Միջազգային

Ֆրանսիայի էներգետիկայի կարգավորման հանձնաժողովի (CRE) նախագահ Ժան Ֆրանսուա Կարենկոն ֆրանսիացիներին հորդորում է տնտեսել էլեկտրաէներգիան եւ գազը հաջորդ ձմռանը մատակարարումների հետ կապված խափանումների ռիսկի առնչությամբ, ասել է Կարենկոն Echos հրատարակությանը տված հարցազրույցում:

Ռուսաստանը կդիմանա իր նկատմամբ սահմանված պատժամիջոցներին, իսկ հակառուսական սահմանափակումները մեծ հարված են հասցնում այն երկրների տնտեսություններին, որոնք Մոսկվայի դեմ պատժամիջոցներ են սահմանել, և պարզ չէ, թե ով առավել կտուժի:

Գնահատելով Ադրբեջանի ագրեսիվ գործողություններին ԱՄՆ կողմից տրված գնահատականը՝ նախարար Միրզոյանն ընդգծել է գործուն քայլերի իրականացման անհրաժեշտությունն իրավիճակի դեէսկալացիայի ուղղությամբ, կարևորել միջազգային հանրության կողմից խնդրի հետևողական հասցեագրումը։

Պատերազմից հետո անցել է 1.5 տարի, և երբեմն մասնագիտական շրջանակները քննարկում են չկայացած օպերացիաների և չկիրառված հարվածների հնարավոր ազդեցությունը պատերազմի ելքի վրա:

Հյուսիսային Մակեդոնիայի արտաքին գործերի նախարարությունը հայտնել է հինգ ռուս դիվանագետի՝ պերսոնա նոն գրատա հայտարարելու մասին: Նրանց տրվել է հինգ օր երկիրը լքելու համար:

Աֆղանստանում կառավորող «Թալիբան» շարժումը նախարարությունների մի շարք աշխատակիցների արգելել է աշխատավայրում հայտնվել մորուք չունենալու պատճառով: Այս մասին ՌԻԱ Նովոստիին հայտնել են աղբյուրները:

Վերջին օրերի իրադարձությունները, մասնավորապես՝ Ադրբեջանի սանձարձակ գործողություններն ու առանց կրակոցի Արցախում նոր տարածքներ զբաղեցնելու տակտիկան, ինչպես նաև Արցախում տեղակայված ռուս խաղաղապահ ջոկատի առաջին կարևոր տապալված փորձությունը կարող է այս փուլում ճակատագրական դառնալ Արցախի ապագայի համար։

Հանդիպման ընթացքում Արարատ Միրզոյանը և Սերգեյ Կոպիրկինը քննարկել են Ռուսաստանի Դաշնության խաղաղապահ զորախմբի պատասխանատվության գոտում՝ Լեռնային Ղարաբաղի Փառուխ գյուղի հատվածում, մարտի 24-ին մեկնարկած ադրբեջանական զինված ուժերի ներխուժման հետևանքով ստեղծված իրավիճակը։

Ադրբեջանը վերջին օրերին չի դադարում զարմացնել, ցավոք, տհաճորեն. Սկզբում այն խարխլում է փխրուն խաղաղությունը հետպատերազմյան Անդրկովկասում՝ միտումնավոր կերպով խախտելով 2020թ.աշնանը քաղաքական ամենաբարձր մակարդակով ձեռք բերված պայմանավորվածությունները։

ՀՀ ԱԳ նախարար Արարատ Միրզոյանը մարտի 28-ին ընդունել է ԵԱՀԿ Մինսկի խմբի ՌԴ համանախագահ Իգոր Խովաևին: Ինչպես հայտնում են ՀՀ ԱԳՆ-ից, կողմերը քննարկել են Լեռնային Ղարաբաղի շփման գծի խախտման և Ռուսաստանի Դաշնության խաղաղապահ զորախմբի պատասխանատվության գոտում՝ Փառուխ գյուղի հատվածում, մարտի 24-ին մեկնարկած ադրբեջանական ներխուժման հետևանքով ստեղծված իրավիճակը։

Թուրքիայի պաշտպանության նախարար, բանակի գեներալ Հուլուսի Աքարը CNN TÜRK-ի հետ զրույցում հայտնել է, որ F-16 կործանիչների հարցով իրենք Անկարայում ԱՄՆի ռազմական կցորդի միջոցով դիմել են Վաշինգտոնին։ Խոսել են ամերիկացի գործընկերների հետ, որից հետո ամերիկյան կողմը 2 անգամ պատվիրակություն է գործուղել Թուրքիա։ Տեղի են ունեցել մի շարք քննարկումներ պատվիրակությունների ձևաչափով, որոնք, ըստ Հուլուսի Աքարի, անցել են բավականին դրական և կառուցողական մթնոլորտում։

«Թուրքիայում հեռարձակվող ադրբեջանական «Haber Global» հեռուստաընկերությունը, հղում կատարելով Թուրքիայի հետախուզության անհայտ աղբյուրների, հրապարակել է մի նյութ, որում պնդում է, թե Հայաստանը Ռուսաստանին է փոխանցել չորս ՍՈՒ-30 ինքնաթիռ՝ Ուկրաինայի դեմ մարտական գործողությունների ընթացքում կիրառելու նպատակով։

Գերմանիայի էներգետիկայի նախարար Պետեր Ալտմայերը հայտարարել է, որ «յոթնյակի» երկրները հրաժարվում են էներգապաշարների դիմաց վճարել ռուբլով: Այդ մասին, հաղորդել է «Ասոշիեյթեդ պրես» գործակալությունը:

Իսրայելի հետ համաձայնություններն արաբական երկրների հանդեպ մեծ հնարավորություններ են բացում տարածաշրջանում հանուն ուրիշ ապագայի կառուցման: Մարտի 28-ին «Նեգեւի գագաթնաժողովում» այդ մասին հայտարարել է Արաբական Միացյալ Էմիրությունների (ԱՄԷ) ԱԳ նախարարության ղեկավար շեյխ Աբդալլա բեն Զայիդ Ալ Նահայանը։

Թուրքիայի արտգործնախարար Մևլութ Չավուշօղլուն հեռախոսազրույց է անցկացրել Ուկրաինայի արտգործնախարար Դմիտրո Կուլեբայի հետ:

Հարավային Կորեայի առեւտրի, արդյունաբերության եւ էներգետիկայի նախարարությունը սահմանափակել է 57 ոչ ռազմավարական ապրանքների ու տեխնոլոգիաների արտահանումը Ռուսաստան եւ Բելառուս:

Մեքսիկայի Միչոականի նահանգում առնվազն 19 մարդ է զոհվել զինված հարձակման հետեւանքով: Մարտի 28-ին այդ մասին հայտնել է El Universal թերթը՝ վկայակոչելով նահանգի գլխավոր դատախազությունը:

Թբիլիսիի գազալցակայանում տեղի ունեցած պայթյունի հետեւանքով տուժած երկու տղամարդկանց վիճակը մնում է ծանր։

«Մենք չենք դադարում գործել. Օրը 24 ժամ աշխատում ենք: Երեկ երեկոյան մեծ հրթիռակոծություններ են եղել՝ ինչպես Լվովում, այնպես էլ՝ Ռովնոյի մարզում, Կիևում, Խարկովում,- 168.am-ի հետ զրույցում նշեց Ուկրաինայի հայերի միության փոխնախագահ Դավիթ Մկրտչյանը՝ անդրադառնալով երեկ տեղի ունեցած հրթիռակոծությունների հետևանքներին, ապա մանրամասնեց,- Փառք Աստծո, երեկոյան էլ ենք խոսել, առավոտն էլ ենք կապվել։ Այն քաղաքներում, որտեղ եղել են հրթիռակոծությունները, հայեր չեն տուժել։

 Ռուսաստանի եւ Ուկրաինայի պատվիրակությունների բանակցությունները հազիվ թե սկսվեն երկուշաբթի օրը՝ մարտի 28-ին, սպասվում է որ դրանք կմեկնարկեն մարտի 29-ին:

Ռուսաստանի Դաշնությունը անհրաժեշտ է համարում, որպեսզի բոլոր կողմերը պահպանեն Լեռնային Ղարաբաղի վերաբերյալ ավելի վաղ ձեռք բերված պայմանավորվածությունները, իսկ տարածաշրջանում լարվածության աճի ֆոնին խաղաղապահների լրացուցիչ զորակազմ ուղարկելու հնարավորության մասին հարցը հարկավոր է ուղղել Ռուսաստանի Պաշտպանության նախարարությանը:

«Փրկարար Դեմիդով» վթարա-փրկարարական նավը քարշակում է «Օմսկիյ 205» չորաբեռնատար նավը, որը աղետի ազդանշան էր տվել Սեւ ծովի ջրատարածքում, ղրիմյան Կերչից ոչ հեռու: Այդ մասին մարտի 28-ին «Ինտերֆաքս»-ին հաղորդել են «Ռոսմորրեչֆլոտ»-ի մամուլի ծառայությունում:

Ադրբեջանի պաշտպանության նախարար Զաքիր Հասանովը հրամանատարների և շտաբի պետերի հետ հանդիպմանը հանձնարարել է ցանկացած պահի պատրաստ լինել օգտագործել ժամանակակից սպառազինությունը, տեխնիկան և այլ զինատեսակները։ «ԱՊԱ» գործակալության հաղորդմամբ՝ այս մասին ասվել է Ադրբեջանի պաշտպանության նախարարությունում տեղի ունեցած խորհրդակցության ժամանակ։

Գերմանիան անհրաժեշտ է համարում իր հակահրթիռային պաշտպանության ամրապնդումը ՀՕՊ համակարգերի ձեռքբերման եւ տեղակայման հաշվին:

Ուկրաինայից եւ Դոնբասից Ռուսաստանի տարածք ժամանած քաղաքացիների թվաքանակը մարտի 28-ի առավոտվա դրությամբ գերազանցել է 472 հազարը: Այդ մասին ՏԱՍՍ-ին հայտնել են ուժային կառույցներում։

 ԿԺԴՀ-ի ղեկավար Կիմ Չեն Ընը հայտարարել է, որ Հյուսիսային Կորեան կշարունակի զարգացնել հարձակողական սպառազինությունները:

Արդեն երկրորդ ահաբեկչական գործողությունից հետո, որ վերջին օրերին Իսրայելում իրականացրել են «Իսլամական պետություն» (ԻՊ) խմբավորման ահաբեկիչները, հրեական պետության անվտանգության ծառայությունները պետք է արագորեն ադապտացվեն այդ նոր սպառնալիքին:

Մարտի 28-ին Հնդկաստանում համազգային երկօրյա գործադուլ է սկսվել մի շարաք խոշոր արհմիութենական միավոումների կոչով: Ինչպես լրագրողներին հայտնել է Արհմիությունների համահնդկական կոնգրեսի գլխավոր քարտուղար Ամարջիթ Քաուրը, ակցիային կարող է մասնակցել շուրջ 200 միլիոն մարդ։

Բրիտանական Northumberland եւ Richmond ֆրեգատները ռազմական տեխնիկա եւ հանդերձանք են փոխադրել Էստոնիա, որտեղ բանակված է ՆԱՏՕ-ի բազմազգ գումարտակը՝ Միացյալ Թագավորության հրամանատարությամբ:

84 տարեկանում մահացել է Ադրբեջանի առաջին նախագահ Այազ Մութալիբովը։ Այս մասին Azeri Daily-ին հայտնել է նախկին նախագահի որդին՝ Զաուր Մութալիբովը։