Ռուսաստանը, Իրանն ու Ադրբեջանը կհամագործակցեն բիզնեսի, զբոսաշրջության և մշակույթի ոլորտներում
Ռուսաստանը, Իրանն ու Ադրբեջանը պայմանավորվել են զարգացնել եռակողմ համագործակցությունը բիզնեսի, զբոսաշրջության և մշակույթի ոլորտներում, ասվում է հռչակագրի նախագծում, որը հայտնվել է RIA Novosti-ի տրամադրության տակ:
«Կողմերը կաշխատեն հավասար և փոխշահավետ համագործակցության համընդգրկուն զարգացման վրա, ինչպես նաև կուժեղացնեն ու կընդլայնեն քաղաքական երկխոսությունը տարբեր` փոխադարձ հետաքրքրություն ներկայացնող հարցերի մակարդակներում:
Կողմերը կշարունակեն զարգացնել զարգացնել մշակույթի, զբոսաշրջության և բիզնեսի ոլորտներում համագործակցության եռակողմ ձևաչափը, համագործակցությունը երիտասարդական փոխանակման ծրագրերի, խորհրդատվությունների և մաքսային հարցերի շուրջ, ինչպես նաև կխորացնեն կապերը երեք երկրների շրջանների և նահանգների միջև»,- ասվում է հռչակագրի նախագծում, որը պետք է այսօր հավանության արժանանա երեք երկրների նախագահների հանդիպման արդյունքներով:
