Այսօր Կառավարության հերթական նիստում անդրադառնալով բացօթյա ապօրինի առևտրին՝ Երևանի քաղաքապետ Հրաչյա Սարգսյանը նախ զեկուցել էր, որ այսօր առկա գործիքակազմը բավարար չէ վարչական իրավախախտումներով սահմանված պատասխանատվության ենթարկելու համար:
«Սուրմալու» առևտրի կենտրոնի պայթյունի ազդեցության գնահատման համար օգոստոսի 14-15-ին լրացուցիչ նմուշառում է իրականացվել մոտակա տարածքից, որոշվել են մթնոլորտային օդում ծծմբի և ազոտի երկօքսիդների պարունակությունները,-այս մասին տեղեկացրել է Հիդրոօթերևութաբանության և մոնիտորինգի կենտրոնը։
Վերջերս հաճախ են կեղծ ահազանգեր լինում այս կամ այն հասարակական վայրում պայթուցիկ սարքավորումների առկայության մասին: Ամենաշատը կեղծ ահազանգեր ստանում է Երևանի մետրոպոլիտենը:
«Երևանի կենտրոնում այս մեծ աղետը, իհարկե, մարդկանց մոտ խուճապային տրամադրություններ է առաջացնում: Նրանք կորցնում են անվտանգ լինելու զգացողությունը»,- 168.am-ի հետ զրույցում խոսելով «Սուրմալու» առևտրի կենտրոնում տեղի ունեցած պայթյունի մասին՝ ասաց հոգեբան Կարինե Նալչաջյանը:
ՀՀ Քաղաքաշինության, տեխնիկական և հրդեհային անվտանգության տեսչական մարմինն օգոստոսի 14-ին հաղորդագրություն տարածեց՝ ՀՀ ՔՏՀԱ տեսչական մարմնի կողմից «Երևանի պահածոների գործարան» ՓԲ ընկերությունում (Սուրմալու» տոնավաճառ) իրականացված ստուգմամբ արձանագրված խախտումների վերաբերյալ:
Ինչպես հայտնի է՝ այս տարի միասնական ընդունելության քննություններին հայտագրված 13.887 դիմորդից քննություններին մասնակցել է 11.587-ը, բուհ ընդունվել է 9729 դիմորդ, որից 1670-ը՝ անվճար: Թափուր է մնացել 14.158 տեղ, որից 13.900-ը՝ վճարովի, 258-ը՝ անվճար:
Օգոստոսի 14-ին, ժամը 13։23-ին Ճգնաժամային կառավարման ազգային կենտրոն ահազանգ էր ստացվել, որ «Սուրմալու» առևտրի կենտրոնում տեղի է ունեցել պայթյուն։ Այս պահին հրապարակված պաշտոնական տվյալներով մահացել է 6 մարդ, 18 քաղաքացի անհետ կորած է: Առողջապահության նախարարության փոխանցմամբ՝ պայթյունի հետևանքով տարբեր կենտրոններում բուժումը շարունակում է 13 տուժած: Նրանց առողջական վիճակը մասնագետները գնահատում են բավարար:
«Իրականում կեղծման, թաքցնելու տեխնոլոգիաները շատ զարգացած են և այո, հնարավոր է՝ էլեկտրոնային փոստով ստանան ահազանգ, ու ինչ-որ կետից սկսած հնարավոր չլինի հայտնաբերել, թե որտեղից է ուղարկվել նամակը: Կարող են նաև կեղծ հետքի վրա դնել» :
Բոլոր կախվածությունների դեպքում էլ ընտանիքի անդամների, հարազատների մեջ ձևավորված է լինում յուրահատուկ գերհուզական վերաբերմունք այդ երևույթների հանդեպ, ինչը հաճախ վերածվում է համակախվածության։ Սա այլ, բարդ հոգեբանական առանձին աշխատանք ենթադրող խնդիր է։ Էլի չբացառելով ընտանիքի անդամների կամ հարազատների օգնությամբ այս խնդիրը հաղթահարելու շատ հազվադեպ հնարավորությունը, այնուամենայնիվ, կյանքը ցույց է տալիս, որ սովորաբար հնարավոր չի լինում։ Սակայն այս առումով պետք է նշեմ, որ շատ կարևոր է հարազատների աջակցությունը խնդրի հաղթահարման ընթացքում։
«Ինչպես նախորդ տարիներին, այս տարի ևս ամենաշատ դիմորդների թվով առաջնագծում էին մի քանի հիմնական մասնագիտություններ՝ Իրավագիտություն, Բուժական գործ, Միջազգային հարաբերություններ, Հանրային կառավարում, Կիրառական մաթեմատիկա և այլն:
Կառավարության օգոստոսի 11-ի նիստում քննարկվել և ընդունվել է «Հայաստանի Հանրապետության կառավարության 2009 թվականի մարտի 19-ի թիվ 277-Ն որոշման մեջ լրացումներ կատարելու մասին» ՀՀ կառավարության որոշման նախագիծը:
Իրականությունը պարզելու, ինչպես նաև բարձրացված խնդրի մասին լրացուցիչ տեղեկություններ ստանալու նպատակով գրավոր հարցում էինք ուղարկել «Ստանդարտացման և չափագիտության ազգային մարմին» ՓԲ ընկերությանը: Ստորև ներկայացնում են մեր հարցերն ու դրանց տրված պարզաբանումները
168.am-ը ներկայացնում է պետական համալսարաններն ու թափուր տեղերի թիվը՝ ըստ մասնագիտությունների: Ընտրել ենք այն մասնագիտությունները, որտեղ թափուր տեղերը շատ են: Խոսքը առկա և ոչ հեռակա թափուր տեղերի մասին է:
ՀՀ Կոտայքի մարզում մայիսի 1-ից նոր ավտոբուսներ են սկսել աշխատել, իսկ մեկ օր անց, բնակիչների պնդմամբ՝ ուղեվարձը թանկացել է 50-100 տոկոսով: Խնդրի հետ կապված՝ Կոտայքի մարզպետարանում հերթական եռակողմ հանդիպում-քննարկումն է իրականացվել Տարածքային կառավարման և ենթակառուցվածքների նախարարության ավտոմոբիլային տրանսպորտի քաղաքականության, լիցենզավորման և թույլտվությունների վարչության պետ Խաչիկ Սողոմոնյանի, «Մուլտի Տրանսպորտ» ՍՊԸ տնօրեն Արթուր Դալլաքյանի և «Ո՛չ տրանսպորտի թանկացմանը» ակցիայի ակտիվիստների մասնակցությամբ:
Օգոստոսի 8-ից համացանցում լուրեր են տարածվել, թե Վայոց ձորի մարզկենտրոն Եղեգնաձորում կենդանաբանական այգի հիմնելու մտադրություն կա, անգամ այգու հատակագիծն են տարածել: Երևույթը տեղի բնակիչներին խիստ անհանգստացել ու զայրացրել է:
ՀՀ կրթության, գիտության, մշակույթի և սպորտի նախարարությունը հանրային քննարկման է ներկայացրել hանրակրթական ուսումնական հաստատություններում սովորողների տնային ուսուցման կարգի նախագիծը:
Հայազգի ականավոր ֆիզիկոս-ճարտարագետ, ակադեմիկոս Պարիս Հերունու ռադիոօպտիկական դիտակը և հարակից տարածքը մի քանի տարով տրամադրվել է ինչ-որ ընկերության, ում նախաձեռնությամբ այնտեղ սեպտեմբերի 10-12-ին կայանալու է էլեկտրոնային երաժշտության փառատոն և քեմփինք: Պարզվում է՝ տարիներ շարունակ դիտակի վրա նաև տեսահոլովակներ են նկարահանվել:
Րաֆֆու 31, 33, 35 շենքերի բնակիչներն ահազանգում են՝ համատիրության նախագահը տարածքներ է, որ գրավում է, իսկ իրենք էլ չգիտեն՝ ինչպես պայքարեն սրա դեմ:
Համաճարակաբան, ԵՊԲՀ համաճարակաբանության ամբիոնի դոցենտ Մերի Տեր-Ստեփանյանը 168.am-ի հետ զրույցում անդրադառնալով կորոնավիրուսի դեպքերի աճին՝ նշեց, որ Հայաստանում 6-րդ ալիքն է, որը պայմանավորված է նոր շտամի ձևավորմամբ: Այն իր ուժգնությամբ նման է 4-րդ ալիքին, թեթև չէ:
Հուլիսի 28-ին վարձով տուն փնտրող քաղաքացիները բողոքի ակցիա էին կազմակերպել կառավարության մոտ: Նրանց խոսքով՝ վարձով բնակարանների գները հասել են աբսուրդային թվերի։
Վարորդները բողոքում են, որ գազի բալոնը ստուգելուց հետո պարզվում է, որ խնդիրներ են առաջացել, ասենք՝ գազի արտահոսք, խափանված դետալներ և այլն։
44-օրյա պատերազմի ժամանակ Շուշիի գորգերի թանգարանից տարհանված և Հայաստան տեղափոխված գորգերի ցուցադրության և պահպանման վայրը որոշելու համար հիմա էլ Հանրային խորհուրդն է դիմել Կառավարությանը: Նախքան այդ բաց քննարկում էր կազմակերպվել, որին ներկա էին Շուշիի գորգերի թանգարանի հիմնադիր տնօրեն Վարդան Ասծատրյանը, ԿԳՄՍ նախարարության ներկայացուցիչ և այլք։
Օրերս խորհրդարանում ՀՀ ԱԺ «Քաղաքացիական պայմանագիր» խմբակցության պատգամավորներ Վիլեն Գաբրիելյանի և Զարուհի Բաթոյանի նախաձեռնած քննարկման ընթացքում մասնակիցներն անդրադարձել էին ՀՀ ոստիկանության «Ճանապարհային ոստիկանություն» ծառայության նախաձեռնությանը՝ օրենքով կարգավորելու այլընտրանքային փոխադրամիջոցներին վերաբերող հարցերը:
«Դպրոց ընդունվելիս բժշկական տեղեկանք չի պահանջվում»,- դեռևս հուլիսի 29-ին Ֆեյսբուքի իր էջում գրել էր ԿԳՄՍ փոխնախարար Ժաննա Անդրեասյանը;
Եվրոպն ահազանգում է՝ վերջին 40 տարվա մեջ առաջին անգամ Շվեյցարիայում Դիֆթերիայի դեպքեր են գրանցվել: Այս պահին ապաստան հայցողների կենտրոնում կա 8 վարակված, նրանց մոտ շնչառական խնդիրներ չեն գրանցվել: Նշված մարդկանց առանձնացրել են, իսկ մոտ 170 հոգի ինքնամեկուսացել է: Նշենք, որ դիֆթերիան հազվադեպ է հանդիպում Արևմտյան Եվրոպայում: Շվեյցարիայում ինֆեկցիոն հիվանդության վերջին հայտնի դեպքը գրանցվել է 1983 թվականին:
Հայաստանի Հանրապետության քաղաքացիները շարունակում են պահանջել չեղարկել Հատիս լեռան գագաթին Հիսուսի արձանի կառուցումը:
ԿԳՄՍ նախարարությունը հանրային քննարկման է ներկայացրել «Ժողովրդական երաժշտության և պարի ազգային կենտրոն» ՊՈԱԿ-ի ստեղծման նախագիծը: Ըստ այդմ՝ «Հայաստանի պարի պետական անսամբլ» պետական ոչ առևտրային կազմակերպությունը, «Հայաստանի պարարվեստի «Բարեկամություն» պետական համույթ» պետական ոչ առևտրային կազմակերպությունը և «Թ. Ալթունյանի անվան երգի-պարի պետական համույթ»-ը միաձուլման ձևով կվերակազմակերպվեն:
«Սպառողների խորհրդատվության կենտրոն» ՀԿ նախագահ Կարեն Չիլինգարյանի խոսքով՝ օրինակ, կաթնամթերքի պարագայում 20-25 տոկոս թանկացում կա՝ համեմատած նախորդ տարվա հետ: Խոսքը մինչև հուլիսն ընկած ժամանակահատվածի մասին է:
Կառավարությունը որոշման նախագիծ է ուղարկել Գիտությունների ազգային ակադեմիայի Հ. Բունիաթյանի անվան կենսաքիմիայի ինստիտուտի ղեկավարությանը՝ զբաղեցրած շենքն ու դրա տարածքը հետ վերցնելու վերաբերյալ: Ինստիտուտը գտնվում է Քանաքեռ-Զեյթուն վարչական շրջանում՝ Պարույր Սևակի փող., 5/1 շենք-ում:
«Քաղաքացիական պայմանագիր» խմբակցության պատգամավոր Ալխաս Ղազարյանը ֆեյսբուքյան իր էջում հայտնել է, որ հուլիսի 29-ին պաշտոնական գրությամբ դիմել է ՄՊՀ` օնլայն տաքսիների ոլորտում տեղի ունեցող գործընթացների, և տնտեսական մրցակցության պաշտպանության օրենսդրության հնարավոր խախտումների դեպքում օրենքով սահմանված կարգով առաջարկել է իրականացնել անհրաժեշտ գործողություններ։
