ՀՀ կառավարության այսօրվա որոշմամբ, ՀՀ գյուղատնտեսության նախարարության աշխատակազմի ղեկավար Կառլեն Միքայելյանն իր դիմումի համաձայն ազատվել է աշխատանքից:
Երեկ անուղղակիորեն հաստատվել են տևական ժամանակ քաղաքական շրջանակներում ու մամուլում շրջանառվող այն տեղեկությունները, որ Հանրապետական ու «Բարգավաճ Հայաստան» կուսակցությունների միջև բանակցություններ են ընթանում առաջիկա նախագահական ընտրություններում Սերժ Սարգսյանի թեկնածությունը սատարելու շուրջ: Այդ տեղեկությունների համաձայն, գործող նախագահ Սերժ Սարգսյանին ընտրություններում սատարելու դիմաց ԲՀԿ-ն պահանջում է վարչապետի պաշտոնը, ինչին Ս. Սարգսյանը չի համաձայնվում:
Առողջապահության ոլորտում առկա խնդիրների լուծման ուղղությամբ շարունակական աշխատանքը հրամայական է բոլոր երկրների համար:
Ուժեղ է այն մարդը, ով ստույգ գիտի, թե ո՞ւր է գնում, ինչո՞ւ է արթնանում և իր հետևից ո՞ւր է տանում մարդկանց:
«Նախընտրական պայքարը մեկնարկել է: Սկսել է կուլիսային պայմանավորվածությունների շրջանը: Այն, որ իշխանական դաշտից կառաջադրվի գործող նախագահը, ենթադրելի է: Ամենամեծ ինտրիգը ԲՀԿ-ն է, թե ինչպես «Բարգավաճը» կմասնակցի ընտրություններին. կառաջադրի՞ ԲՀԿ-ն իր թեկնածուին, թե՞ կսատարի գործող նախագահին: Նշեմ, որ ԲՀԿ-ն, սակայն, շատ է ձգձգում իր մասնակցության ֆորմատը: Պատճառն այն է, որ Գագիկ Ծառուկյանի և ԲՀԿ-ի նկատմամբ ճնշումներն այս պահին ակնհայտ են»:
«Մենք գործ ունենք կիսատ-պռատ ժողովրդավարության հետ՝ Հայաստանում, և ընդհանրապես ոտնահարված ժողովրդավարության հետ՝ Ադրբեջանում: Այսպիսի երկրների միջև հաշտություն կայացնելը գրեթե անհնար է»,- ասաց ԱԻՄ նախագահը:
Քիչ առաջ Գրիգոր Լուսավորիչ հիվանդանոցի ընդունարանից 168.am-ին տեղեկացրեցին, որ 11 բանվորները, ովքեր դուրս են բերվել փլատակների տակից, գտնվում են իրենց հիվանդանոցում, և այս պահի դրությամբ ոչ ոք դուրս չի գրվել հիվանդանոցից: Նրանից երկուսի վիճակը գնահատվում է միջին ծանրության, մեկը` թեթև վնասվածքներ է ստացել, իսկ մյուսների վիճակը գնահատվում է կայուն ծանր:
Բույսի մատղաշ տերևներում C վիտամինի պարունակությունը չի զիջում նույնիսկ քաղցր պղպեղին, զգալիորեն գերազանցում է այլ բանջարեղեններին (կարտոֆիլ, դդմիկ, գազար, բազուկ) և ցիտրուսներին։
168.am-ի թղթակիցը քիչ առաջ տեղեկացրեց, որ դեպքը տեղի է ունեցել Խանջյան փողոցում գտնվող «Կարաս» թոնրատան հարևանությամբ գտնվող կիսաքանդ կիսակառույց շինության շինարարական աշխատանքների ընթացքում. 3-րդ հարկի տանիքը փլվել է բանվորների վրա։ 168.am-ին ԱԻՆ լրատվական ծառայության ղեկավար Նիկոլայ Գրիգորյանը տեղեկացրեց, որ փլատակների տակ մնացել էր 11 բանվոր. բոլորին հաջողվել է դուրս բերել փլատակների տակից, և տեղափոխել հիվանդանոց:
Երևանի Ավան և Նոր Նորք վարչական շրջանների դատարանում՝ դատավոր Էդուարդ Ամալյանի նախագահությամբ, նոյեմբերի 1-ին տեղի կունենա նախնական դատական նիստ քաղաքացի Դավիթ Սանասարյանն ընդդեմ Ազգային ժողովի նախկին պատգամավոր Ռուբեն Հայրապետյանի գործով:
Հոկտեմբերի 25-ին, ժամը 13.10-ին ահազանգ է ստացվել, որ Երեւանի Խանջյան փողոցի թիվ 20 շենքի մոտակայքում տեղի է ունեցել կիսակառույց շենքի փլուզում, կան տուժածներ. անհրաժեշտ է հրշեջ-փրկարարների օգնությունը: Այս մասին տեղեկացնում է News.am-ը:
«Ո՞ր ֆոնդերն են տնօրինելու մեր գումարները: Հարցի պատասխա նը սենսացիոն է՝ այդ ֆոնդերը դեռևս չեն ստեղծվել: Դրանք ստեղծվելու են 2013թ. ընթացքում: Այսինքն՝ ՀՀ ժողովրդին պատկանող միլիարդավոր դրամները ոչ թե կամավորության, այլ պարտադիր կարգով վստահելու են նորահայտ ըկերություններին, որոնք տվյալ ոլորտում փորձ չունեն, առաջին քայլերն են անում»,- նկատեց Ն. Փաշինյանը:
Քննարկումների արդյունքներով կայացվել են համապատասխան որոշումներ: Բոլոր համալիր հարցադրումների տեսանկյունից տրվել են համապատասխան հանձնարարականներ: Միաժամանակ կարճ ժամկետներ են տրվել՝ ակտերում ներառված խնդիրները ճշգրտելու, շտկելու և վերացնելու նպատակով:
ՀՀ ԱԳՆ լրատվական ծառայության տարածած հաղորդագրության համաձայն` հոկտեմբերի 27-ին ՀՀ արտգործնախարար Էդուարդ Նալբանդյանը կմեկնի Փարիզ, որտեղ կկայանա նրա հանդիպումը Ադրբեջանի ԱԳ նախարար Էլմար Մամեդյարովի հետ: Հանդիպմանը կմասնակցեն նաև ԵԱՀԿ Մինսկի խմբի համանախագահները:
«Այս օրինակացված օրինագծի անունը դրել են պարտադիր կուտակային համակարգ, որն ինքը պետք է բնակչության համար ծերության առավել հարմար պայմաններ ապահովի, սակայն օրենքում առկա ձևակերպումներից պարզ է դառնում, որ այս ամենի նպատակն է ընդամենը է’լ ավելի աղքատացնել ժողովրդին, է’լ ավելի մեծացնել մարդկանց կախվածությունն ընտրակաշառքից և, ի վերջո, բնակչության դրամական միջոցները կենտրոնացնել իշխող վերնախավի ձեռքերում»:
«Նուբարաշեն» քրեակատարողական հիմնարկում հոկտեմբերի 22-ից 4 դատապարտյալ հացադուլ են հայտարարել` բողոքելով իրենց նկատմամբ կայացրած վճռի և ընդհանրապես կալանավայրում տիրող իրավիճակի շուրջ:
Այս հարցուպատասխանն այնքան էլ հետաքրքիր չէր լինի, եթե այս 2 հէկ-երն էլ չպատկանեին «Ժառանգություն» խմբակցության դե յուրե անդամ, «Ազատ դեմոկրատներ» կուսակցության նախագահ Խաչատուր Քոքոբելյանին: Չնայած կա տեսակետ, որ Քոքոբելյանը «Խաչաղբյուր 2»-ը վաճառել է, նախապես իմանալով, որ դրա կառուցումը կարող է արգելվել, և այն կարող է ապամոնտաժվել:
Այսօր Քութայիսիում` Վրաստանի խորհրդարանի նորակառույց շենքում պատգամավորները կսկսեն քննարկել Բիձինա Իվանիշվիլիի կառավարության ծրագիրը: Որևէ կասկած, որ ծրագիրը կհաստատվի, իսկ Իվանիշվիլին կստանձնի վարչապետի պաշտոնը, չկա, քանի որ հոկտեմբերի 1-ի ընտրություններում հաղթած «Վրացական երազանք» դաշինքը 150-տեղանոց նորընտիր խորհրդարանում 85 տեղ ունի:
Արևելյան Բեյրութում որոտացած պայթյունից առաջացած ապահովական, քաղաքական և հասարակական արձագանքները հայտնաբար շարունակվելու են որոշ ժամանակի համար: Հրապարակ են նետվել քաղաքական նոր վարկածներ, կանխատեսումներ, մեկնաբանություններ և վերլուծություններ` դեպքերի հետագա զարգացման սցենարների և ընդհանրապես երկրի ապագայի մասին պատկերացումների փորձեր կատարելու ուղղությամբ:
Երևան քաղաքի Էրեբունի և Նուբարաշեն վարչական շրջանների ընդհանուր իրավասության առաջին ատյանի դատարանը հիմնավորված է համարել շահումով խաղերի ապարատների շահագործմամբ ապօրինի ձեռնարկատիրությամբ զբաղվելու համար Գ. Բաբախանյանին առաջադրված մեղադրանքը: Այդ մասին տեղեկացնում են ՀՀ գլխավոր դատախազությունից:
«Շատ կցանկանայի տեսնել ուժեղ ընդդիմություն, և այդ ուժեղությունը չափվեր ոչ թե ԱԺ ամբիոնում բարձր բղավելով, կոկորդային ձայներ հանելով, այլ դրսևորվեր այն աշխատանքով, որն իրենք կիրականացնեն հասարակության հետ: 2008թ. ունեինք ուժեղ ընդդիմություն, որին հաջողվեց հասարակությանը հանել հրապարակ, մինչդեռ այսօր մենք չունենք այդ ընդդիմությունը: Այսօր իշխանությունն ավելի ուժեղ է` դրանից բխող բոլոր հետևանքներով և հնարավորություններով»,- 168.am-ի հետ զրույցում ասաց ԱԺ ՀՀԿ խմբակցության պատգամավոր Մարգարիտ Եսայանը:
«Լինել ՀՀ նախագահի թեկնածու, իմ պատկերացմամբ, համապատասխան կրթություն, խարիզմա ունենալուց զատ, իր շուրջը քաղաքական մեծ քաշի գործիչներին հավաքելու կարողությանը տիրապետելն է: Նախագահի պաշտոնն աթոռ չէ, որ նստես ու հեռախոսով հանձնարարականներ տաս»:
«Քաղաքական հետապնդման օրինա՞կ եք ուզում Հայաստանում, ես Ձեզ կբերեմ նման դեպք. Ռուբեն Հայրապետյանի դեպքը հենց քաղաքական հետապնդման վառ օրինակ է, երբ պատգամավորին քաղաքական հետապնդման ենթարկեցին, երբ դե յուրե նա ոչ մի կապ չուներ «Հարսնաքարի գործի» հետ: Ռ.Հայրապետյանը քաղաքական հետապնդման ենթակվեց այն դեպքում, երբ բացարձակ իրավական ոչ մի պատասխանատվություն տվյալ ողբերգության հետ չուներ: Այո, բարոյական ծանրությունը բեռ է, ու մենք տեսանք, որ այդ բեռի տակ Ռուբեն Հայրապետյանը կամովին հրաժարվեց մանդատից»:
168.am-ի հարցին, թե տեսակետ կա, որ առաջիկա նախագահական ընտրություններում Ռուսաստանը կարող է աջակցել ոչ թե գործող նախագահ Սերժ Սարգսյանին, այլ ՀՀ երկրորդ նախագահ Ռոբերտ Քոչարյանին, ում հանդիպումներին ՌԴ նախագահ Պուտինի հետ մեծ նշանակություն է տրվում, ՀՀ պաշտպանության նախկին նախարար, գեներալ-լեյտենանտ, «Ազգային վերածնունդ» կուսակցության նախագահ Վաղարշակ Հարությունյանը պատասխանեց.
«Հոգնել եմ բոլոր տեսակի հանձնաժողովներից էլ, ժողովներից էլ, կուսակցություններից էլ, ընդդիմությունից էլ, ղեկավարությունից էլ, պետությունից էլ: Հավատս բոլորի նկատմամբ կորցրել եմ: Քանի՞ հանձնաժողով ստեղծվեց, այդ հանձնաժողովներն ի՞նչ արեցին, որ հիմա նոր հանձնաժողով ստեղծվի: Չորս տարի է անցել արդեն, հինգերորդ տարին է գալիս, ի՞նչ անելու էր, պիտի դատախազությունն աներ առաջին մեկ ամսում, երկու շաբաթում: Նիկոյանը տարի ու կես հանձնաժողով էր ստեղծել, ի՞նչ արեցին: Հիմա նոր հանձնաժողովը ի՞նչ պիտի անի: Ո՞ւմ պիտի հարցաքննեն»:
«Կարևոր չէ նաև այն, որ նրանք իրար քաշքշել են, թե հայհոյել են իրար մտքում, թե` ոչ: Կարևոր է, որ նրանցից մեկը ԲՀԿ-ի հետ համագործակցությանը կողմ է, մյուսը` ոչ: Գոնե ինձ հայտնի է, որ կա տեղեկատվական պատերազմ Նիկոլ Փաշինյանի և Լևոն Զուրաբյանի միջև: Երկուսն էլ լրատվամիջոցներով փորձում են ապացուցել իրենց դիրքորոշումը և ներկայացնել իդեալական նախագահի թեկնածուներ»:
Գյումրու քաղաքապետարանը ներկա դրությամբ ընդհանուր հաշվով շուրջ 3 մլն դոլարի պարտքեր ունի տարբեր ընկերությունների՝ քաղաքապետարանի ենթակայությամբ գործող կառույցների աշխատակիցներին, հեռախոսի, դիզվառելիքի և այլ ծառայություններ մատուցող ընկերություններին: Այս մասին galatv.am-ին ասել է Գյումրու քաղաքապետարանի մամլո պատասխանատու Զոհրապ Եգանյանը:
«Գործող օրենսդրության համաձայն, փոխհատուցումը, եթե կազմակերպությունը լուծարվել է, պետք է տրամադրվի պետական բյուջեի միջոցների հաշվին: Սակայն, ցավոք, նաև 2013թ.-ի պետական բյուջեի նախագծում, կարծես թե, չկան նախատեսված այդ գումարները: Հաշվի առնելով խնդրի կարևորությունը և նաև այն, որ սննկացման վարույթում հատկապես այս հարցը դատարանների պատշաճ ուշադրության առարկա չի դառնում, ստացվում է, որ այս քաղաքացիները զրկվում են օրենքով իրենց հասանելիք փոխհատուցման գումարներից»,- նշեց պատգամավորը:
Աշխատանքային այցով Լեռնային Ղարաբաղի Հանրապետությունում գտնվող Նախագահ Սերժ Սարգսյանը ԼՂՀ նախագահ Բակո Սահակյանի հետ այսօր Հադրութի շրջանի Մեծ Թաղեր գյուղում մասնակցել է արցախյան ազատամարտի նահատակների հիշատակը հավերժացնող հուշահամալիրի բացման հանդիսավոր արարողությանը: Այս մասին տեղեկացնում է ՀՀ նախագահի գրասենյակը:
«Արտաշատի Ազատավան գյուղում գյուղացին 24-25.000 դրամ է վճարում իր հողակտորը ոռոգելու համար: Որտե՞ղ է նման բան գրված: Իսկ կարտոֆիլը, ցորենը, պարարտանյութը, որ Գյուղնախարարությունը տրամադրում է գյուղացուն, գնում է մի քանի հոգու գրպանները: Կամ օգտագործում են ընտրությունների ընթացքում՝ որպես ընտրակաշառք: Ես մեղադրում եմ գյուղապետերին, մարզպետներին և կառավարությանը, որոնք պետք է վերահսկեն այս ամենը»,- ասաց «Արտաշատի իրավապաշտպան» բարեգործական ասոցիացիայի նախագահ, Արտաշատի Ազատավան գյուղի բնակչուհի Արուս Հովհաննիսյանը:
