«Նրանք, ովքեր պաշտոնյա էին այն ժամանակ` թե’ նախագահ, թե’ նախարար, իրենք շարունակեցին ու մինչ օրս շարունակում են այսպես, թե այնպես պաշտոնավարել: Եվ քանի դեռ մեր ժողովուրդը ու հատկապես նոր սերունդը չի հասել իր երկրում ազատության, արդարության ու ճշմարտության, չի կարելի ենթադրել, որ Հայաստանը կդառնա առաջատար երկիր, ըստ Սահմանադրության` ժողովրդավար, ինքնիշխան պետություն: Ճշմարտության փնտրտուքը պիտի շարունակվի և սա ժողովրդի ձեռքում է»:
«Այդ օրը լավ տրամադրությամբ բերեցի աշխատանքի, ինքն ասաց` հեռու չգնաս, էսօր շատ գործ ունենք: Ու ես գնացի գարաժ, ինքը գնաց նիստի: Նիստը սկսվեց 12:00-ին, ու էդ օրը 5-ից 10 պակաս խփեցին: Դա հոկտեմբերի 27 էր: 13 տարի ա` ամեն ինչը փոխվել ա; Արդարություն չկա»,- ասում էր Կարեն Դեմիրճյանի վարորդը:
Հարցին, թե ինչո՞ւ մինչ օրս դեպքի իրական հանցագործները չեն բացահայտվել, ՀՀԿ-ական պատգամավորը պատասխանեց. «Ես չգիտեմ, թե իրական հանցագործ ասելով` ի՞նչ նկատի ունեք, բայց կան հանցագործություն իրականացնողներ, ձերբակալվածներ: Պարզ է, որ սա այն դեպքն է, երբ կատարողը տեղում ձերբակալվել է, և ավելի բացահայտված է, ավելի ակներև է»:
Այսօր Կոմիտասի անվան պանթեոնում էին քաղաքական մի շարք գործիչներ և ՀՀ քաղաքացիներ` հարգանքի տուրք մատուցելու Հոկտեմբերի 27-ի ոճրագործության զոհ դարձած Կարեն Դեմիրճյանի հիշատակին: Այնտեղ էր նաև Կարեն Դեմիրճյանի այրին` Ռիտա Դեմիրճյանը` իր թոռների և հարսի հետ:
Վազգեն Սարգսյանի տուն- թանգարանում տեղ են գտել Սպարապետի կյանքի տարբեր շրջաններից պահպանված իրեր, որոնք հուշում են նրա անցած ուղու մասին: Նրա ծննդավայր Արարատ գյուղում 2001թ. ստեղծված թանգարանում կարելի է հանդիպել մանուկ, պատանի, հասուն քաղաքական գործիչ, արձակագիր Վազգեն Սարգսյանին:
Ըստ Հմայակ Հովհաննիսյանի` Հոկտեմբերի 27-ից հետո «քաղաքական դաշտից հետևողականորեն դուրս մղվեցին այն դեմքերը և ուժերը, որոնք պատրաստակամ էին շարունակելու Կ.Դեմիրճյանի և Վ.Սարգսյանի գիծը: Արդեն 2003 թ. Կ.Դեմիրճյանի աթոռը (ԱԺ նախագահի.- Ա.Ս.) զբաղեցրեց մարդ, ում ռուսաստանյան վերլուծաբաններն անվանում են հայկական Յուշչենկո, իսկ 2007թ. ընտրություններին ըստ էության այն ուժերը, հոսանքները, ովքեր տարիներ շարունակ պաշտպանել են Ռուսաստանի հետ հարաբերությունների զարգացման առաջնայնությունը, ընհանրապես դուրս մղվեցին ԱԺ-ից»:
Նախագահ Սերժ Սարգսյանն այսօր այցելել է ՀՀ ժողովրդական արտիստ Սոս Սարգսյանին: Հանրապետության ղեկավարը շուտափույթ ապաքինում և քաջառողջություն է մաղթել «Նաիրի» բժշկական կենտրոնում բուժվող մեծանուն դերասանին:
ՌԴ նոտարական պալատի նախագահի խոսքով` իրենց երկրում էլ շատերի կողմից թերագնահատվում է նոտարի դերը, ստեղծվում են խոչընդոտներ, որպեսզի հնարավորինս նվազեցվի, բացառվի նոտարի մասնակցությունը տարաբնույթ գործարքների վավերացմանը: Դեռևս պահպանվում է այն թյուրընկալումը, թե նոտարը պարզապես «կնիք խփող է»:
ԵԿՄ նախագահ, ԱԺ ՀՀԿ խմբակցության պատգամավոր Մանվել Գրիգորյանն այսօր Եռաբլուր` Սպարապետ Վազգեն Սարգսյանի շիրիմին այցելելու եկավ իր որդու և թոռնիկի հետ: Նրան ուղեկցում էին նաև երիտասարդ երկրապահներ:
Այսօր առավոտյան, ժամը 9:30-ին` առաջին պաշտոնյան, ով այցելեց Եռաբլուր` Սպարապետ Վազգեն Սարգսյանի շիրիմին` ՍԴ նախագահ Գագիկ Հարությունյանն էր: Նա Եռաբլուր էր եկել իր թոռնիկի հետ:
Այսօր վաղ առավոտյան Եռաբլուր պանթեոնում Սպարապետ Վազգեն Սարգսյանի գերեզմանի մոտ ՀՀԿ-ի կողմից ծաղկեպսակ էր դրված: Սակայն ոչ ոք Եռաբլուրում չկար: Այնտեղ չէր նույնիսկ ՀՀ ոստիկանապետ Վլադիմիր Գասպարյանը:
Իսկ ինչպե՞ս են ԲՀԿ-ում ընկալել Շարմազանովի` իրենց ուղղված պատասխանը: ԱԺ ԲՀԿ խմբակցության ղեկավար Նաիրա Զոհրաբյանը 168.am-ի հարցին ի պատասխան, հայտարարեց. «Որքան տեղյակ եմ` իշխանությունները սահմանադրական հանրաքվե անցկացնելու ծրագիր կամ գաղափար ունեն՝ փոխվարչապետերի պաշտոններ ավելացնելու համար:
«Բացահայտմանը խանգարող հանգամանքները հավանաբար հանցագործության կազմակերպման ու կատարման հետ են կապված, որովհետև այն նույն ուժերը, որոնք կանգնած են Հոկտեմբերի 27-ի իրականացման հետևում՝ շահագրգռված չեն գործը բացահայտելուն»,- այս մասին 168.am-ի հետ զրույցում ասաց «Ղարաբաղ» կոմիտեի նախկին անդամ Աշոտ Մանուչարյանն՝ անդրադառնալով Հոկտեմբերի 27-ի դեպքերին:
Ճապոնացի գիտնականները պնդում են, որ ամեն օր գազավորված ըմպելիքների օգտագործումը կանանց մոտ մեծացնում է կաթվածի առաջացման հավանականությունը: Ինչպես գրում է dailymail-ը, այս դեպքում կաթվածի առաջացման հավանականությունը մեծանում է 80%-ով:
Ընդհանրապես, Հայաստանում անգամ վարչապետի պաշտոնը կարելի է շռայլություն համարել, քանի որ, լայն իմաստով, ամեն ինչ որոշվում է նախագահի կողմից, և կառավարությունն ընդամենը այդ որոշումներն իրագործող մեծ գրասենյակ է: Ի՞նչ խնդիրներ պետք է լուծի նոր փոխվարչապետը, որոնք չի կարող լուծել վարչապետը` ներկայիս մեկ փոխվարչապետով ու 17 նախարարներով: Այս հարցերը գուցե չառաջանային, եթե իշխանությունն ազնիվ լիներ ու հայտարարեր, որ ցանկանում է փոխվարչապետի հաստիք ավելացնել ընդամենը ներիշխանական առևտրում ԲՀԿ-ի պահանջները բավարարելու համար:
Ռամիլ Սաֆարովին ներում շնորհելուց և հերոսացնելուց հետո Հայաստանում տեսակետներ հնչեցին, որ Ադրբեջանի հետ բանակցությունները շարունակելը անիմաստ է, քանի որ ի՞նչ իմաստ ունի բանակցել մի երկրի հետ, որն արդարացնում և հերոսացնում է հայասպանությունը:
Դեկտեմբերին ամերիկացիները 586.1 միլիարդ դոլար են ծախսելու Սբ. Ծննդյան տոների նվերների ու զարդարանքների վրա, որից 96 միլիարդը ծախսվելու է ինտերնետում: Այս 96 միլիարդ դոլարից որքա՞նը կարող ենք բերել Հայաստան:
«Ես գոնե տեղյակ չեմ, որ ԲՀԿ-ի կողմից որևէ շարժ լինի, որ գնահատվի իբրև դրական միտում ՀԱԿ-ի նկատմամբ: Իսկ ՀԱԿ-ի կողմից բազմաթիվ քայլեր են արվել: Հենց թեկուզ Լևոն Տեր-Պետրոսյանը միտինգներում է հայտարարել, ընթացքում է խոսել: Տարբեր առիթներով ՀԱԿ-ն ինչ-որ քայլեր արել է, բայց` արդյունք չկա: Չեմ էլ կարծում, որ հնարավոր է: Այդ քաղաքական ուժն իր տերերն ունի, ղեկավարներն ունի, բացառում եմ, որ նրանք երբևիցե իշխանության դեմ գնան»:
Այսօր ժամը 11-ին ԱԺ տարածքում տեղի կունենա Հոկտեմբերի 27-ի ահաբեկչության զոհերի հիշատակի արարողություն. ծաղկեպսակ կտեղադրվի հուշարձանի մոտ: ԱԺ նախագահը և խորհրդարանական խմբակցությունների ներկայացուցիչներն ամեն տարի այդ օրն այդպես են հարգում զոհերի հիշատակը:
Արդեն մի քանի օր է՝ Կապանի «Դինո Գոլդ մայնինգ քամփնի» ընկերությունում տեղի են ունենում խմորումներ, որոնց պատճառը թանկարժեք սարքավորումների գողությունն է: Տնօրինությունը, ըստ կապանցիների, այս պատճառաբանությամբ է ազատում հիմնականում արտադրական բաժնի աշխատակիցներին:
«Ընկերուհի չունեմ, կին կամ, առավել ևս, երեխաներ աշխարհի ոչ մի երկրում չունեմ: Սա և ժամանակի, և իմ դիրքի խնդիրն է: Օրինակ, իմ ընկերների դեպքում ամեն բան ավելի հեշտ է եղել: Իմ ընկերներն իրենց սիրելիներին ճանաչել են մինչև հայտնի դառնալը: Իսկ իմ պարագայում ամեն ինչ մի փոքր այլ է: Աղջկա մոտ իմ մասին կարծիքը ձևավորվում է թե դրական, թե բացասական եթերից: Նա մինչ ինձ ճանաչելն արդեն ունի իմ մասին իր պատկերացումները: Բայց իրականում այն, ինչ ես եմ ցույց տալիս բեմում, իմ բնությունից շատ տարբեր է»:
ՀՀԿ խոսնակը նշել է, որ այսօրվա նիստում վարչապետի փոփոխության հարցը չի քննարկվել, ինչպես գրում է մամուլը։ Նա նաև վստահեցրել է, որ իրականությանը չեն համապատասխանում լուրերը, թե փոխվարչապետի պաշտոնը հանձնվելու է ԲՀԿ առաջնորդ Ծառուկյանին։
Միլանի դատարանը այսօր Իտալիայի նախկին վարչապետ Սիլվիո Բեռլուսկոնին չորս տարվա ազատազրկման է դատապարտել` հարկերից խուսափելու համար։
Հոկտեմբերի 28-ին Արմավիրի մարզի Խորոնք գյուղական համայնքում տեղի կունենան գյուղապետի նոր ընտրություններ: Այս համայնքում սեպտեմբերի 9-ին անցկացվել էին գյուղապետի հերթական ընտրություններ, որոնց արդյունքներով քվեարկված երկու թեկնածուները` ՀՀԿ-ի կողմից առաջադրված գործող գյուղապետ, հանրապետական Սարգիս Նահապետյանը և ինքնաառաջադրված անկուսակցական, Վաղարշապատի արհեստագործական ուսումնարանի ֆիզղեկ Արային Աբասյանը, ստացել էին 662-ական քվե:
Մեղադրողը՝ Երևանի Կենտրոն և Նորք-Մարաշ վարչական շրջանների դատախազի տեղակալ Արմեն Աֆանդյանը, իր մեղադրական ճառում միջնորդել էր Վ. Գասպարիի նկատմամբ տուգանք նշանակել 50 հազար դրամի չափով: Իսկ Վ. Գասպարիի պաշտպան, փաստաբան Մուշեղ Շուշանյանը միջնորդել էր իր պաշտպանյալի նկատմամբ կայացնել արդարացման դատավճիռ:
ՀՀ մշակույթի նախարարության կազմակերպած մշակութային միջոցառումները, տրամադրած գումարները բավական չեն ոլորտը կենդանի պահելու համար: Այս մասին այսօր 168.am-ի հետ զրույցում ասաց նկարիչ Արա Հայթայանը:
Ես ուզում եմ անկեղծ լինել. հրաշքներ չեն լինում, փրկիչներ չեն լինում, բայց նա կաներ առավելագույնը, որպեսզի Հայաստանին ետ պահեր սխալ քայլերից։ Մենք այնպիսի ճակատագրական պահեր ենք ապրում, ՀՀ-ն այսպիսի ծանր վիճակում երբեք չի եղել, որովհետև 70 տարի պաշտպանված է եղել, մենք մոռացել էինք այն ծանր տարիները, երբ մենակ էինք, և մեզ հոշոտում էին:
Նախագահ Սերժ Սարգսյանն այսօր ընդունել է «Թենիսի տապան-2012» թենիսի միջազգային մրցաշարին մասնակցելու նպատակով Երևան ժամանած Ռուսաստանի Դաշնության պատվիրակությանը՝ ԱՊՀ երկրների ինստիտուտի տնօրեն Կոնստանտին Զատուլինի գլխավորությամբ:
Գերմանիայի ու Իսպանիայի իշխանությունները դադարեցրել են Novartis դեղարտադրող ընկերության որոշ պատվաստանյութերի վաճառքն ու շրջանառությունն իրենց երկրների տարածքում: Ինչպես հաղորդում է Euronews-ը, նշված երկրներն այդ որոշումը կայացրել են՝ առանց սպասելու պատվաստանյութերի կողմնակի ազդեցությունների մասին ստուգումների արդյունքների ստացմանը: Ավելի վաղ նման որոշում էին կայացրել նաև Իտալիան, Ավստրիան ու Շվեյցարիան:
« Շատ հեշտ է տնտեսական ձախողումների ֆոնին խաղալ ազգային զգացմունքների վրա։ Բայց դա բնավ լավ ճանապարհ չէ: Կա շատ ավելի դժվար, բայց ազնիվ ճանապարհ` որպես նպատակ ձևակերպել Հայաստանի և Ղարաբաղի հզորացումը, ինչից վերջին տարիներին անշեղորեն հեռանում ենք: Ցավոք»:
