Հայաստանի Հանրապետությունը Եվրոպական միության հետ ձևավորել է չափազանց հստակ և դրական օրակարգ: «Արմենպրես»-ի հարցին ի պատասխան այս մասին նոյեմբերի 30-ին լրագրողների հետ զրույցում ասաց ՀՀ Արտաքին գործերի նախարար Զոհրաբ Մնացականյանը՝ անդրադառնալով Եվրոպայի խորհրդի ղեկավարի փոփոխությանը:
Հայաստանի Հանրապետության Արտաքին գործերի նախարար Զոհրաբ Մնացականյանը Լեռնային Ղարաբաղի հակամարտության խաղաղ կարգավորման բանակցային գործընթացում Արցախի ներկայացված չլինելը գործնական տեսանկյունից արդյունավետ չի համարում: Այս մասին նախարարն ասաց նոյեմբերի 30-ին, լրագրողների հետ զրույցում:
Երեկ՝ նոյեմբերի 29-ին, Արցախի Հանրապետության պաշտպանության նախարարությունը հայտարարություն տարածեց, որ Արցախի ՊԲ հյուսիս-արևելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, հրազենային վիրավորում է ստացել պայմանագրային զինծառայող, 1997թ. ծնված Ռաֆայել Վաղարշակի Ազիզյանը: Նրան տեղափոխել են հիվանդանոց, վիճակը գնահատվում է կայուն ծանր:
Բրազիլիայի Ռիո դե Ժանեյրո քաղաքում զինված տղամարդը բարերից մեկում 7 հոգու պատանդ է վերցրել:
Գվատեմալայի ափամերձ շրջանում 5.6 մագնիտուդ ուժգնությամբ երկրաշարժ է տեղի ունեցել:
Հայաստանի Հանրապետության արտաքին գործերի նախարարությունը հայտարարություն է տարածել ԼՂ շփման գծում տեղի ունեցած միջադեպի վերաբերյալ:
Ամերիկացի հայտնի ժայռամագլցորդ 31-ամյա Բրեդ Գոբրայթը զոհվել է Մեքսիկայի Նուեվո Լեոնի նահանգի Էլ Պոտրերո Չիկո ազգային բնայգում վայր իջնելիս:
Էրզրումի Ազիզիյե շրջանի Գեզքյոյ թաղամասում գտնվող հայկական Սբ. Մինաս եկեղեցու մոտ Ազիզիյեի համայնքապետարանը շինարարական աղբ է կուտակում:
Airbus ընկերությունը ծրագրում է ստեղծել աշխարհում առաջին հիբրիդային մարդատար ինքնաթիռը:
ԱՄՆ-ում միաժամանակ հղիացել են Քոնեքթիքութի նահանգի Նյու Լոնդոն քաղաքի հիվանդանոցի ծննդաբերության բաժանմունքի ութ աշխատակցուհիներ, ինչի մասին հայտնել է WTNH հեռուստակայանը։
Սիցիլիայի Բիվոնայի կոմունայի իշխանությունները գործարկել են անշարժ գույքի սպառավաճառքի ծրագիրը, որի շրջանակներում մունցիպալիտետում կարելի կլինի տուն ձեռք բերել 1 եվրոյով: Այդ մասին գրում է he Sun-ը:
Ռուսաստանի նման բազմազգ երկրի համար չկա ավելի կարևոր խնդիր, քան ազգամիջյան հարաբերությունները:
Ֆրանսիայի նախագահական պալատը հայտարարել է, որ Փարիզում Թուրքիայի դեսպանը կանչվելու է Ֆրանսիայի արտաքին գործերի նախարարություն՝ բացատրություններ տալու Թուրքիայի նախագահ Ռեջեբ Թայիբ Էրդողանի հայտարարությունների համար, ով ուրբաթ իր ելույթում նշել էր Ֆրանսիայի նախագահ Էմանուել Մակրոնի «ուղեղի մահվան մասին»:
Ապրիլին տեղի ունեցած հրդեհից հետո Փարիզի Աստավածամոր տաճարի վերականգնման աշխատանքների սկիզբն սպասվում է 2020 թվականի վերջից ոչ շուտ՝ շինարարների համար շենքի ընդհանուր անվտանգության ապահովման անհրաժեշտության պատճառով:
Վրաստանում նավթի արդյունահանման բաց միջազգային հայտամրցույթ է հայտարարված Սագարեջոյի (Կախեթի տարածաշրջան) եւ Գարդաբանի (Քվեմո Քարթլիի տարածաշրջան) շրջաններում: Նավթի ու գազի ազգային գործակալության տեղեկատվության համաձայն՝ խոսքը վերաբերում է 194,5 քառակուսի կիլոմետր տարածքի։
Պոլսահայ պատգամավոր Կարո Փայլանը Հայաստանի վարչապետ Նիկոլ Փաշինյանի հայտարարության վերաբերյալ հարց էր ուղղել Թուրքիայի արտգործնախարար Մևլութ Չավուշօղլուին:
Իրաքի վարչապետ Ադել Աբդել Մահդին նոյեմբերի 29-ին հայտարարել է, որ մտադիր է հրաժարական տալ երկրում շարունակվող բողոքի ակցիաների ֆոնին։
Ադրբեջանի արտաքին գործերի նախարարությունը նոյեմբերի 29-ին հայտարարել է, որ երկիրը պատրաստ է ռուսական զենք գնել, տեղեկացնում է ՌԻԱ Նովոստիին:
Ղրղզստանի նախկին նախագահ Ալմազբեկ Աթամբաեւը դատական նիստում հրաժարվել է պատասխանել դատարանի հարցերին ի նշան բողոքի դատարանի, հետաքննության եւ դատախազության կամայականության դեմ:
Վրաստանի իշխանությունների եւ ընդդիմության ներկայացուցիչները բանակցություններ կվարեն դիվանագետների մասնակցությամբ եւ կքննարկեն նաեւ խորհրդարանական ընտրությունների «գերմանական մոդելին» անցնելու հնարավորությունը:
Մի քանի տասնյակ Էկոակտիվիստներ նոյեմբերի 29-ին մի քանի ժամ արգելափակել էին Amazon ինտերնետ-առեւտրի ընկերության ֆրանսիական բաժանմունքի կենտրոնակայանը: Ինչպես հայտնել է Europe 1 ռադիոկայանը, բողոքը կապված էր «Սեւ ուրբաթի»՝ նվազեցված գներով ապրանքների սպառավաճառքների խոշորագույն օրվա հետ։
Եվրախորհրդի ղեկավար Դոնալդ Տուսկը նոյեմբերի 29-ին կայացած կարճատեւ արարողության ընթացքում Եվրամիության հիմնական քաղաքական մարմնի ղեկավարի լիազորությունները, որտեղ ներկայացված են միության երկրների ղեկավարները, հանձնեց իրեն փոխարինողին՝ Բելգիայի դաշնային կառավարության նախկին վարչապետ Շառլ Միշելին:
Ադրբեջանի Միլի մեջլիսը (խորհրդարանը) դեկտեմբերի 2-ին կքննարկի օրենսդիր մարմնի ինքնարձակման վերաբերյալ «Նոր Ադրբեջան» կառավարող կուսակցության նախաձեռնությունը, հայտարարել է խորհրդարանի խոսնակ Օքթայ Ասադովը:
Ալբանիայի վարչապետի ապագա հարսը զոհվել է լույս նոյեմբերի 26-ի գիշերը տեղի ունեցած 6,4 մագնիտուդով երկրաշարժի հետեւանքով, որի զոհ է դարձել, ըստ վերջին տվյալների, 48 մարդ: Այդ մասին, հայտնել է Daily Mail թերթը՝ վկայակոչելով կառավարության ղեկավարի որդուն:
«Թալիբան» շարժումը հավաստել է ԱՄՆ-ի հետ խաղաղ բաննակցություններ սկսելու պատրաստակամությունը, ինչի մասին ավելի վաղ Աֆղանստան կատարած այցի ժամանակ տեղեկացրել է ԱՄՆ-ի նախագահ Դոնալդ Թրամփը:
196 երկրների ներկայացուցիչներ, այդ թվում՝ պետությունների ու կառավարությունների 50 ղեկավարներ կմասնակցեն կլիմայի փոփոխությանը նվիրված COP25 խորհրդաժողովին, որը Մադրիդում կանցկացվի դեկտեմբերի 2-ից մինչեւ 13-ը:
Թբիլիսիում նոյեմբերի 29-ի առավոտյան խորհրդարանի մոտ վերսկսվել է ընդդիմության բողոքի ակցիան համամասնական համակարգով արտահերթ խորհրդարանական ընտրություններ անցկացնելու պահանջով:
Թուրքիայի նախագահ Թայիփ Էրդողանը պլանավորում է Մեծ Բրիտանիայի, Ֆրանսիայի եւ Գերմանիայի («եվրաեռյակի») հետ համաձայնության գալ Անկարային միջոցների հատկացման շուրջ իր սիրիական քաղաքականությունն իրագործելու, այդ թվում՝ փախստականներին Սիրիա վերադարձնելու համար:
Ռուսաստանը հետեւում է ՆԱՏՕ-ի եւ ԱՄՆ-ի ակտիվությանը Վրաստանում: Այդ մասին ՌԻԱ Նովոստիին ասել է ռուս սենատոր Գրիգորի Կարասինը՝ ՌԴ-ի հետ հարաբերությունների կագավորման խնդրով Վրաստանի վարչապետի հատուկ ներկայացուցիչ Զուրաբ Աբաշիձեի հետ հանդիպումից հետո:
Իրաքում վերջին 24 ժամվա ընթացքում ոստիկանության հետ բախումների հետեւանքով զոհվածների թիվը հասել Է 45-ի, ինչի մասին հայտնել Է «Ալ Արաբիա» հեռուստաալիքը՝ վկայակոչելով աղբյուրներ, տեղեկացնում Է «Արմենպրես»-ը: Ավելի վաղ հաղորդվել Էր 32 զոհվածի մասին:
Անկարգությունների նոր ալիքն Իրաքում սկսվել Է նոյեմբերի 28-ի առավոտյան երկրի հարավի Նաջաֆ քաղաքում Իրանի գլխավոր հյուպատոսարանի հրկիզմամբ: Այստեղ, ըստ վերջին տվյալների, զոհվել Է արդեն 12 ցուցարար: Դի Քարի նահանգի Նասիրիա քաղաքում, հեռուստաալիքի տվյալներով, զոհվել Է առնվազն 25 մարդ: Ցուցարարները փորձում Էին արգելափակել կամուրջը, իսկ հետո հավաքվել են ոստիկանության վարչության շենքի մոտ: Նաեւ հաղորդվել Է երկրի մայրաքաղաք Բաղդադում զոհվածների մասին:
Իրաքում ցուցարարները հոկտեմբերի սկզբից ծայր առած բողոքների ընթացքում պահանջում են կառավարության հրաժարականը, պայքար կոռուպցիայի, գործազրկության դեմ, կենսապայմանների բարելավում: Զանգվածային լրատվամիջոցները հայտարարել են, որ բողոքի ակցիներին ուղեկցող ընդհարումների եւ անկարգություների հետեւանքով զոհվել Է ավելի քան 300 մարդ, տուժել Է շուրջ 15 հազար բնակիչ, հաղորդել Է ՌԻԱ Նովոստին:
