Մայիսի 13-ին տեղեկացրել էինք, որ ԿԳՄՍ նախարարության որոշմամբ Շուշիի գորգերը կտեղափոխվեն և այսուհետև կներկայացվեն Հայաստանի պատմության թանգարանում:
168.am-ի խմբագրություն դիմած սրտաբանական բաժանմունքի արդեն նախկին աշխատակիցները հայտնեցին, որ մայիսի 2-ին իրենց կանչել և պարտադրել են աշխատանքից ազատվելու դիմումներ գրել՝ պատճառաբանելով, թե բժշկական կենտրոնը վերապրոֆիլավորվում է:
Աջափնյակ վարչական շրջանում մետրոյի նոր կայարանի կառուցման նախագծային աշխատանքների համար 554 մլն դրամ հատկացվեց։ Մայիսի 24-ին կայացած նիստում Երևանի ավագանին հավանություն տվեց որոշման նախագծին:
«Գյումրիում և Վանաձորում մաթեմատիկայի ուսուցիչ 4 տարի հետո չենք ունենալու. սա շատ մտահոգիչ է: Առանց այն էլ քիչ էին, հիմա կունենանք զրո մասնագետ»,- մեզ հետ զրույցում ասաց կրթության փորձագետ Ատոմ Մխիթարյանը՝ անդրադառնալով Շիրակի Մ. Նալբանդյանի անվան և Վանաձորի Հովհ. Թումանյանի անվան պետական համալսարաններում մաթեմատիկա մասնագիտությամբ դիմորդ չունենալու հարցին:
ՀՀ էկոնոմիկայի նախարար Վահան Քերոբյանը մայիսի 25-ին ԱԺ-ում անդրադառնալով խաղողի մթերման խնդրին՝ ասել է, որ նախորդ տարիների դառը փորձը հաշվի առնելով՝ Կառավարությունն այս տարի առաջարկում է նախօրոք կնքել բոլոր մթերման պայմանագրերը և ֆինանսավորել միայն այն պայմանագրերը, որոնք կնքվել են մինչև հունիսի 30-ը:
Նախորդ տարվա հետ համեմատած՝ այս տարի դիմորդների թիվը կազմել է 13573՝ 13120-ի փոխարեն: Այս թվի մեջ ներառված են նաև ներբուհական քննություն հանձնողները:
«Ռազմական առումով օգտակար լինելուն չեմ հավատում, որովհետև դրանք լուրջ գործիքներ են: Աստված տա՝ սխալվեմ, բայց տպավորություն է, որ մի շոուի ենք ներկա: Ասում են՝ գաղտնիության պայմաններում է արվում. ի՞նչ գաղտնիություն, երբ այսպիսի արբանյակներ կարող են հավաքել բարձր դասարանների աշակերտները: Իմ տպավորությունն այն է, որ դա սովորական խաղալիք է»,- ասաց Հայկ Հարությունյանը՝ հավելելով, որ առաջին հերթին պետք է լինի կառավարման կենտրոն, որպեսզի ինֆորմացիա ստանա:
Նիկոլ Փաշինյանը կառավարության մայիսի 26-ի նիստի սկզբում հայտարարել է, որ 2022 մայիսի 25-ին, Երևանի ժամանակով 22:35-ին ԱՄՆ-ի Կանավերալ հրվանդանում գտնվող տիեզերակայանից Space X ընկերության տիեզերանավով երկիր մոլորակի ուղեծիր է դուրս բերվել Հայաստանի առաջին տիեզերական արբանյակը:
Նիկոլի ապաշնորհության հետևանքով Հայաստանը համարվելու է աշխարհաքաղաքական բալաստ, սեփական տարածքային ամբողջականությունն ու ինքնուրույնությունը չապահովող անպետք սուբյեկտ, որի անկախությունն այլևս ոչ մի գերտերության պետք չի լինելու»,- ասաց Զաքարյանը՝ նշելով, որ պայքարը պետք է շարունակել՝ թույլ չտալու համար, որ հերթական ավանտյուրիստական ծրագիրն իրականանա։
Լենինգրադյան փողոցից դեպի Ծիծեռնակաբերդի խճուղի տանող ճանապարհահատվածի փլուզման հետևանքով Ծիծեռնակաբերդի խճուղին երկկողմանի փակ է. հայտնում է ԱԻՆ-ը։
ԲՀԿ ավագանու անդամ Արմեն Ներսիսյանն այսօր ավագանու նիստի ժամանակ կոչ արեց քաղաքացիներին՝ աղբը չթափել չսահմանված վայրերում:
Երևանի Լենինգրադյան փողոցից դեպի Ծիծեռնակաբերդի խճուղի տանող ճանապարհահատվածում մայիսի 20-ին փլուզում էր տեղի ունեցել, ինչի հետևանքով Ծիծեռնակաբերդի խճուղին երկկողմանի փակ է։
Երևանի քաղաքապետարանի ֆինանսական վարչության պետ Վիլեն Արևշատյանն այսօր ավագանու նիստի ժամանակ ներկայացրեց «Երևան քաղաքի ավագանու 2021 թվականի դեկտեմբերի 28-ի N 497-Ն որոշման մեջ փոփոխություններ կատարելու մասին» հարցը:
«Ինչո՞ւ քաղաքապետը չկա: Շատ վատ է, որ այսօր նա դահլիճում չէ, որովհետև ավելի ադեկվատ է մոտենում, երբ հարցին առաջարկություն է լինում»,- խոսքն ուղղելով Երևանի ավագանու նիստը վարող քաղաքապետի առաջին տեղակալ Լևոն Հովհաննիսյանին՝ ասաց ավագանու «Լույս» խմբակցության անդամ Անի Խաչատրյանը:
«Մայիսի 20-ից սկսած՝ Երևանի պետական կամերային թատրոնը բոլոր ներկայացումներն անժամկետ հետաձգում է»,- այս մասին ասվում է մայիսի 16-ին թատրոնի ֆեյսբուքյան էջում տարածած հաղորդագրության մեջ:
Սոցիալական ցանցերում ակտիվորեն քննարկվում է վարձով բնակարանների թանկացման դեմ ստորագրահավաք սկսելու և կառավարությանը դիմելու հարցը։ Կառավարությանը ցանկանում են դիմել՝ պահանջելով ստեղծելով այնպիսի պայմաններ, որպեսզի հնարավոր լինի օգտվել մատչելի վարձով բնակարաններից։
«Պոլիկլինիկաների մասով մենք երևի բավականին ժամանակ ենք կորցրել, բայց, այնուամենայնիվ, սկսել ենք փոփոխությունները, և ամենակարևորն այն է, որ նաև շենքային պայմանները բարելավենք, որպեսզի քաղաքացիներին, բացի տեղեկանք տալուց, ծառայություններ մատուցենք»,- Երևանի քաղաքապետարանում գործակարգավարական խորհրդակցության ժամանակ ասաց քաղաքապետ Հրաչյա Սարգսյանը:
«Ծիծեռնակաբերդի խճուղում ճանապարհահատվածի փլուզման պատճառով վնասվել է նաև 200 գծամետր խողովակաշարը»,- այս մասին քաղաքապետարանում գործակարգավարական խորհրդակցության ժամանակ ասաց Երևանի Ջրօգտագործողների ընկերության գործադիր տնօրեն Սամվել Մելքոնյանը՝ հավելելով, որ Դավիթ Բեկ փողոցում էլ քարհանքի շահագործման ընթացքում մոտ 100 գծամետր խողովակ է վնասվել:
«Թռչնի կերի ներկրումն ահավոր դժվարացել է: Բացի այն, որ բարձրացել են գները, տեղ հասցնելն էլ է խնդիր դարձել՝ մեքենաները կանգնած են Լարսում»,- այս մասին 168.am-ի հետ զրույցում ասաց Հայաստանի թռչնաբույծների միության նախագահ Սերգեյ Ստեփանյանը:
«Օրինակ, Նուբարաշենի պոլիկլինիկան միանում է «Նոր Արեշ» պոլիկլինիկային, բայց Նուբարաշենը չի փակվում, որպես մասնաճյուղ աշխատում է: Սակայն ունենք «Թիվ 4 պոլիկլինիկա»-ն և «Թիվ 1 պոլիկլինիկա»-ն, որի դեպքում «Թիվ 1 պոլիկլինիկա»-ն փակվում է ու լրիվ մնում է «Թիվ 4 պոլիկլինիկա»-ի վրա: Մոտավորապես 50.000 և ավելի բնակչի սպասարկման հարց է առաջանում: Հասկանում եմ՝ դա արվում է, որպեսզի շենքային պայմանները բարելավվեն, տեխնիկապես զինեն, բայց արդյոք սա արդյունք կտա՞, թե՞ ոչ, դժվարանում եմ ասել: Մենք արդեն շատ բողոքներ ենք ստացել բնակիչներից:
«Այս տարի նախատեսվում է աննախադեպ գնաճ՝ համաշխարհային շուկայում, հիմնականում պայմանավորված պարենային ապրանքների գներով: Ռուս-ուկրաինական հակամարտությունը լուրջ ցնցումներ է առաջացրել համաշխարհային շուկայում՝ հատկապես պարենամթերքի և էներգետիկ շուկայում»,- այս մասին 168.am-ի հետ զրույցում ասաց տնտեսագետ Սուրեն Պարսյանը:
«Համարվում է, որ մաթեմատիկա կա՛մ հասկանում ես, կա՛մ չես հասկանում: Մեզ մոտ դեռ այն հասկացողությունը չկա, որ մաթեմատիկա եթե ոչ՝ գերազանց, ապա՝ լավ կարող են սովորել բոլոր երեխաները: Այն դրվածքն է, որ մաթեմատիկան միայն խելացիների համար է, իսկ խելացիներն էլ ուզում են ծրագրավորող դառնալ»:
Համացանցում այսօր քննարկում էին Աբովյան-Կորյուն խաչմերուկում շենքի կտուրին գտնվող շինության հարցը:
Հանրապետության դիտարկվող բոլոր քաղաքներում 2022թ. ապրիլին մարտի համեմատ ոչ պարենային ապրանքների գներն աճել են 0.4-2.6%-ով, այդ թվում՝ գնաճի ամենաբարձր ցուցանիշն արձանագրվել է մայրաքաղաքում:
«Այս տարվա ընդունելության կարգում փոփոխություններ են եղել: Հայտագրվողների թիվը նախորդ տարիների հետ համեմատած ավելի մեծ է, և դա ունի իր պատճառները: Նախորդ տարվա հետ համեմատած՝ դիմորդների թիվը կազմել է 13573՝ 13120-ի փոխարեն: Այս թվի մեջ ներառված են նաև ներբուհական քննություն հանձնողները»,- լրագրողների հետ հանդիպման ժամանակ ասաց Գնահատման և թեստավորման կենտրոնի փոխտնօրեն Կարո Նասիբյանը՝ մանրամասնելով, որ ներբուհական քննություն հանձնում են արվեստի, մշակույթի, սպորտի բնագավառի բուհերում: Այդ բուհերն իրենք են կազմակերպում քննություններ, նրանց քննությունները միասնական չեն:
ՀՀ գիտության կոմիտեից 168.am-ին հայտնեցին, որ գաղափարի հիմքում այն փաստն է, որ ՀՀ-ում ներկայումս պետական բազային ֆինանսավորում ստացող գիտական կազմակերպությունների մեծ մասում գիտական աշխատողների թիվը 50-ից պակաս է:
«Մեր ընկերոջը բերել են այստեղ, մենք էլ դեմ ենք։ Սա այն հարցը չէ, որ մի ախպորը որպես զոհվածի ծնող թողես՝ էն մի ախպորը բռնես, թե՝ տանում եմ կալանավորման։ Ո՞նց ես որոշում անել կալանավորման՝ առանց հիմնավորման։ Բոլոր ծնողներն էլ թող իմանան, որ Գարիկ Գալեյանի հետ կապված պայմանականորեն վերևը իրար մեջ նստել՝ որոշում են կայացրել, որ Գալեյան Գարիկի մասով բաց թողնեն, քանի որ ինֆարկտային վիճակ է, բայց Արթուրի հետ կապված որոշել են, որ չէ՝ պետք է տանեն կալանավորման»,-քիչ առաջ Զինվորական քննչական գլխավոր վարչության մոտ առավոտից սկսված և մինչ այս պահը շարունակվող բողոքի ակցիայի ժամանակ ասաց Սարգիս Մարտիրոսյանը՝ Գալեյանների ընտանիքի ընկերը՝ հայտարարելով, որ օրինակ ինքը որոշել է մնալ այդտեղ։
Գնահատման և թեստավորման կենտրոնի տնօրենի հրամանով հաստատվել են այս տարվա միասնական քննության օրերը: Այսպիսով՝ քննաշրջանը մեկնարկում է հունիսի 7-ին և ավարտվում հունիսի 24-ին:
«Մայիսի 18-ին Երևանի Կոմիտաս-Վաղարշյան խաչմերուկում փողոց փակած ցուցարարներից մեկը, ում վրաերթի էին ենթարկել՝ 2-3 ժամ առաջ դուրս է գրվել հիվանդանոցից»,- 168.am-ին հայտնեց Երևանի պետական բժշկական համալսարանի աշխատակազմի ղեկավար Շուշան Դանիելյանը։
Մայիսի 24-ի Երևանի ավագանու նիստում կքննարկվի Երևանի ենթակայության ներքո գտնվող մի շարք բաժնետիրական ընկերությունների վերակազմակերպման հարցը:
