«Ես դրոշակակիր եմ այդ հարցում: Ես կողմ եմ այդ հանձնաժողովի գործունեությանն ու այն մարդկանցից եմ եղել, ովքեր բարձրաձայնել են, որ դրա կարիքն այսօր կա»,- այսօր ԱԺ-ում լրագրողների հետ զրույցում հայտարարեց ՀՀԿ-ական պատգամավոր Միհրան Պողոսյանը` ողջունելով կոռուպցիայի կանխարգելման հանձնաժողովի ստեղծումը և հավաստիացնելով, թե ինքը մտավախություն չունի, որ հանձնաժողովը կբացահայտի պաշտոնատար անձանց հայտարարագրերում տեղ գտած անճշտությունները և այլևս հնարավոր չի լինի բարեկամների անունով գրանցել ունեցվածքը:
Եվրոպայի խորհրդի խորհրդարանական վեհաժողովի (ԵԽԽՎ) լիագումար նիստի ավարտից հետո ԵԽԽՎ քարտուղարությանն է հանձնվել կառույցի նախագահ Պեդրո Ագրամունտին անվստահություն հայտնելու նախաձեռնությունը:
Ռուբեն Թոփչյանը վերընտրվել է «Մասնագիտական կրթության որակի ապահովման ազգային կենտրոն» (ՈԱԱԿ) հիմնադրամի տնօրենի պաշտոնում։ Միաձայն քվեարկությամբ նման որոշում է կայացրել ՈԱԱԿ հոգաբարձուների խորհուրդը։ Այս մասին տեղեկացրին ՈԱԱԿ հասարակության հետ կապերի բաժնից:
Նարինե Դիլբարյանի խոսքով՝ ինչքան էլ հրահանգավորված լինեին, հրահանգը կատարելու ձև կա, դատարանի շենքում նկուղային հարկում 10 հոգով ձեռնակապերի մեջ գտնվող ամբաստանյալին ծեծելը ցույց է տալիս հիստերիային, սոցիոպատիային բնորոշ հատկանիշներ:
Համացանցում «Օրը ցերեկով լկտիություն՝ ոստիկանների մասնակցությամբ» վերնագրով հոդված էր տարածվել, որում ասված էր. «Հունիսի 28-ին քաղաքացիական և ոստիկանական համազգեստով անձինք հարվածում և տշում էին փողոցում երկու կիլոգրամ ծիրան և բալ վաճառող տատիկների դույլերն ու արկղը՝ ամբողջ միրգը թափելով փողոցով մեկ»։
«Այդ համաձայնագիրը ստորագրվելու է Բրյուսելում՝ նոյեմբերին: Մենք որևէ դաշնակցային պարտականություններ չենք անտեսում այլ ձևաչափերում, բայց մենք չենք հակադրել մեր եվրոպական համագործակցության վեկտորը մեր ռազմավարական հարաբերություններին Ռուսաստանի Դաշնության և ԵԱՏՄ-ի հետ»:
ԵԽԽՎ-ում իտալացի պատվիրակներից մեկը ցանկացել է ստեղծել թուրք եւ ադրբեջանցի պաշտոնյաների համատեղ խումբ, սակայն ԵԽԽՎ բյուրոն 11 դեմ, 4 կողմ ձայներով որոշում է կայացրել հետաձգել այդ գործընթացը:
«Ադրբեջանում, որտեղ չկան ժողովրդավարական ինստիտուտներ, որտեղ մամուլը փակ է, որտեղ մարդկանց շատ հաճախ վերաբերվում են ոչ թե՝ որպես անհատականությունների, այլ՝ հոտի, այդ կորուստների գինն իրենց համար ազդեցություն չունի: Հետևաբար` մենք համակարգչային խաղ չենք խաղում, որ ասենք` մեր կողմից մահացել է X թվով զինվոր, բայց իրենց կողմից մահացել է 10 X: Բնական է, որ հակահարձակ լինելով, սանձելով ադրբեջանական ագրեսիան, պատճառելով նաև անդարձելի կորուստներ՝ մենք նաև վերականգնում ենք մեր հպարտությունն ու մեր ամրությունն ենք ուժեղացնում, բայց մարդկային կյանքերի տեսանկյունից դա բացարձակ սփոփում չէ»:
ՌԴ իրավապահների կողմից հետախուզվող՝ անձնագրային բաժանմունքում։
Պոլսո Հայոց պատրիարքարանը հունիսի 29-ին պաշտոնապես Ստամբուլի նահանգապետարան է ներկայացրել Եկեղեցական համագումար ժողովի կողմից ընդունված վերջին որոշումը, որով դադարեցված են համարվում Արամ արքեպիսկոպոս Աթեշյանի լիազորությունները որպես պատրիարքական ընդհանուր փոխանորդ:
«Ժիրայր Սէֆիլյանը, «Սասնա ծռերը», Անդրիաս Ղուկասյանը, Կարո Եղնուկյանը անմեղ են։ Եթե որևէ մեկը կարող է փաստել իրենց մեղավորությունը, թող փաստի, ներկա դրությամբ իրենք անմեղ են»,- այսօր լրագրողների հետ հանդիպման ընթացքում այս մասին հայտարարեց «Ժառանգություն» կուսակցության ղեկավար Րաֆֆի Հովհաննիսյանը։
Նախնական տվյալներով՝ 2017թ. հունիսի 30-ին՝ ժամը 04:15-ի սահմաններում, ենթադրյալ հանցագործություն կատարած անձը, Երևան քաղաքում գործող սուպերմարկետներից մեկում, դանակով գանձապահի կյանքի և առողջության համար վտանգավոր բռնություն գործադրելու սպառնալիքով, դրամարկղից հափշտակել է խոշոր չափի կանխիկ գումար՝ 600 հազար դրամ, ապա՝ դիմել փախուստի:
«Վերջին բոլոր անցուդարձերը, Թուրքիայի գործողությունները՝ կապված Նախիջևանի հետ, այս ուղղությամբ են։ Այստեղ դրականը հետևյալն է. այս ամենը, ինչից խոսում եմ, տարածվում է մարդկանց շրջանակներում, և ավելանում են դիմադրության և հակառակ տրամաբանությամբ գործող համակարգերը։ Օրինակ՝ Թուրքիան պայթյունի հերթական թիրախն է։ Թվում է, թե մենք պետք է գոռանք՝ ուռա, բայց բանն այն է, որ այդ պայթյունն ունենալու է ծանրագույն հետևանքներ ողջ տարածաշրջանի համար, և առաջին հերթին՝ մեզ՝ հայերիս համար»,- նշեց պարոն Մանուչարյանը։
«Այսօր խորհրդարնական դիվանագիտությունը պահանջում է աշխարհի լեզվով խոսել աշխարհի հետ և լինել հետաքրքիր: Շատ կարևոր է փորձել զերծ մնալ ներքին լսարանի դոմինանտիվ ախտանիշից»:
Ռուսաստանի եւ ԱՄՆ-ի նախագահներ Վլադիմիր Պուտինի եւ Դոնալդ Թրամփի հանդիպման ձեւաչափն առայժմ որոշված չէ, նախապատրաստումն իրականացվում է դիվանագիտական կապուղիներով:
Միևնույն ժամանակ նա հայտարարեց, որ ՀՀԿ-ից բազմաթիվ մարդկանց հետ պատրաստ է համագործակցության՝ խուսափելով անուններ նշել։
ՀՀ Արտակարգ իրավիճակների նախարարության հիդրոմետ ծառայության օդերևութաբանության կենտրոնի պետ Գագիկ Սուրենյանն ամփոփելով հունիս ամսվա եղանակակլիմայական պայմանները՝ նշեց, որ մինչև հունիսի 22-ը ՀՀ տարածքում օդի ջերմաստիճանը եղել է նորմայի սահմաններում: Տեղումների քանակը շատ անհավասար է բաշխված եղել, դիտված անձրևները կրել են լոկալ, գերակայուն բնույթ. եղել են հատվածներ, որտեղ տեղումների քանակը նորման գերազանցել է, եղել են հատվածներ, որ տեղումների քանակը նորմայից ցածր է եղել:
Թեժ գծին ստացած ահազանգի հիման Մարդու իրավունքների պաշտպանի աշխատակազմի ներկայացուցիչներն արագ արձագանքման այց են իրականացրել Երևանի Շենգավիթ վարչական շրջանի դատարան:
Վարչապետ Կարեն Կարապետյանն այսօր մասնակցել է «Երկխոսություն տեղական տնտեսական զարգացման շուրջ» թեմայով քննարկմանը, որի շրջանակում տեղի է ունեցել «Տնտեսության զարգացումը համայնքներում» ձեռնարկի շնորհանդեսը: Ձեռնարկը մշակվել է ՀՀ տարածքային կառավարման և զարգացման նախարարության ու Գերմանիայի միջազգային համագործակցության ընկերության կողմից:
Բացահայտվեց հերթական գողությունը:
Առաջիկա օրերին սպասվում է շատ շոգ և առանց տեղումների եղանակ, իսկ սովորաբար նման դեպքերում ստեղծվում է հրդեհավտանգ իրավիճակ: ԱԻՆ-ն ազգաբնակչությանը հորդորում է շատ զգույշ լինել, քանի որ բնության մեջ հանգստանալիս մի փոքր անզգուշությունը, հատկապես՝ անտառային գոտում՝ խոտածածկ տարածքներում, կարող է պատճառ դառնալ մեծ հրդեհների:
ԱՄՆ-ի փոխնախագահ Մայք Փենսն այցով Վրաստան կժամանի հուլիսի 30-ից մինչեւ օգոստոսի 2-ն ընկած ժամանակաշրջանում:
ՀՀ Արտակարգ իրավիճակների նախարարության հիդրոմետ ծառայության օդերևութաբանության կենտրոնի պետ Գագիկ Սուրենյանի հաղորդմամբ՝ Հայաստանի Հանրապետությունում հուլիս ամսվա ողջ ընթացքում օդի միջին ջերմաստիճանը 2-3 աստիճանով կլիմայական նորմայից բարձր է լինելու:
«Ես մինչ օրս որևէ մեկի հետ հանդիպում չեմ ունեցել: Եթե գեներալ Սեյրան Օհանյանը, Վարդան Օսկանյանը, Նիկոլ Փաշինյանը, Արամ Սարգսյանը, Գագիկ Ծառուկյանը, Դաշնակցությունը, ՀՀԿ-ի որոշ անդամներ, արտախորհրդարանական ուժերի որոշ ներկայացուցիչներ ուզենան նոր վիճակ ստեղծեն մինչև ապրիլ, մենք պատրաստ ենք»,- նշեց Հովհաննիսյանը։
Եթե հունիսի 30-ին Երևանում, Արարատյան դաշտում, Սյունիքի և Տավուշի հովիտներում կանխատեսվում է +35 աստիճան, ապա հուլիսի 1-ին կլինի +36 աստիճան, հուլիսի 2-ին՝ +37 աստիճան, հուլիսի 3-ին՝ +38 աստիճան: Իսկ հուլիսի 4-ին և 5-ին ջերմաստիճանը կհասնի մինչև +39…+40 աստիճանի: Արարատյան դաշտի և Երևանի առանձին ցածրադիր գոտիներում չի բացառվում մինչև +41 աստիճան տաքություն:
«Ես ՀՀՇ-ի իշխանության օրոք իրենց ընդունած օրենքով չեմ ծառայել` 1992թ. ընդունվելով տարկետման իրավունքով, չլինելով պաշտոնյա, սովորական ծառայողի ընտանիքի զավակ, 1998 թ. երբ ավարտել եմ բժշկական համալսաանը` չլինելով պաշտոնյա»,- այսօր ԱԺ-ում լրագրողների հետ զրույցում հայտարարեց ՀՀԿ փոխնախագահ, ԱԺ պատգամավոր Արմեն Աշոտյանը` ի պատասխան դիտարկման, որ ՊՆ-ն հրապարակել է պաշտոնյաների ցանկ, որոնց զավակներն ազատվել են զինվորական ծառայությունից:
««Ժառանգությունն» ապրում է հերթական էտման իր շրջանը։ Անմնացորդ սիրով սիրում եմ Զարուհի Փոստանջյանին և Անահիտ Բախշյանին։ Ափսոսում եմ, որ գնացին, բայց անհրաժեշտ էր, որ գնային, իրենց համար էր անհրաժեշտ և մեզ համար»,- այսօր լրագրողների հետ հանդիպման ընթացքում այս մասին հայտարարեց «Ժառանգություն» կուսակցության առաջնորդ Րաֆֆի Հովհաննիսյանը։
Հունիսի 29-ին Հայաստանի Հանրապետության պաշտպանության նախարար Վիգեն Սարգսյանի գլխավորած պատվիրակությունը Բրյուսելում մասնակցել է Աֆղանստանում ՆԱՏՕ-ի ղեկավարած«Վճռական աջակցություն» գործողության մասնակից պետությունների պաշտպանության նախարարների նիստին։
ՀՀ փաստաբանների պալատի նախագահ Արա Զոհրաբյանն այսօր լրագրողների հետ զրույցում ասաց, որ ՀՀ ոստիկանապետ Վլադիմիր Գասպարյանի դիմումի համաձայն Փաստաբանների պալատի նախագահը նշանակել է ծառայողական քննություն:
Insse ազգային վիճակագրական վարչության տվյալների համաձայն՝ Ֆրանսիայի պետական պարտքի ծավալը 2016 թվականի վերջի համախառն ներքին արդյունքի (ՀՆԱ) 96,3 տոկոսից 2017 թվականի առաջին եռամսյակում հասել է ՀՆԱ-ի 98,9 տոկոսին եւ կազմել պատմության մեջ ռեկորդային 2,21 տրիլիոն եվրո։
