրողների հետ զրույցում ասաց «Հայրենիք» կուսակցության նախագահ, ԱԱԾ նախկին տնօրեն Արթուր Վանեցյանը՝ անդրադառնալով լրագրողի դիտարկմանը, որ մինչ իրենք հանրահավաք են անցկացնում, վարչապետ Նիկոլ Փաշինյանը ճանապարհային քարտեզ է ներկայացնում, որտեղ նշվում է նաև առնվազն 6 ամիս նրա պաշտոնավարելու մասին:
«Երբևէ մեծ կարծիք չեմ ունեցել քայլականների մասին, բայց երբ Ռուսաստանի նախագահի հարցազրույցը իրենց պատճառում է մի անասելի հրճվանք, երբ հարցազրույցից պոկում են 1 բառ, որ Նիկոլը դավաճան չէ, և դրանով հրճվում են, պարզ հարց եմ տալիս, դուք հո իմբեցել չե՞ք, հարգելի գործընկերներ»,- քիչ առաջ Ազատության հրապարակում ասաց «Բարգավաճ Հայաստան» խմբակցության պատգամավոր Նաիրա Զոհրաբյանը:
«Ինձ այս հարթակ է բերել իմ մարտական ընկերների աստղաբույլը, ովքեր զոհվեցին առաջին պատերազմի ժամանակ, ինձ այս հարթակ է բարձրացրել իմ մարտական ընկերների աստղաբույլը, ովքեր այսօր կանգնած են մարտական դիրքերում և չե՛ն ցանկանում իջնել, չունեն կորցնելու հայրենիք, ինձ այս հարթակ են բարձրացրել այն բոլոր զոհված տղերքը, ովքեր իրենց զոհաբերեցին հանուն մեր հայրենիքի, հանուն Շուշիի՛, հանուն Արցախի՛, հանուն Հայաստանի Հանրապետությա՛ն, և այսօր, ինչ-որ փրչոտ-քրչոտ հող է հանձնում, ո՞վ ես դո՛ւ»,- քիչ առաջ Ազատության հրապարակում հայտարարեց ՀՀ Բնապահպանության և ընդերքի տեսչական մարմնի ղեկավարի նախկին տեղակալ Իգոր Սարգսյանը:
«Մենք գտնվում ենք մեզ համար բախտորոշ իրավիճակում, մենք բոլորս մեր համախմբման ուժով հնարավորություն ունենք այս իրավիճակից քայլ առ քայլ դուրս գալու»,- քիչ առաջ Ազատության հրապարակում հայտարարեց «Ազգային օրակարգ» կուսակցության խորհրդի նախագահ Արա Հակոբյանը՝ ավելացնելով, որ դա լինելու է դժվարին ճանապարհ, սակայն պետք է համախմբվել և սկսել լուծել այն հարցերը, որի առաջ այսօր կանգնած ենք:
«Ինձ մեղադրանք է առաջադրվել ՀՀ քրեական օրենսգրքի 225.1-րդ հոդվածի 1-ին մասով՝ օրենքով սահմանված կարգի խախտմամբ հավաք կազմակերպելու և անցկացնելու համար»,- քիչ առաջ ՀՔԾ-ից դուրս գալով՝ լրագողների հետ զրույցում ասաց «Հայրենիք» կուսակցության անդամ Արա Սահակյանը:
Ուժեղացված ծառայություն՝ կառավարական առանձնատան և ԱԺ շենքի մոտ
«Պատերազմից հետո ես մեկ անգամ ցավ տեսա Նիկոլ Փաշինյանի աչքերում, երբ հայտարարեց, որ իր դուխին և իր կոնյակը գողացել են,- ԱԺ ամբիոնից հայտարարեց Նաիրա Զոհրաբյանը, ապա հավելեց,- Նիկոլ Փաշինյանի ստորագրած դավաճանական համաձայնագրով մեզանից գողացել են Թալիշը, Մատաղիսը, գյուղեր, հատվածներ Մարտունու, Ասկերանի շրջանից, Նիկոլ Փաշինյանի դավաճանական համաձայնագրով կորցրել ենք Շուշին, Հադրութի շրջանը, գրեթե ամբողջությամբ, Ջեբրայիլը, Ֆիզուլին, Զանգելանը, Կուբաթլուն: Նիկոլի ստորագրած դավաճանական փաստաթղթով Ադրբեջանին է անցնում Աղդամը, Քաշաթաղը գրեթե ամբողջությամբ, բացառությամբ 5 կիլոմետրանոց միջանցքի, Շահումյան շրջանը՝ Քարվաճառի կենտրոնով, և այստեղ ասում են՝ մի՛ ասեք, ցավը մի ավելացրեք…»:
«Այստեղ «Իմ քայլը» խմբակցության պատգամավորները զբաղված են ամեն ինչով, բացի այդ խայտառակ փաստաթղթի քննարկման հնարավորություն ընձեռելը»,- Ազգային ժողովի ամբիոնից հայտարարեց «Բարգավաճ Հայաստան» խմբակցության պատգամավոր Իվետա Տոնոյանը, ապա դիմեց «Իմ քայլը» խմբակցության պատգամավոր Արփի Դավոյանին:
«Պատերազմում մենք պարտվել ենք, պարտվել ենք և՛ ռազմի դաշտում, և՛ դիվանագիտական դաշտում»,- այսօր ԱԺ ամբիոնից հայտարարեց «Բարգավաճ Հայաստան» խմբակցության պատգամավոր Արտյոմ Ծառուկյանը:
Ազգային ժողովի «Բարգավաճ Հայաստան» խմբակցության պատգամավոր Իվետա Տոնոյանն այսօր ԱԺ ամբիոնից հայտարարեց, որ Արցախը թշնամուն հանձնելուց հետո խորհրդարանի հրավիրած առաջին նիստի ընթացքում որևէ այլ օրակարգ չի կարող քննարկվել, քան Արցախի կապիտուլյացիայի խայտառակ փաստաթղթի մանրամասները քննարկելուց, ինչպես նաև երկրում ռազմական դրությունը չեղարկելու հարցից: Պատգամավորն ընդգծեց, որ պատերազմական գործողություններն այլևս ավարտված են, և ռազմական դրության արհեստական երկարաձգումը բացառապես սպասարկում է իշխանության շահերն ու հետաքրքրությունները:
«Այսօր այս դահլիճում կարող է և պետք է քննարկվի միայն 1 հարց՝ ռազմական դրության չեղարկում, Նիկոլ Փաշինյանի հրաժարական, այլ հարց այս դահլիճում մենք որևէ բարոյական իրավունք չունենք քննարկելու»,- Ազգային ժողովի ամբիոնից հայտարարեց «Բարգավաճ Հայաստան» խմբակցության պատգամավոր Նաիրա Զոհրաբյանը, նախքան այս խոսքը հնչեցնելը՝ նա դիմեց «Իմ քայլի» պատգամավոր Համազասպ Դանիելյանին:
168.am-ն արդեն տեղեկացրել էր, որ այսօր, ինչպես յուրաքանչյուր հանրահավաքից առաջ, Ազգային անվտանգության ծառայություն (ԱԱԾ) է հրավիրվել «Բարգավաճ Հայաստան» կուսակցության առաջնորդ Գագիկ Ծառուկյանը: 168.am-ի տեսախցիկն այսօր ԱԱԾ մտնելիս ֆիքսել է նաև կառույցի նախկին տնօրեն Արթուր Վանեցյանին:
168.am-ի լրագրողի տեսախցիկը ֆիքսել է, թե ինչպես են Ազգային ժողովի (ԱԺ) դիմացի մուտքի հատվածից 8 ավտոբուս Բաղրամյան պողոտայով դեպի Կենտրոն շարժվում, ուր արդեն տեղի է ունենում Նիկոլ Փաշինյանի հրաժարականի պահանջով հրավիրված հանրահավաքը:
«Լրիվ իրավաչափ է այսօրվա որոշումը և իրավաբանական, ես գոհ եմ մոտեցումներից»,- այսօր կեսօրին դուրս գալով ԱԱԾ շենքից՝ լրագրողների հետ զրույցում ասաց ՀՀԿ նախկին պատգամավոր Վահրամ Բաղդասարյանը:
«ԵԿՄ նախկին նախագահ Մանվել Գրիգորյանի առողջական վիճակը, բժիշկների գնահատմամբ՝ ծայրահեղ ծանր է»,- քիչ առաջ 168.am-ի հետ զրույցում ասաց Մանվել Գրիգորյանի փաստաբան Արսեն Մկրտչյանը, որն այդ պահին գտնվում էր հիվանդանոցի բակում:
«Այսպիսի բան իմ կյանքում չեմ պատկերացրել, ուղղակի շատ վիրավորված ու շատ անհասկանալի վիճակ է մոտս»,- Ազատության հրապարակում տեղի ունեցող հանրահավաքի ժամանակ լրագրողների հետ զրույցում ասաց բռնցքամարտիկ Իսրայել Հակոբկոխյանը:
«Դավաճանների մտադրությունների վրա բոլորը թքած ունեն, Նիկոլ Փաշինյանն իր մտադրությունները թող իրեն պահի»,- այսօր Ազատության հրապարակում տեղի ունեցած հանրահավաքի ժամանակ լրագրողների հետ զրույցում ասաց «Հայրենիք» կուսակցության ներկայացուցիչ Արսեն Բաբայանը՝ անդրադառնալով դիտարկմանը, որ արդեն որերորդ օրն է՝ հանրահավաք է իրականացվում, սակայն վարչապետ Նիկոլ Փաշինյանը կարծես թե մտադրություն չունի հրաժարական տալու:
«Սեպտեմբերի 26-ն էր, ասաց՝ վաղը կզանգեմ, ու այդպես էլ չզանգեց: Ամսի 26-ի իրիկունը մամայի հետ խոսել է, հաջորդ օրն առավոտյան դեպքը տեղի է ունեցել: Կարենը ՀՕՊ-ում էր ծառայում, որ մամայի հետ խոսեց, դեռ պատերազմը չէր սկսվել, բայց ասաց, որ մի քանի օրից իրենց մոտ ինչ-որ բան է լինելու, այդպես էլ չիմացանք, թե ինչ էր լինելու… Ախպերս նպատակ ուներ գար, համալսարանը գերազանց ավարտեր և ուսումը շարունակեր արտերկրում»:
Մեր հասցեին հնչեցված մեղադրանքները բացարձակ անհիմն են: Վարչապետը կամ չի՛ տիրապետում տեղեկատվությանը, թե ինչ ջոկատներ են մեկնել և ինչ գործառույթներ են իրականացրել, կարծում եմ, որ ճիշտ կլինի՝ վարչապետը տեղեկատվություն խնդրի և ստանա համապատասխան մարմիններից՝ Պաշտպանության նախարարությունից, ՀՀ ԶՈՒ ԳՇ-ից: Մենք բազմաթիվ անգամներ հայտարարել ենք, որ կամավորական ջոկատների կազմավորման աշխատանքները օրեր շարունակ ընթացել են, բոլոր այդ աշխատանքները համակարգվել և համաձայնեցվել են Պաշտպանության նախարարության, ՀՀ ԶՈՒ ԳՇ-ի հետ:
Վարչապետ Նիկոլ Փաշինյանն այսօր արդեն ֆեյսբուքյան բազմաթիվ գրառումներով և ուղիղ միացումներով փորձում էր ներկայացնել, թե ինչու ստորագրեց Ռուսաստանի և Ադրբեջանի նախագահների հետ ղարաբաղյան պատերազմը նոյեմբերի 10-ին ժամը 01:00-ից դադարեցնելու մասին հայտարարությունը: Սա արդեն 4-րդ ուղիղ միացումն էր, երկուսը՝ «Զրույց քաղաքացու հետ» առանձին խորագրերով էին: Այս պահին վերջինը Նիկոլ Փաշինյանը վերնագրել էր՝ «Իմ մեղքը»:
«Կոչ ենք անում մեր հայրենակիցներին հանդարտվել, ԱԺ շենքում գտնվող մեր հայրենակիցներին կոչ եմ անում ոչինչ չվնասել, հանդարտվել, չկա անլուծելի հարց, բոլոր հարցերը հարցերը, բոլոր իրավիճակները՝ անգամ առաջին հայացքից փակուղային թվացող իրավիճակները, հնարավոր է լուծել»,- վաղ առավոտյան ԱԺ-ում լրագրողների հետ ճեպազրուցում ասաց «Բարգավաճ Հայաստան» խմբակցության պատգամավոր Նաիրա Զոհրաբյանը:
Վարչապետ Նիկոլ Փաշինյանը ֆեյսբուքյան առաջին ուղիղ եթերից րոպեներ անց երկրորդ անգամ ուղիղ հեռարձակմամբ հանդես եկավ՝ այս անգամ տեղեկացնելով ԱԺ նախագահ Արարատ Միրոզոյանի առողջական վիճակի մասին:
Վարչապետ Նիկոլ Փաշինայնը քիչ առաջ թաքստոցից ֆեյսբուքյան ուղիղ եթերում հակիրճ անդրադարձավ Ռուսաստանի և Ադրբեջանի նախագահների հետ ղարաբաղյան պատերազմը ժամը 01.00-ից դադարեցնելու մասին հայտարարություն ստորագրելուն՝ խոստանալով մանրամասները ներկայացնել սահմանում իրավիճակի կայունանալուց հետո: Նա մասնավորապես ասաց.
Արցախում զոհված Արտյոմ Տիգրանի Առաքելյանը 22 տարեկան էր, մայրաքաղաք Երևանից: Նրա քույրը՝ Անահիտը, 168.am-ի հետ զրույցում ասաց, որ եղբայրն ապագա բժիշկ էր, ուսումը կիսատ էր թողել, մեկնել ծառայության՝ վերադառնալու և շարունակելու նպատակով:
«Մոտ 2-3 օր ինքը չզանգեց, սկսեցինք անհանգստանալ: Քեռիս ինչ-որ վատ բան էր կանխազգում, վատ էր զգում, անընդհատ տղայից էր խոսում: Մենք էլ համոզում էինք, որ գուցե կապի խնդիր է, դիրքերում են, մի քանի օրից հնարավոր է կապի դուրս գա… Հոկտեմբերի 26-27-ն էր, մեզ զանգեցին Գյումրու դիահերձարանից ու այդ բոթը հայտնեցին: Այդ լուսաբացը մեզ համար շատ դաժան եղավ… Ինքը հերոս տղա էր, իր կյանքը նվիրեց հային ու հողին…»:
Արցախում դիպուկահարի կրակոցից զոհված 33-ամյա մայոր Գառնիկ Հուսիկի Խաչատրյանը Գեղարքունիքի մարզի Վարդենիսի տարածաշրջանի Ակունք գյուղից էր: Դպրոցն ավարտելուց հետո սովորել էր Վազգեն Սարգսյանի անվան ռազմական համալսարանում, ծառայության էր անցել էր Հայաստանի զորամասերից մեկում, իսկ վերջին 5 տարում տեղափոխվել էր Արցախ՝ Մատաղիս:
Արցախում զոհված 39-ամյա փոխգնդապետ Արման Էդվարդի Դրմեյանը Շիրակի մարզի Կամո գյուղից էր, ամուսնացած է, ունի 1 տղա և 1 աղջիկ: Արմանի հայրը 168.am-ի հետ զրույցում պատմեց, որ որդին դպրոցն ավարտելուց անմիջապես հետո ընդունվել էր Վազգեն Սարգսյանի անվան ռազմական համալսարան, ավարտելուց հետո ծառայության էր անցել Հայաստանում, իսկ 2019 թվականի ամռանն արդեն՝ Արցախում:
«Մանվելը գումարտակի հրամանատար էր, շատ հարգված մարդ, ես հպարտ էի, որ իր նման մարդ կար իմ կողքին»,- 168.am-ի հետ զրույցում ասաց Արցախում զոհված փոխգնդապետ Մանվել Արծրունու Կարապետյանի այրին՝ Վիկտորիան:
Արցախում ադրբեջանական ագրեսիան ետ մղելիս զոհված Նոյ Լյովայի Թևոնյանը ընտանիքի 4-րդ երեխան էր, 3 քույրերից հետո շատ սպասված փոքր եղբայրը: Նոյի քույրերից Լիաննան 168.am-ի հետ զրույցում պատմեց, թե ինչպես է ստացվել, որ եղբորն անվանակոչել են Նոյ:
Արցախում արկի պայթյունից զոհված 26-ամյա Վարդգես Վահագնի Մինասյանը Գյումրիից էր, ընտանիքի միակ որդին: Վարդգեսի հորեղբորորդին՝ Յուրա Մինասյանը, 168.am-ի հետ զրույցում եղբորը բնութագրեց՝ որպես չափազանց բարի անձնավորություն:
