Աշոտյանը՝ ՀՅԴ-ին. «Որևէ քաղաքական ուժի պատիվ չի բերում, երբ սեփական դիրքն ընդգծելու համար փորձում են կանգնել այլ քաղաքական ուժի ուսերին»
Արձագանքելով ԱԺ ՀՅԴ խմբակցության ղեկավար Արմեն Ռուստամյանի երեկվա այն հայտարարությանը, թե իշխանությունները հեղինակազրկված են, ՀՀԿ փոխնախագահ, ՀՀ կրթության և գիտության նախարար Արմեն Աշոտյանն այսօր լրագրողների հետ զրույցում ասաց. «Որևէ քաղաքական ուժի պատիվ չի բերում, երբ սեփական դիրքն ընդգծելու համար փորձում են կանգնել այլ քաղաքական ուժի ուսերին, որպեսզի երևան»: Նար հավելել է, թե ՀՅԴ-ն իր դերակատարությունն ընդգծելու համար կարող է փառքով օգտագործել իր 125-ամյա պատմության պատվանդանը:
