Ուժեղ քամին վտանգավոր չէր
Մայիսի 1-ին Հայաստանում գրանցված ուժեղ քամին գյուղատնտեսության համար վտանգավոր չէր: Նման գնահատական 168.am-ի հետ զրույցում հայտնեց Ագրարագյուղացիական միության նախագահ Հրաչ Բերբերյանը:
«Լուրջ բան չկա, մի քանի ճյուղ է կոտրել և վերջ: Մասսայական վնասներ չունենք»,- ասաց Բերբերյանը:
Ըստ նրա՝ եթե ուժեղ քամի գրանցվեր ծաղկման շրջանում և ծաղիկների 3/4-ը թափվեր, այդ դեպքում խնդիր կլիներ, բայց հիմա արդեն պտղակալումը հիմնականում ավարտված է և քամին վտանգավոր չէ:
