Բաքու այցից առաջ Պուտինը Անվտանգության խորհրդի նիստ է հրավիրել
Ռուսաստանի նախագահ Վլադիմիր Պուտինը օպերատիվ խորհրդակցություն է անցկացրել Ռուսաստանի Անվտանգության խորհրդի (ԱԽ) մշտական անդամների հետ, հայտնում է Կրեմլի մամուլի ծառայությունը:
«Խորհրդակցությանը քննարկվել են երկրում սոցիալ-տնտեսական իրավիճակին վերաբերող հարցեր, ինչպես նաև նախագահի առաջիկա միջազգային հանդիպումները»,- հայտնել են մամուլի ծառայությունից:
Խորհրդակցությանը մասնակցել են ԱԽ քարտուղար Նիկոլայ Պատրուշևը, ՌԴ արտգործնախարար Սերգեյ Լավրովը, ՌԴ պաշտպանության նախարար Սերգեյ Շոյգուն, Անվտանգության դաշնային ծառայության տնօրեն Ալեքսանդր Բորտնիկովը:
