Քաղաքականություն

Իսրայելի արտաքին գործերի նախկին նախարար, «Մեր տունն Իսրայելն է» պահպանողական կուսակցության նախագահ Ավիգդոր Լիբերմանը նշանակվել է երկրի պաշտպանության նախարար, հայտնում է The New York Times-ը:

Թուրքիայի իշխող «Արդարություն եւ զարգացում» կուսակցության երիտասարդական թեւի 30-ամյա առաջնորդ Զաֆեր Չուբուքչուն նշանակվել է այդ երկրի նախագահ Ռեջեփ Թայիփ Էրդողանի 26-րդ խորհրդականի պաշտոնում: Այս մասին հայտնում են թուրքական ԶԼՄ-ները:

Կիևի «Բորիսպոլ» օդանավակայանում 22 տարվա ազատազրկման դատապարտված ուկրաինացի ռազմական օդաչու Նադեժդա Սավչենկոն շնորհակալություն է հայտնել նրանց, ովքեր նպաստել են իր ազատ արձակմանը, հայտնում է «Ինտերֆաքս-Ուկրաինան»:

Հ. Բագրատյանը կարծում է՝ միայն իրենց կառավարությունն է աշխատել՝ առանց կոռուպցիոն ռիսկերի: Դիտարկումից, թե՝ բազմիցս ասվում է, որ այս արատավոր համակարգը եկել է Ձեզանից, Ձեր ժամանակներից, Հ. Բագրատյանը բարկացավ. «Ո՞վ է ասում, սուտ են ասում, ո՞վ է եկել ինձանից, ո՞ր մեկի մոնոպոլիան»:

Ադրբեջանական APA գործակալությունը հայտնում է, որ ՌԴ նախագահ Վլադիմիր Պուտինը շնորհավորական ուղերձ է հղել Ադրբեջանի նախագահ Իլհամ Ալիևին՝ կապված Հանրապետության օրվա հետ:

ԱԷՄԳ-ի տեսուչները մինչ այժմ ՀՀ-ում անցկացրել են մոտ 200 տեսչական ստուգումներ, որոնց արդյունքում միջազգային պայմանագրերի պահանջների որևէ շեղում, խախտում չի արձանագրվել:

«Սահմանադրությունն ասում է, որ պետք է լինի կայուն մեծամասնություն: Ենթադրենք՝ կա A թիվը, որը կայուն մեծամասնություն է, կա նաև B թիվ, որն ընդդիմությունն է: Եթե A-ն կայուն է, ուրեմն B-ն էլ պետք է լինի կայուն: Սա Ընտրական օրենսգրքի ամենաֆունդամենտալ հարցերից է: Ասում ենք՝ եթե պետք է լինի կայուն փոքրամասնություն, ուրեմն՝ ասեք, թե դա որքան է: Իրենք ասում են՝ կայուն մեծամասնության մինիմալ թիվը ֆիքսենք, իսկ կայուն փոքրամասնության համար չֆիքսենք: Սա ֆռցնոցի է»,- հայտարարեց Հ. Բագրատյանը:

Ռուսաստանի Դաշնային խորհուրդն այսօր վավերացրել է Հայաստանի հետ համաձայնագրի արձանագրությունը, որն ամրագրում է Ռուսաստանից առանց մաքսատուրքերի մատակարարվող նավթամթերքի վերջնական ցուցակը, հայտնում է RIA Novosti-ն:

«Ինչպես նշվել էր Վիեննայի հանդիպման ընթացքում, բազմակողմ և առարկայական բանակցություններ սկսելու համար Ադրբեջանի արտգործնախարարը պատրաստ է մոտ ժամանակներս հանդիպել ԵԱՀԿ Մինսկի խմբի համանախագահների հետ»:

Ադրբեջանի Գերագույն դատարանն այսօր դատական նիստում քննել է լրագրող Խադիջա Իսմայիլովայի բողոքը՝ կապված իր դատավճռի հետ, հայտնում է APA գործակալությունը:

Վրաստանի, Թուրքիայի և Ադրբեջանի համատեղ զորավարժությունները կարող են անցկացվել Վրատանում 2017թ. ամռանը: Այս մասին RIA Novosti-ին հայտնել է Վրաստանի ԶՈւ գլխավոր շտաբի պետ Վախթանգ Կափանաձեն:

Գերմանիայի կանցլեր Անգելա Մերկելը կարծում է, որ միգրացիոն համաձայնագիրը ԵՄ-ի և Թուրքիայի միջև կիրագործվի, հայտնում է Frankfurter Allgemeine Zeitung-ը:

Ռուսաստանի Դաշնության խորհրդի միջազգային հարցերով կոմիտեի նախագահ Կոնստանտին Կոսաչևը «վատ քողարկված արտաքին քաղաքական ցինիզմ» է անվանել ԱՄՆ նախկին դեսպան Ջոն Հերբսթի այն հայտարարությունը, որի համաձայն՝ Մոսկվան ընտրության իրավունքից զրկում է Հայաստանին, Մոլդովային, Վրաստանին, Ուկրաինային, Բելառուսին ու Ադրբեջանին:

Ադրբեջանի նախագահի՝ հասարակական-քաղաքական հարցերով օգնական Ալի Հասանովը հայտարարել է, որ Բաքուն պատրաստ է նպաստել Ռուսաստանի և Թուրքիայի հարաբերությունների բարելավմանը: Այս մասին հայտնում է RIA Novosti-ն:

«Պիտի հասկանանք մի պարզ բան, որի մասին նաև շատ է խոսվում՝ չկա աշխարհում որևէ գերտերություն, որը մեզ նման փոքր երկրների հոգսերը լիովին կվերցնի իր ուսերի վրա, կապահովի անվտանգություն, տնտեսական բարեկեցություն և այլն: Այդպիսի երկիր չկա և տեսականորեն չի էլ կարող լինել: Այնպես որ, պետք է շատ հանգիստ վերաբերվել նրան, որ Ռուսաստանն իր շահերին համապատասխան է իրականացնում իր քաղաքականությունն այստեղ»:

Հարյուրավոր ընտանիքներ հապճեպ լքում են Սիրիայի Ռաքքա քաղաքը, որի վրա նախօրեին հարձակում են սկսել «Դեմոկրատական Սիրիայի ուժեր» ընդդիմադիր խմբավորման ջոկատները: Այս մասին հայտնում է Sky News Arabia հեռուստաալիքը:

Տիգրան Սարգսյանը նշել է, որ վերջին 10-15 տարում 15 տարում աշխարհում տեղի են ունեցել ﬕ շարք կարևոր փոփոխություններ, որոնք ազդել են մակրոտնտեսական վիճակի վրա:

Նախագահ Սերժ Սարգսյանին այսօր իր հավատարմագրերն է հանձնել Հայաստանի Հանրապետությունում Ավստրալիայի Միության նորանշանակ արտակարգ և լիազոր դեսպան Փիթեր Թեշը (նստավայրը՝ Մոսկվա):

Չեխիայի նախագահ Միլոշ Զեմանի կողմից Հայաստան կատարելիք այցի ընթացքում օրակարգային թեմաներից կլինի Լեռնային Ղարաբաղի հակամարտությունը: Այս մասին չեխական Czech News Agency-ին հայտնել է Զեմանի խոսնակ Յիրժի Օվցաչեկը:

Ուկրաինայի նախագահ Պյոտր Պորոշենկոյի ինքնաթիռը, որում գտնվում է Ռուսաստանում ազատազրկման դատապարտված ուկրաինացի օդաչու Նադեժդա Սավչենկոն, արդեն Դոնի Ռոստովից (ՌԴ) ուղևորվում է Ուկրաինա: Այս մասին հայտնում է ՈՒՆԻԱՆ-ը:

Միակողմանի պատժամիջոցների ճանապարհով Ռուսաստանի վրա ճնշում գործադրելու փորձերը չեն ստիպի Մոսկվային հրաժարվել ազգային շահերից: Այս մասին, ինչպես հայտնում է RIA Novosti-ն, հայտարարել է ՌԴ ԱԳՆ ղեկավար Սերգեյ Լավրովը:

Ներկայում աշխատանքներ են ընթանում նոր տարանցման երթուղու ստեղծման ուղղությամբ: Ինչպես հայտնում է Press TV-ն, այդ մասին հայտարարել է «Իրանի երկաթուղիների» պաշտոնական ներկայացուցիչ Հասան Աշուրին:

Քիչ առաջ Ազգային ժողովի արտահերթ նիստում ընդունված Ընտրական օրենսգրքի երրորդ ընթերցման ժամանակ ընդդիմադիրներ խմբակցություններից «Ժառանգության» պատգամավորներ Ռուբիկ Հակոբյանն ու Ալեքսանդր Արզումանյանը, նաև ՀԱԿ-ից` Լյուդմիլա Սարգսյանը կողմ են քվեարկել նախագծին:

Փարիզում 2015թ. նոյեմբերի 13-ին ահաբեկչությունների իրականացման գլխավոր կասկածյալ Սալահ Աբդեսլամը հարձակումներ էր ծրագրել Փարիզի Դեֆանս գործարար թաղամասում, Թուլուզի օդանավակայանի, Լիլի թանգարանի և Սեն-Նազեր քաղաքում, հայտնում է BFMTV հեռուստաալիքը:

ԱՄՆ Նյու Մեքսիկո նահանգում ցույցերը ԱՄՆ նախագահական քարոզարշավի մասնակից, հանրապետական Դոնալդ Թրամփի դեմ, վերաճել են ոստիկանների դեմ բախումների, հայտնում է BBC-ն:

Դ.Հարությունյանը նշեց, որ պատրաստ են մեկ անգամ ևս վերահաստատելու իրենց հայտարարությունը, որ եթե անգամ հունիսի 1-ից հետո հաջողվի գտնել այնպիսի մեխանիզմներ, որոնք ավելի կլավացնեն ԸՕ-ն, պատրաստ են հրավիրել արտահերթ նիստ և ներկայացնել առաջարկներ ԸՕ-ում փոփոխություններ կատարելու համար: Դ.Հարությունյանը հույս հայտնեց, որ անպատասխան չի մնա իրենց աշխատանքը:

Հունիսին Իրանի հետ ոչ պաշտոնական խորհրդատվություններ կսկսվեն ԵՏՄ երկրների հետ ազատ առևտրի ժամանակավոր համաձայնագրի վերաբերյալ: Այս մասին, ինչպես հայտնում է RIA Novosti-ն, հայտարարել է Եվրասիական տնտեսական հանձնաժողովի առևտրի նախարար Վերոնիկա Նիկիշինան:

Ադրբեջանական Minval.az կայքը տեղեկացնում է, որ Հոլանդիայի արտգործնախարարությունը դիմում է ստացել Ադրբեջանի խաղաղության և ժողովրդավարության ինստիտուտի տնօրեն Լեյլա Յունուսից ու նրա ամուսնուց՝ Արիֆ Յունուսից: Վերջիններս խնդրել են իրենց քաղաքական ապաստան տրամադրել:

Ամերիկացի ազդեցիկ սենատոր, հանրապետական Ջոն Մակքեյնը «Ամերիկայի ձայն» ռադիոկայանի ադրբեջանական ծառայությանը տված հարցազրույցում կոչ է արել Բաքվին ազատ արձակել լրագրող Խադիջա Իսմայիլովային՝ հակառակ դեպքում սպառնացել է Ադրբեջանի իշխանությունների դեմ միջոցներ ձեռնարկել, հայտնում է contact.az-ը:

Նավթի գնի գրեթե եռակի նվազումը վերջին մեկուկես տարում ադրբեջանական պետական SOCAR ընկերությանը ստիպել է անցկացնել ծախսերի օպտիմալացում ու վերակազմավորել ընկերության տարբեր ստորաբաժանումները: