«Սահմանադրական փոփոխությունների կողմնակիցները շատ նեղ շրջանակ են՝ իշխող ՀՀԿ-ն է՝ Սերժ Սարգսյանի գլխավորությամբ, իր կողմից ստեղծված Սահմանադրական հանձնաժողովն է՝ Գագիկ Հարությունյանի գլխավորությամբ, որի միակ գործը եղել է Վենետիկի հանձնաժողովին կաշառելը: Ինքն այնտեղ զբաղվել է լոբբինգով և մենք փաստեր էլ ունենք»,- այսօր ԱԺ բրիֆինգների ժամանակ հայտարարեց ՀԱԿ խմբակցութան ղեկավար Լևոն Զուրաբյանը:
«Ռոբերտ Քոչարյանի հետ համագործակցության հարցադրումն արհեստածին է, իշխանության կողմից է ներդրված լրատվական դաշտ, որ փոխադարձ խայթոցներ սկսվեն և իրենց համար դա կլինի ամենաերազելի վիճակը: Այս արհեստածին հարցադրմանը ես չեմ պատասխանում»,- այսօր ԱԺ բրիֆինգների ժամանակ հայտարարեց ՀԱԿ խմբակցության ղեկավար Լևոն Զուրաբյանը:
Դիտարկմանը, որ Լևոն Զուրաբյանն ասում է, որ փոփոխությունների շուրջ կոնսենսուս չկա, Վ.Բաղդասարյանը ուրախությամբ հակադարձեց, թե «լավ է, որ ասում եք ոչ թե քաղաքական ուժերը, այլ Լևոնը, Ջհանգիրը, Սասունը», բայց ինքն ասում է, թե քաղաքական ուժերը մեջ կա կոնսենսուս:
«Սահմանադրական փոփոխությունները գնահատում ենք որպես պետականություն խարխլող արկածախնդրություն, որի միակ նպատակն է Սերժ Սարգսյանի իշխանության պահպանումը: Մենք նախազգուշացրեցինք իշխանություններին և, եթե բոլոր փաստարկները մի կողմ դնենք, այն ժամանակը չէ, որ բևեռացում առաջացնենք երկրում, որը շրջապատված է տարբեր սպառնալիքներով և առկա է Ադրբեջանի հետ պատերազմի վտանգը»,- այսօր ԱԺ բրիֆինգների ժամանակ հայտարարեց ՀԱԿ խմբակցության ղեկավար Լևոն Զուրաբյանը:
Սահմանադրական փոփոխությունների հանրաքվեին ընդառաջ ՕԵԿ-ը ձևավորել է սեփական ճակատ, որի ներկայացուցիչները, սակայն, ազատ կլինեն իրենց քվեարկության մեջ: Ամեն դեպքում, ինչպես այսօր ԱԺ բրիֆինգների ժամանակ հայտարարեց ԱԺ ՕԵԿ խմբակցության քարտուղար Մհեր Շահգելդյանը, ՕԵԿ-ը կողմ չէ, բայց որոշումները կընդունի կուսակցության խորհուրդը:
Ըստ ՀՅԴ պատգամավորի՝ 600 հազար քվեն բավարար է «այո»-ն անցկացնելու համար, լավ աշխատելու դեպքում 1 մլն մարդ կգնա հանրաքվեի: Նա կարևորեց ժողովրդավարական ինստիտուտների արմատավորումը և խորացումը, ու նշեց, որ իշխանությունը գիտակցում է դա ու պատճառ չունի գնալու ընտրակեղծիքների:
«Միգուցե դա նպատակ ունի վախեցնել մյուսներին, որ պաշտպանության ժամանակ ապացույցներ ձեռք չբերեն կամ սադրիչ հարցեր չտան, ինչպես գործերում է ներկայացվում»,- ասաց Է.Մարուքյանը:
Այսօր ԱԺ նիստում ՄԻՊ Կարեն Անդրեասյանը ներկայացրեց 2014 թ. ընթացքում ՀՀ մարդու իրավունքների պաշտպանի գործունեության և երկրում մարդու իրավունքների ու հիմնարար ազատությունների խախտման մասին տարեկան զեկույցը:
«Ճիշտ ժամանակին արված օրենսդրական նախաձեռնություն է: Կառավարությունը նույնպես համաձայն է, ավելին՝ մեր գործընկերների առաջարկածից ավելին էր առաջարկել՝ 2 անգամ երաշխավորվածություն սահմանել»,- նախագիծը դրվատեց հարակից զեկուցող, ֆինանսավարկային և բյուջետային հարցերի մշտական հանձնաժողովի նախագահ Գագիկ Մինասյանը:
«Հայաստանում հեռուստատեսության թվային հեռարձակման անցնելու ժամկետն ավարտվում էր այս տարվա հունիսի 1-ին, իսկ այդ դեպքում 14 մարզային ՀԸ-ներ չէին կարող գործել: Կառավարությունը ժամկետը հետաձգեց մինչև հունվարի 1-ը, ժամանակն անցնում է, բայց այդ խնդիրը դեռ լուծված չէ»,- այսօր Հեռուստատեսության և ռադիոյի ազգային հանձնաժողովի անցած տարվա հաշվետվության քննարկման ժամանակ հայտարարեց պատգամավոր Էդմոն Մարուքյանը:
«Գյուղացին դրան էլ է համաձայն, բայց այսօր խաղողը վազի վրա օր-օրի չորանում է: Եվ ընդհանրապես, խաղողի մթերումն այս տարի ուշ սկսեցին, եղանակային պայմանները բարենպաստ էր, շոգ էր և բերքը շուտ էր հասունացել, կարող էին մոտ 10 օր շուտ սկսել մթերումները և այսօրվա խուճապը չէր լինի: Այն, որ մի 300 մեքենա հավաքվում է մթերող մի կետի մոտ, դա լավ օրից չէ»:
Ըստ Զուրաբյանի՝ եթե մենք չենք ուզում իդիոտ հասարակություն ունենալ, Հանրային ՀԸ-ի առաջնային առաքելությունը քաղաքական ճշգրիտ տեղեկատվություն տրամադրելն է մեր հանրությանը: Ցավոք, Զուրաբյանի խոսքով, Հանրային ՀԸ մասին չի կարող ասել, որ այդ գործառույթը կատարում է, հակառակը՝ իր վրա վերցրել է իդիոտացնելու առաքելությունը, այսինքն՝ ինչքան հնարավոր է մարդկանց հեռու պահել քաղաքականությունից, իսկ եթե անդրադառնում է, հիմնական գործառույթը իշխանության պաշտպանումն ու ընդդիմության վարկաբեկումն է:
Սահմանափակվել եք Նվեր Մնացականյանի միշտ զամացական-հիացական դեմքո՞վ, թե՞ Բախտամյանի՝ ինչպես սկսվեց ու անցավ օրը: Դրանո՞վ եք բավարարվում: Էդպես չի կարելի: Դրա համար ձեզ մոտ ժուռնալիստ չի աճում: Հ1-ից հայտնի ժուռնալիստ չկա, պալատական սազանդար՝ խնդրեմ, կա: Հայկ Գևորգյանի նման կարա՞ք ժուռնալիստ լինեք, որ նյութեր տպի, ցնցի: Իրական, անաչառ հոդված: Մհեր Արշակյանի նման կարա՞ք նյութեր տաք, կամ Լևոն Բարսեղյանի: Չեք կարող»,- ասաց Ա.Մանուկյանը:
Վարչապետը շատ դրական գնահատեց ՀԷՑ-ի գործարքն ու նշեց, որ անձամբ է խնդրել «Տաշիր» ընկերության նախագահ Սամվել Կարապետյանին` համաձայնել այդ գործարքին:
Ազգային ժողովն այսօր նիստում շարունակեց Հանրային հեռուստառադիոընկերության 2014 թ. գործունեության մասին Հանրային հեռուստառադիոընկերության խորհրդի հաղորդման քննարկումը: ԱԺ փոխնախագահ Էդուարդ Շարմազանովը բարձր գնահատեց Հ1-ի աշխատանքը և նշեց, որ ՀԸ-ն ապահովում է բազմակարծությունը:
Չնայած Երևանում ՀԱՊԿ ակադեմիայի ստեղծման աշխատանքները կասեցվել են, այնուամենայնիվ շենքի շինարարության աշխատանքները շարունակվում են: Այս մասին 168.am-ի հետ զրույցում ասաց ԱԺ ՕԵԿ խմբակցության պատգամավոր Հովհաննես Մարգարյանը:
Հարցին՝ Քոչարյանի վերադարձն իրական սպառնալի՞ք է իշխանությունների համար, վարչապետը պատասխանեց. «Ես որևէ սպառնալիք չեմ տեսնում որևէ անհատի մասնակցությունը ապագա ընտրություններում: Ընտրելու է ժողովուրդը: Յուրաքանչյուր քաղաքական ուժ իրավունք ունի մասնակցելու, նույնիսկ անհատը: Դա մեզ զգոնություն կբերի»:
«Եթե ՀՀ տարածքները ռմբակոծվում են, դրանք պատերազմական գործողություների մեջ չեն մտնո՞ւմ, խաղաղ բնակիչներ են զոհվում, դրանք պատերազմական գործողություններ չե՞ն, երբ պետք է այդ գործողությունների հետևանքով ռմբակոծվի ԱԺ շենքը, դա էլ պատերազմ չի լինի՞»,- հարցադրումները շարունակեց Զ.Փոստանջյանը:
Խաղողի բերքը մինչև վերջին կիլոգրամը մթերվելու է և չի թափվելու: Այսօր ԱԺ նիստում կառավարության հետ հարցուպատասխանի ժամանակ իր հայտնի խոսքը կրկնեց գյուղատնտեսության նախարար Սերգո Կարապետյանը՝ ի պատասխան պատգամավոր Արայիկ Աղաբաբյանի հարցադրումներին խաղողի մթերումների հետ կապված:
ՀՀ նախագահի հանձնարարականի հիման վրա ստեղծվել է աշխատանքային խումբ, մեկ այլ աշխատանքային խումբ՝ ԿԲ-ի, ԴԱՀԿ-ի և արդարադատության նախարարության հսկողության ներքո ևս զբաղվում է ճանապարհային երթևեկության խախտումների տուգանքների խնդրի լուծմամբ: Ինչպես այսօր ԱԺ-կառավարություն հարցուպատասխանի ժամանակ հայտարարեց ԱՆ նախարար Արփինե Հովհաննիսյանը, տուգանքների և ԴԱՀԿ մուծումների խնդիրը ՀՀ բոլոր քաղաքացիներին է հուզում:
Դ.Հարությունյանը հայտարարեց, որ «Քոնթուր գլոբալը» հայտնի կազմակերպություն է էներգետկ ոլորտում, օֆշորային չէ, և գործում է նորարարական ուղիներով, ինչը ՀՀ համար հույժ կարևոր է, հատկապես վերականգնվող էներգետիկայի ոլորտում. «Մենք պատրաստվում ենք օգտագործել իրենց փորձը»:
Դ.Հարությունյանը նկատեց, որ եթե առ այս պահը քրեական գործ հարուցված չէ, նշանակում է, դրա համար որևէ հիմք չկա:
Այսօր Ազգային ժողովի նիստում Հանրային հեռուստատեսության տարեկան հաշվետվության ժամանակ ԲՀԿ-ական պատգամավոր Միքայլել Մելքումյանը խոսում էր Հ1-ի գաղափարային բաղադրիչի, ORT-ի նման լուրջ քննարկումներ կազմակերպելու անհրաժեշտության մասին, երբ պատգամավոր Ալեքսանդր Արզումանյանը տեղից գնահատականներ հնչեցրեց:
Գ.Սահակյանը հերքեց, որ հաջորդ ընտրություններում Քոչարյանը կարող է լինել ՀՀԿ թեկնածուն: Նրա խոսքով՝ ՀՀԿ-ն, գուցե գլխավոր դերակատարում չունենա, բայց կմասնակցի ընտրություններին:
ԱԺ ԲՀԿ խմբակցությունն այսօր որոշել է իր անդամներ Էլինար Վարդանյանին և Ստեփան Մարգարյանին հանել միջազգային խորհրդարանական կազմակերպությունների հայաստանյան պատվիրակություններից:
Բա կարելի՞ է, ասում է, դրամի զանգվածի հետ խաղալ: Բա դու ինչի՞ ես խաղում, բա դու ինչո՞ւ անցյալ տարի դրամի վրա դրեցիր 24% հարկ:
Ն.Փաշինյանը հիշեցրեց Ռոբերտ Քոչարյանի տնտեսական երկնիշ թվերով աճը ու հայտարարեց, որ դա Քոչարյանի տնտեսագիտական հանճարից չէր, այլ նրանից, որ ՌԴ-ում մեր Վարդանի գործերը եռակի, քառակի անգամ լավ էին և նա կրկնակի ավելի շատ գումար է ուղարկում ՀՀ. «Եթե Ռոբերտ Քոչարյանի տեղը Բաղրամյան 26-ում Բալաբեկ Վլասյանը լիներ, հարց է՝ ավելի լա՞վ կլիներ, թե՞ ավելի վատ: Դա կախված է նրանից, թե Վլասյանի ախորժակը ինչքան կլինի, Աստված հոգին լուսավորի, Քըրք Քըրքորյանի փողերն ուտելու»:
«Ես միշտ հարգանքով եմ վերաբերվել և շարունակում եմ հարգանքով վեաբերվել ՀՀ երկրորդ նախագահի արտահայտած տեսակետներին, բայց կոնկրետ այս խնդրում մեր տեսակետները արմատականորեն տարբերվում են: Մենք խորապես համոզված ենք, որ խորհրդարանական կառավարման համակարգը շատ ավելի լայն հնարավորություն է բացելու մեր երկրի զարգացման համար և շատ ավելի ժողովրդավարական ճանապարհ ենք ընտրել»,- այսօր ԱԺ-ում լրագրողների հետ զրույցում հայտարարեց ՀՅԴ խմբակցության քարտուղար Աղվան Վարդանյանը՝ արձագանքելով սահմանադրական փոփոխությունների վերաբերյալ Ռոբերտ Քոչարյանի քննադատություններին:
«Ինչո՞ւ են այդպես անհանգստացած Սերժ Սարգսյանի ՀՀԿ առաջնորդ լինելուց: Այսինքն՝ երևի գնահատում են ուժերը այդ մարդու և ընդհանուր առմամբ, ես ուրախ եմ, որ գնահատում են ՀՀԿ ուժերը»,- ասում է Վահրամ Բաղդասարյանը:
Հարցին, թե ի՞նչ սև կատու է անցել Սերժ Սարգսյանի ու Ռոբերտ Քոչարյանի միջև, Շարմազանովը պատասխանեց, թե ոչ մի սև կատու ինքը չի տեսել, պարզապես գնահատականներ է հնչեցնում: Ըստ նրա՝ Քոչարյանի իրավունքն է մասնակցել 2017 թ. խորհրդարանական ընտրություններին, իրենք ո՛չ միջամտելու են, ո՛չ էլ ողջունելու: Շարմազանովն «անհեթեթություն» անվանեց Քոչարյանի դիտարկումը, որ նոր Սահմանադրությամբ միակուսակցական համակարգ է ձևավորվելու՝ որպես ապացույց բերելով երեկվա քվեարկությունը:
