Իրանի նախագահը մոտ ժամանակներս կայցելի Ադրբեջան
Haqqin.az պորտալի փոխանցմամբ՝ Իրանի նախագահ Հասան Ռոուհանին մոտ ժամանակներս կայցելի Ադրբեջան: Այս մասին լրագրողների հետ զրույցում հայտարարել է Ադրբեջանում Իրանի դեսպան Մոհսեն Փակ Այինը:
Նրա խոսքերով՝ Ռոուհանին Ադրբեջան այցելելու հրավեր ստացել է Ադրբեջանի նախագահ Իլհամ Ալիևից, ով ապրիլի սկզբին մեկնել էր Իրան: Դեսպանը հավելել է, որ Ռոուհանին ընդունել է այդ հրավերը, և որ Իրանի ու Ադրբեջանի նախագահներն ընդգծել են բարձր մակարդակի այցերի կարևորությունը:
Դեսպանը նաև հայտնել է, որ Ադրբեջանի տեղեկատվական ու բարձր տեխնոլոգիաների նախարար Ալի Աբբասովն առաջիկա երկու ամսում մեկնելու է Իրան և քննարկելու է տեղեկատվական-հաղորդակցային տեխնոլոգիաների ոլորտում համագործակցության հարցը:
Հիշեցնենք, որ Իլհամ Ալիևի իրանական այցից հետո Իրան է մեկնել Ադրբեջանի պաշտպանության նախարար Զաքիր Հասանովը:
