«Նրանք, ովքեր կազմակերպել էին այդ ջարդը, նրանք, ում մտքով անցել էր, որ կարելի է ոստիկաններին քարերով ծեծել, այդ մարդիկ պետք է գտնվեն ու պատժվեն»,- այսօր լրագրողների հետ զրույցում ասաց ՀՀ ոստիկանապետ Վլադիմիր Գասպարյանը՝ անդրադառնալով Գյումրիում ցուցարարների և ոստիկանների միջև տեղի ունեցած դեպքերին:
Այսօր Եռաբլուրում լրագրողները ՀՀ նախագահ Սերժ Սարգսյանից հետաքրքրվեցին՝ ինչո՞վ է պայմանավորված Ադրբեջանի ագրեսիվ պահվածը սահմանում: Ի պատասխան Սերժ Սարգսյանը հորդորեց դիմել ՀՀ պաշտպանության նախարար Սեյրան Օհանյանին:
Արդարադատության նախարար Հովհաննես Մանուկյանը լրագրողների հետ զրույցում հրաժարվեց խոսել Գյումրիում տեղ ունեցած ողբերգական սպանության մասին՝ ասելով. «Այն, ինչ ասված է՝ ասված է, ավելորդ եմ համարում որևէ մեկնաբանություն անելը»:
ԱԺ պետաիրավական հարցերով մշտական հանձնաժողովի նախագահ Հովհաննես Սահակյանը այսօրվա ասուլիսում՝ անդրադառնալով Գյումրիում տեղի ունեցած դեպքերի վերաբերյալ ԱԺ լսումներին հաջորդած քննադատություններին, ասաց. «Մենք հո չէի՞նք ուզում լսումներ կազմակերպել ԱԺ -ում, որ գայինք ու քննադատությունների արժանանայինք: Մենք նպատակ ունեինք հանրությանը, պատգամավորներին ցույց տալ, որ մեր և ռուս պատկան մարմինները ամեն ինչ ուզում են անել, որ Պերմյակովն իր արժանի պատիժը կրի»:
Այս տարվա սկզբին ՀՀ կառավարությունն «ազատվել» է Դիմումների և բողոքների քննարկման վարչության աշխատակից Նունե Պլուզյանից, ում տևական ժամանակ քաղաքացիները մեղադրում էին վաշխառության և խարդախության մեջ: Պլուզյանն այլևս Կառավարությունում չի աշխատում:
«Պետք չէ այս հրեշավոր հանցագործությունը վերածել քաղաքականության, քանի որ Թուրքիան և Ադրբեջանը հենց դա էլ ցանկանում են, քանի որ Ռուսաստանի միակ դաշնակիցը Հայաստանն է, իսկ Հայաստանինը` Ռուսաստանը»,- ասում է նա:
Արցախյան պատերազմի հերոս, գեներալ-լեյտենանտ Արկադի Տեր-Թադևոսյանը՝ Կոմանդոսը այսօրվա ասուլիսում հայտարարեց, թե ինքը ցանկանում է, որպեսզի Գյումրիի ռուսական 102-րդ ռազմաբազայի ժամկետային զինծառայող Վալերի Պերմյակովին Հայաստանից որքան հնարավոր է հեռու տանեն։
168.am-ի հետ զրույցում թուրքագետ Արտակ Շաքարյանն ասաց, որ Էրդողանի հայտարարությունն ամենևին էլ անակնկալ չէր, քանի որ այդ ծրագրերի մասին խոսվում էր արդեն 2 տարի: Ըստ նրա` այս ամեն արվում է Հայոց ցեղասպանության 100-ամյակի միջոցառումները ստվերելու և միջազգային մամուլի ուշադրությունը ոչ թե մեկ, այլ երկու իրադարձությունների վրա բևեռելու, այսինքն` Հայոց ցեղասպանության 100-ամյակի միջոցառումներից ուշադրությունը շեղելու նպատակով: Ըստ թուրքագետի` կա մեկ այլ նպատակ ևս:
«Եթե Դուք Ձեր տարածքում ունեք արտասահմանյան զորքեր, ապա դա այն նախադրյալներից մեկն է, որի համաձայն՝ նման հանցագործություններ պատահելու են»,- ասաց Ալեքսանդր Գոլցը:
«Ես կարծում եմ, որ Թուրքիան այլևս չի ցանկանում միանալ Եվրոպական միությանը: Այո, Թուրքիան ցույց է տալիս, որ Թուրքիային ԵՄ-ին չմիացնելը վնասում է հենց Եվրոպական միությանը, և Թուրքիան այսօր այլևս հետաքրքրված չէ ԵՄ անդամակցության հեռանկարներով»,- ասում է նա:
«Լուրջ մարդիկ կան և՛ իշխանության մեջ, և՛ ոչ իշխանական համակարգում: Հիմա ժամանակն է, որ այդ մարդիկ իրենց տեսակետներն ավելի բարձր ասեն ու տուրք չտան լռելու, հարմարվելու գայթակղիչ տրենդին»,- ասում է ԱԺ ԲՀԿ խմբակցության պատգամավորը:
«Սիրիայի հայաշատ Հալեպ քաղաքում օրերս հայկական Սրբուհի Ռիտա եկեղեցու հրթիռակոծումից հետո հայ համայնքը փորձում է շարունակել բնականոն կյանքը, թեև վտանգը կա միշտ»,- այս մասին 168.am-ի հետ զրույցում ասաց Բերիո թեմի մամլո քարտուղար, Սիրիայի Հայ Առաքելական, Հայ Կաթողիկե և Հայ Ավետարանական համայնքների ընդհանուր խոսնակ Ժիրայր Ռեիսյանը:
«Լայնամասշտաբ ռազմական գործողությունների վերսկսման հնարավորությունը ես բացառում եմ, քանի որ և՛ Հայաստանի, և՛ Ադրբեջանի համար գինը չափազանց թանկ է: Լայնամասշտաբ ռազմական գործողությունների վերսկսման դեպքում միջազգային ժամանակակից պահանջները միայն աճելու են»,- ասում է նա:
«Եթե մարդասպանը դատվի Հայաստանում, ապա կարելի է խոսել այն մասին, որ ՀՀ-ն ինքնիշխան պետություն է, բայց վախենում եմ, որ այդպես չի լինի, և մարդասպանը կփոխանցվի Ռուսաստան, և այնտեղի արդարադատությունը կզբաղվի այդ հարցով»,- ասում է նա:
Գյումրիում տեղի ունեցածը ռուսական ռազմաբազայի հետ կապված առաջին ողբերգական դեպքը չէ, այն երրորդն է` 1999 և 2013թթ. ողբերգական դեպքերից հետո, որոնք, փաստորեն, սթափեցնող գործոններ չեն հանդիսացել ռազմաբազայի ղեկավարության համար:
168.am-ի հետ զրույցում Ժնևի CIMERA կենտրոնի ներկայացուցիչ, քաղաքական վերլուծաբան Վիգեն Չետերյանը փորձեց համեմատել տարիներ առաջ` 2001 թվականի սեպտեմբերի 11-ին՝ Նյու Յորքում, և օրեր առաջ՝ Փարիզում տեղի ունեցած ահաբեկչությունները:
168.am-ի հետ զրույցում Ռազմական կանխատեսման կենտրոնի տնօրեն, ռուսաստանցի ռազմական փորձագետ Անատոլի Ցիգանոկը նշեց, որ սովորաբար Հայաստանում տեղակայված ռուսական ռազմաբազա ծառայության ուղարկելու համար ընտրվում են ամենակարգապահ և օրինակելի զինծառայողները: Ըստ նրա` այդպես եղել է և ԽՍՀՄ ժամանակաշրջանում, և ներկայում:
« Հայաստանը Եվրասիական տնտեսական միությանը միացավ ամենաանհարմար պահին, երբ այդ պրոյեկտից որևէ բան ակնկալելն անիմաստ է: Ի՞նչ կարելի է սպասել մի մաքսային տարածքից, որտեղ Լուկաշենկոն մաքսային աշխատող է տեղակայել ռուս-բելառուսական սահմանին: Սա նշանակում է, որ տարրական մաքսային միությունը և մաքսային կանոնակարգերն այդ միությունում չեն գործում: Այս միությունն անհրաժեշտ է Ռուսաստանին՝ բավարարելու համար սեփական կայսերապաշտական նկրտումները, իսկ ընդհանրապես այս տարածաշրջանում նախաձեռնված ինտեգրացիոն պրոյեկտները դատապարտված են անհաջողության, քանի որ այդ միությունների մասնակից երկրները տարբեր նպատակներ ու մոտեցումներ ունեն»,- ասում է նա:
«Ղարաբաղում և ԼՂ հակամարտության շուրջ Ռուսաստանը չունի որևէ պարտավորություն: Մենք ունենք պարտավորություններ միայն Հայաստանի միջազգայնորեն ճանաչված սահմանների շրջանակում»,- ասում է ռուսաստանցի հեղինակավոր ռազմական փորձագետ, վերլուծաբան Պավել Ֆելգենգաուերը:
Այսօր անհատ տաքսու վարորդներից շատերը նվազագույն ուղեվարձը 1000 դրամ էին սահմանել և այդ պայմանով էին հաճախորդներին սպասարկում, քանի որ գազի գինը շարունակում է թանկանալ։
Իրավապաշտպան Ավետիք Իշխանյանն այսօրվա ասուլիսում անդրադառնալով Նախախորհրդարանի անդամների և ազատամարտիկների վրա հարձակումների, նրանց ծեծելու փաստին, ասաց՝ դա պետական ահաբեկչություն է: Նրա խոսքով՝ Ոստիկանության համար այդ դեպքերի բացահայտումը կարող է ստուգող թեստ լինել: «Թող Վլադիմիր Գասպարյանը ինձ ապացուցի, թե վեց-յոթ մեքենայի հրկիզում, կամ նման դաժան ծեծը հնարավոր չի պարզել»,- ասաց նա:
ԱԺ «Ժառանգություն» խմբակցության պատգամավոր Զարուհի Փոստանջյանը ԱԺ դիմաց ԵՏՄ-ի պայմանագրի վավերացմանը դեմ քաղաքացիների բողոքի ակցիայի ժամանակ ասաց, թե պետք է պատասխանատվության կանչել ոչ միայն Սերժ Սարգսյանին, այլև բոլոր նրանց, ովքեր նպաստում են նման քաղաքականությանը, որը Հայաստանին տանում է բռնակցման մի պետության հետ, որի ապագան նույնպես մշուշոտ է:
«Հայաստանը և Ադրբեջանը դատապարտված են խաղաղության: Հայաստանը և Ադրբեջանը հարևաններ են և չեն կարող աշխարհագրությունը փոխել, սակայն կարելի է փոխել աշխարհաքաղաքականությունը, իսկ անհրաժեշտ է դաստիարակել այնպիսի հասարակություն, որը պատրաստ կլինի խաղաղության»,- ասաց դեսպանը:
ԻՏՁՄ գործադիր տնօրեն Կարեն Վարդանյանը կարևորում է համաժողովի անցկացումը, քանի որ այն նախանշում է նորարարությունների ներդրումը տնտեսության մեջ: Ինովացիոն բիզնես ֆորումի հիմնական շեշտադրումներն ուղղված են լինելու կրթության, հատկապես հանրակրթության ոլորտներին:
«168 Ժամի» հետ զրույցում «Տաշիր Գրուպ» ընկերությունների խմբի նախագահի օգնական Գոռ Բարոյանն ասաց, որ պողոտայի սալահատակն ամբողջովին փոփոխվել է արտերկրից ներկրված գրանիտե բարձրորակ սալաքարերով` նոր նյութերի և տեխնոլոգիաների կիրառմամբ, որոնց շնորհիվ պողոտան հնարավոր կլինի առանց հավելյալ վերանորոգումների շահագործել ավելի քան 50 տարի:
ԱԺ պատգամավոր, գեներալ Սեյրան Սարոյանի համոզմամբ՝ Հոկտեմբերի 27-ի ոճրագործությունը վաղուց բացահայտված է. «Խի՞ նոր ա բացահայտվել, շուտվանից պրծած բան ա, իզուր մեղավորներ ման մի եկեք»,- ակսօր լրագրողների հետ զրույցում ասաց նա:
«Իմ հրաժարականը պայմանավորված է բացառապես անձնական դրդապատճառներով և ապագայիս հետ կապված իմ մտադրություններով: Պատճառների թվում է նաև այն, որ կցանկանայի փորձել դրսևորվել այլ բնագավառներում, որոնք կապ չունեն պետական համակարգի հետ»,- 168.am-ին տված բացառիկ հարցազրույցում ասում է Արմեն Գևորգյանը:
«Այս իշխանությունը պիտի հեռանա, ես նորից կրկնում եմ, գերակա միակ օրակարգը սա պետք է լինի: Թույլ չենք չտալու գործող իշխանությանը սահմանադրության բարեփոխումների բլեֆի և ավանտյուրայի տակ նորից վերարտադրվել: Մենք ձեզ հետ միասին այս ամենի վերջը դնելու ենք: Այո, դժվար է լինելու մեր ճանապարհը, հեշտ չի լինելու: Մենք և դուք բազմիցս համոզվել ենք, թե ինչպիսի իշխանության հետ գործ ունենք. մի իշխանություն, որն ապացուցել է, որ ցանկացած գնով պահելու է իր իշխանությունը,- հայտարարեց նա՝ հավելելով,- Մենք ձեզ հետ կոտրելու ենք կրիմինալի վերջը»:
ԱԺ ՀԱԿ խմբակցության պատգամավոր Արամ Մանուկյանը՝ Գյումրիում հանրահավաքի ժամանակ՝ դիմելով Շիրակի մարզի ոստիկանապետին, ասաց. «Բա ասում էիր՝ հանրահավաքին մարդ չի գալու: Հիմա նա ուղիղ նայում է»:
«Էսօր զարմացած են՝ այո՛, պահանջելու ենք: Ճշտումներ են անում՝ իսկապե՞ս իշխանափոխություն: Իսկապես պատասխան եք տալու Հայաստանը լքած հարյուր հազարավոր քաղաքացիներին, երկրում մնացած՝ իրենց օրը քարշ տվող քաղաքացիներին: Պատասխան եք տալու բոլոր նրանց, ովքեր չեն ուզում ձեզ տեսնել ոչ թե նրա համար, որ դուք ուղղակի վատն եք, այլ նրա համար, որ դուք արհամարհանքի ենթարկեցիք մեզ այսքան ժամանակ»:
