«Այս նախագիծը հիմնականում կոչված է բուհերի ռեկտորներին սանձահարելու և բուհերի ինքնավարությունը կառավարության գիլյոտինի տակ դնելու»,- Ազգային ժողովում անդրադառնալով կառավարության ներկայացրած «Բարձրագույն կրթության և գիտության մասին» օրենքում փոփոխություն կատարելուն՝ ասաց անկախ պատգամավոր Գևորգ Պետրոսյանը։
«Պատերազմի ավարտից անցել է 5.5 ամիս, մենք ունենք ծանր վիճակում հայտնված երկիր, թուլացած բանակ, քայքայված տնտեսություն, պառակտված հասարակություն, և որ ամենավատն է՝ հավատի կորուստ ապագայի նկատմամբ»,– ԱԺ ամբիոնից ասաց «Բարգավաճ Հայաստան» խմբալցության պատգամավոր Արտյոմ Ծառուկյանը։
Ազգային ժողովի իմքայլական պատգամավոր Սիսակ Գաբրիելյանն ԱԺ ամբիոնից անդրադարձել էր պատգամավորներին տրվող պարգևավճարների քննադատություններին, ապա հայտարարել, թե ԲՀԿ-ն և ԼՀԿ-ն որքան պարգևավճար են ստացել, և, որ իրենք դրա մասին երբեք չեն բարձրաձայնել։
Ազգային ժողովի «Բարգավաճ Հայաստան» խմբակցության պատգամավոր Նաիրա Զոհրաբյանն ԱԺ ամբիոնից կոչ արեց պատգամավորներին՝ վաղն առավոտյան կողմ քվեարկել ռազմական դրությունը չեղարկելու նախագծին, քանի որ առանց ռազմական դրության չեղարկման՝ չեն կարող սկսել Ազգային ժողովի լուծարման գործընթացը։
«Ռազմական դրության իրականությունը սահմանափակում է ընդդիմության իրավունքները, սահմանափակվում է երկրում ժողովրդավարությունը»,- Ազգային ժողովի ամբիոնից ասաց «Լուսավոր Հայաստան» խմբակցության ղեկավար Էդմոն Մարուքյանը՝ հիշեցնելով, որ սա արդեն 3-րդ անգամ է, որ խորհրդարանի 2 ընդդիմադիր խմբակցությունները Հայաստանի Հանրապետությունում ռազմական դրությունը հանելու վերաբերյալ նախաձեռնությամբ են հանդես գալիս։
«Ազգային ժողովի պաշտպանության հանձնաժողովում զինվորների չօգտագործած արձակուրդները վճարելու մասին «Լուսավոր Հայաստանի» առաջարկած նախագիծը մերժվել է, բայց վստահ եմ՝ իշխանություններն այս նախագիծը կընդունեն, բայց, երբ իրենք կնախաձեռնեն, ոչ թե մենք»,– Ազգային ժողովի ամբիոնից ասաց «Լուսավոր Հայաստան» խմբակցության ղեկավար Էդմոն Մարուքյանը։
Ազգային ժողովը լիագումար նիստերի օրակարգ չընդգրկեց «Լուսավոր Հայաստանի»՝ զինվորականներին չօգտագործված արձակուրդների դիմաց փոխհատուցում տալու նախագիծը, իմքայլականները դեմ քվեարկեցին։
Նիկոլ Փաշինյանի Արագածոտնի մարզ այցելությունը հանպատրաստի չէր, բոլոր 6 համայնքներում նախապես տեղեկացված էին եղել այցի մասին, ավելին՝ որոշ համայնքներում 2–3 օր առաջ էին ասել, որ համայնքի բնակիչներին իրազեկեն նրա այցի մասին։
Աշխատանքի և սոցիալական հարցերի փոխնախարար Տաթևիկ Ստեփանյանը ժամանեց Երևանի թիվ 1 տուն-ինտերնատ, որտեղ վաղ առավոտից բողոքի ակցիա և հացադուլ էին անցկացնում ծերատան խնամյալները։ Փոխնախարարը վստահեցրեց, որ Նորքի տուն-ինտերնատը փակելու, այն վաճառելու, և Երևանի թիվ 1 ինտերնատին միացնելու լուրերն իրականության հետ որևէ աղերս չունեն։
«Ունենք խնամյալներ, որոնք իրենց նախընտրությամբ երեկվանից հացադուլ են հայտարարել՝ պահանջելով նախկին տնօրենի հետադարձը՝ հաշվի առնելով նրա օրոք տեղի ունեցած բոլոր դրական փոփոխությունները։ Ես այդ ամեն ինչը շատ լավ հասկանում եմ, ընդունում եմ, ես ինքս պահանջում եմ․ Մենք վերջին պահին ենք իմացել, որ նման փոփոխություն է տեղի ունենալու՝ դրա համար է նման բուռն արձագանք։ Նախկին տնօրենը 1 օր առաջ է իմացել իր աշխատանքից ազատվելու մասին․․․»,- լրագրողների հետ զրույցում ասաց տուն–ինտերնատի աշխատակիցը։
«Ունենք 3250 զոհ, որոնք պաշտոնապես հաստատված են, այսինքն՝ մահվան վկայականներով արձանագրված է։ Ունենք 189 ծնող, ընտանիք, ովքեր ԴՆԹ նմուշ են հանձնել և սպասում են պատասխանի, և այո, մենք ունենք անհետ կորածների բավականին մեծ ցուցակ, բայց այդ ցուցակը պետք է ճշգրտվի, ինչո՞ւ, որովհետև անհետ կորածների ցուցակներից, օրինակ՝ վերջին ամիսներին 10 հոգի հայտնաբերվել են ամենատարբեր հանգամանքներում, նույնիսկ «Զվարթնոց» օդանավակայանում՝ Հայաստանից մեկնելու փորձի ժամանակ․․․
«Էջմիածնի մորգ էլ պետք է գնայինք նայելու, բայց մեզ ասացին, որ այդ մորգի դիակները գնացել է Հերացի։ Ոչ մեկը լուրջ չի վերաբերվում այս հարցին, ու իրենք էլ նկատել են, որ մենք մեր բերած դիակների հետևից ընկած ման ենք գալիս, որ ամեն ինչը պատշաճ կերպով արվի, որը չի արվում, անգամ ոսկորները չի լվացվել, որը հիմա պարկերի մեջ նեխում է, հողի հետ նեխում է։ Կոնկրետ չեն զբաղվում։ Անգամ դիակներ կան, որ հիմա գտնվում են խալադելնիկներում , բայց մորգի չէ, սառնարաններ են, բայց մորգինը չեն, չեմ ուզում ասել՝ որտեղի սառնարաններն են, ոչ մի բան պատշաճ չեն կազմակերպում․․․ Մենք հիմա ման ենք գալիս մի հատ պարկ, որի մեջ դրել ենք 3 գանգ, ու այդ պարկը չկա, այդ պարկը, ասեցին՝ Հերացի են տարել, վաղն ուզում ենք գնանք Հերացիում նայենք․․․»։
«Մի կարևոր բան ասեմ՝ այսօր Հայաստանի լրատվական դաշտում Արցախն, ըստ էության, բլոկադայի մեջ է, Արցախից մենք համարյա լուրեր չենք ստանում, սահմանամերձ շրջանները մեծ մասամբ բլոկադայի մեջ են, մենք լուրերը ստանում ենք օրերի ուշացմամբ, ինչպես, օրինակ՝ այն դեպքը, երբ Գորիսի մոտ ԱԱԾ-ն ձերբակալել էր 2 ադրբեջանցի զինվորականի։ Լուռ ձերբակալել էին ու հապճեպ հանձնել էին այդ 2 սահմանախախտ զինվորականներին, այն դեպքում, որ մենք Ադրբեջանում բազմաթիվ գերիներ ունենք, ու այն դեպքում, երբ հայկական կողմից ինչ-որ մեկը գերի է ընկնում՝ դա մի մեծ պատմություն է դառնում։
«Նիկոլ Փաշինյանի հայտարարությունը՝ հունիսի 20-ին ընտրություն կազմակերպելու վերաբերյալ, փաստ չէ, որ տեղի են ունենալու խորհրդարանական ընտրություններ»,- Բաղրամյան պողոտայում լրագրողների հետ զրույցում ասաց ՀՅԴ ԳՄ անդամ, «Հայրենիքի փրկության շարժման» համակարգող Իշխան Սաղաթելյանը։
Աբովյանի N 1 ավագ դպրոցում, մեկուկես ամիս է՝ դասապրոցեսը խաթարված է, իսկ նորանշանակ տնօրեն Քարմիլե Առաքելյանը, որի նշանակումն ուսուցիչները կապում են Կոտայքի նախկին մարզպետ, ներկայում՝ Շրջակա միջավայրի նախարար Ռոմանոս Պետրոսյանի հետ և պահանջում են նրա հրաժարականը, մի քանի ուսուցիչների աշխատանքից ազատել է, փոխարենը նոր՝ ՔՊ–ական կապեր ունեցող ուսուցիչների և փոխտնօրենների է ընդունել։ Տեղեկությունը 168.am-ի հետ զրույցում հայտնեց դպրոցի տնտեսվար Նունե Քամալյանը, որը ևս աշխատանքից ազատվել է։
«Հեռանալը գիտեք՝ ոնց, եթե աշխատանք չունենամ՝ ֆիզիկական գոյության իմաստով, որովհետև ես մի 100 անգամ արդեն պատգամավոր եմ դառել, ոչ բիզնես ունենք, ոչ եսիմ ինչ ունենք, կներեք, նույնիսկ բնակարան էլ չունենք։ Հետևաբար, եթե ես չկարողանամ աշխատանքով ինձ ապահովել և իմ ընտանիքին ապահովել, կարող է և՝ արտագաղթեմ մի որոշ ժամանակ, ինչպես եղել է արդեն իմ կյանքում, մի տասը տարով ես գտնվել եմ Ռուսաստանի Դաշնությունում և հոգացել եմ իմ ընտանիքի ծախսերը, ինչպես շատ մեր հայրենակիցներ, բայց ես հուսով եմ, որ մենք կարժանանանք մեր ժողովրդի վստահությանը և այնպես կանենք, որ այդ արտագաղթումը լինի շատ փոքր»։
«Կարող է լինի՝ մոտ ապագայում, կարող է լինի՝ միջնաժամկետ կտրվածքով, այս պահին այդ կոնսուլտացիաներն է, որ ընթանում են, բայց մենք հակված ենք, ինչպես և հայտարարել ենք մինչ այս՝ առաջնահերթ գնալու արտահերթ ընտրությունների․․․»։
Շրջակա միջավայրի նախարար Ռոմանոս Պետրոսյանը ներկայացնելով նախագիծը՝ նշեց, որ այդ որոշման մեջ փոփոխություններ կատարելու մասին անհրաժեշտությունը բխում է Սևանա լճում սիգի արդյունագործական որսի գործընթացի իրականացման կարգավորման անհրաժեշտությունից․
«Պատվաստումներն արդեն իսկ սկսվել են, և մենք իրականացնում ենք ռիսկի խմբի քաղաքացիների և բուժաշխատողների պատվաստումներ»,- կառավարության նիստից հետո լրագրողների հետ զրույցում ասաց առողջապահության նախարար Անահիտ Ավանեսյանը՝ անդրադառնալով COVID-19-ի դեմ պատվաստումներին։
Երևանի պետական համալսարանն այսօր հայտարարություն տարածեց, ըստ որի՝ ուսումնական գործընթացն այսօրվանից կազմակերպվելու է առկա և հեռավար/առցանց ձևերի միաժամանակյա զուգակցմամբ՝ դասախոսություններն անցկացվելու են հեռավար եղանակով, իսկ գործնական պարապմունքները՝ հեռավար կամ առկա եղանակով։ Որպես պատճառ՝ նշված է կորոնավիրուսի համավարակով (COVID-19) պայմանավորված ներկա իրավիճակը։
Աբովյանի թիվ 1 ավագ դպրոցում կրքերը չեն հանդարտվում, նորանշանակ տնօրեն Քարմիլե Առաքելյանի հրաժարականի պահանջով դասադուլն ու գործադուլը շարունակվում են։
Երևանի ավագանու նիստի ընթացքում իրավիճակը լարվեց, ինչին հաջորդեց քաշքշուկը։ Ամեն ինչ սկսվեց, երբ ավագանու «Բարգավաճ Հայաստան» խմբակցության անդամ Արմեն Ներսիսյանը հայտարարեց, որ Նիկոլ Փաշինյանը, որը սոսնձվել է իր աթոռին, բոլորին խաբել է։
Ֆիդանյանը նկատեց՝ Կոստանյանի նկատմամբ հետախուզումը դադարեցված լինել-չլինելու հարցը նախաքննություն իրականացնող մարմնի գործառույթը պետք է լիներ, այլ ոչ թե ոստիկանության։ Լրագրողներն այնուամենայնիվ հետաքրքրվեցին, թե ոստիկանությունը մերժում ստացել է Ինտերպոլի՞ց, ինչին Ֆիդանյանը պատասխանեց․
«Պատկերացրեք՝ հարյուրավոր բնակարաններից նայեն ձեր տան բակ և տեսնեն ձեր օրվա անցուդարձը, դուք կարո՞ղ եք ապրել նման տան մեջ, իհարկե ոչ մի նորմալ մարդ չի կոշարող ապրել»,- լրագրողների հետ հանդիպման ժամանակ ասաց փաստաբան Տիգրան Աթանեսյանը՝ անդրադառնալով Լենինգրադյան 23/7 հասցեում «Նոյ թաղամաս» 4 բազմաբնակարան շենքերի ապօրինի կառուցմանը, որոնց հետևանքով տուժելու են հարակից առանձնատների սեփականատերերը։
«Ես այդ կարծիքի հետ, որը վերաբերում է շարժմանը՝ համաձայն չեմ, բայց ես ողջունում եմ այն մթնոլորտը, որ, երբ մարդիկ ոչ թե իրար դեմ հարվածներ են ուղղում, այլ քննարկում են այս վիճակից դուրս գալու տարբերակներ»,- 168.am-ի հետ զրույցում ասաց «Հայրենիքի փրկության շարժման» վարչապետի թեկնածու Վազգեն Մանուկյանը՝ անդրադառնալով ՀՀ առաջին նախագահ Լևոն Տեր-Պետրոսյանի երեկ տարածած հայտարարությանը։
«Ես սա չեմ մեկնաբանելու, որովհետև անհեթեթությունը չափ ու սահման պետք է ունենա»,– Դանիել Իոաննիսյանը 168.am-ի հետ զրույցում այսպես արձագանքեց ոստիկանության նախկին աշխատակից Հայկ Սարգսյանի գրառմանը, թե՝ նոր ստեղծվող պարեկային ծառայությունում ներդրվել է «Անկեղծության թեստ», որում ոստիկանին հարցնում են՝ արդյոք նա ՄԱՍԱԺ կանի՞ տրանսվեստիտին: Ի դեպ, ըստ գրառման հեղինակի աղբյուրների պնդման, «այս ամենի հետևում կանգնած է բոլորին հայտնի սորոսական Դանիել Իոաննիսյանը»։
Էջմիածնի N զորամասից մարտական գործողություններին մասնակցելու նպատակով Կովսական (Զանգելան) մեկնած, այնուհետև շրջափակման մեջ հայտնված և մինչ օրս անհետ կորած համարվող զինծառայողների հարազատներն ահազանգում են՝ ԴՆԹ թեստերի պատասխանները կեղծում են։
«Որևէ մեկը դեմ չէ արտահերթ ընտրությանը, այդ մասին բազմաթիվ անգամ ասել ենք, խնդիրը հետևյալն է՝ ի՞նչ հարց ենք մենք լուծում արտահերթ ընտրությունների միջոցով»,- լրագրողների հետ զրույցում ասաց ՀՅԴ ԳՄ ներկայացուցիչ, «Հայրենիքի փրկության շարժման» համակարգող Իշխան Սաղաթելյանը։
32-ամյա Արեգ Բորիկի Ազարյանը մեկն էր այն հազարավոր հայորդիներից, որ կյանքը չխնայեց հանուն հայրենիքի։ Արեգը Սյունիքի մարզի Նժդեհ գյուղից էր, ամուսնացած էր, 4 մանկահասակ երեխաների հայր։
«Շատ շուտ է խոսել ընտրություններին մասնակցելու մասին»,- լրագրողների հետ զրույցում ասաց ՀՅԴ ԳՄ ներկայացուցիչ, «Հայրենիքի փրկության շարժման» համակարգող Իշխան Սաղաթելյանը՝ պատասխանելով հարցին՝ եթե արտահերթ խորհրդարանական ընտրություններ անցկացնելու վերաբերյալ պայմանավորվածություն ձեռք բերվի, որո՞նք են լինելու «Հայրենիքի փրկության շարժման» գործողությունները։
