Թուրքիայում գյուղապետներից մեկն անօդաչու թռչող սարքի միջոցով շնչադիմակներ է բաժանել գյուղացիներին
Թուրքիայի հյուսիս-արևելյան Ռիզե նահանգի Չայելի շրջանի Դերեջիք համայնքի գյուղապետ Ռազմազան Քյուքսարըն սոցիալական հեռավարությունը պահպանելու համար անօդաչու թռչող սարքի միջոցով շնչադիմակներ է բաժանել գյուղացիներին և գյուղ մուտք գործող քաղաքացիներին։ Այս մասին տեղեկացնում է ermenihaber.am-ը:
Նշվում է, որ այդ քայլով գյուղապետը փորձում է ցույց տալ համագյուղացիներին, որ կորոնավիրուսի համավարակը դեռևս չի ավարտվել։
Քյուչուքսարըն այնուհետև փակել է տվել գյուղ տանող 6 հիմնական ճանապարհներից 5-ը, իսկ դրանցից մեկում հատուկ պաշտպանիչ արտահագուստով չափել է Դերեջիք գյուղ ելումուտ անող քաղաքացիների ջերմությունը, գրանցել նրանց անունները։
Կորոնավիրուսի դեմ պայքարի շրջանակում գյուղապետի իրականացրած միջոցառումները զարմանք են պատճառել գյուղացիներին։
