Գրենլանդիայի ապագան պետք է որոշեն միայն Դանիան և Գրենլանդիայի ժողովուրդը. Ուրսուլա ֆոն դեր Լայեն
Եվրոպական հանձնաժողովի ղեկավար Ուրսուլա ֆոն դեր Լայենը հայտարարել է Եվրամիության լիակատար համերաշխությունը Դանիայի Թագավորությանը և Գրենլանդիայի ժողովրդին։
«Եվրոպական միությունը հայտնում է իր լիակատար համերաշխությունը Դանիայի Թագավորությանը և Գրենլանդիայի ժողովրդին։ Գրենլանդիայի ապագան պետք է որոշեն բացառապես Գրենլանդիայի ժողովուրդն ու Դանիան։ Տարածքային ամբողջականությունը, ինքնիշխանությունը և սահմանների անխախտելիությունը միջազգային իրավունքի հիմնարար սկզբունքներ են»,- նշել է նա՝ ընդգծելով, որ տարածքային ամբողջականությունը, ինքնիշխանությունը և սահմանների անխախտելիությունը միջազգային իրավունքի հիմնարար սկզբունքներ են, որոնք ենթակա չեն սակարկության։
