Մոսկվայի մարզից ավելի քան 33 հազար միգրանտ է արտաքսվել
Մոսկվայի մարզում իրականացված ստուգումների արդյունքում 2026 թվականի առաջին կիսամյակում օտարերկրացիների վտարման և արտաքսման մասին ավելի քան 33 հազար որոշում է կայացվել։ Այս մասին հայտնում է ՌԴ ՆԳՆ մարզային վարչության մամուլի ծառայությունը։
«Միգրանտների բնակության և աշխատանքային գործունեության վայրերում անցկացվել է 39 հազար ստուգում, որի արդյունքում ընդունվել է վտարման ու արտաքսման 33,5 հազար և մուտքը մերժելու 49 հազար որոշում։ Կեղծ հաշվառումից հանվել է ավելի քան 2 հազար օտարերկրացի, 11 հազար մարդու ժամանակավոր կացության ժամկետը կրճատվել է»,-ասված է հաղորդագրության մեջ։
Ըստ գերատեսչության` 88 անձի նկատմամբ կայացվել է Ռուսաստանի քաղաքացիությունը դադարեցնելու որոշում, չեղյալ են հայտարարվել 150 միգրանտների ժամանակավոր կացության, ինչպես նաև 2,6 հազար օտարերկրացիների կացության թույլտվությունները:
