Աշխարհ

Նոր կորոնավիրուս է հայտնաբերվել Ֆրանսիայի Ազգային ժողովում «Հանրապետականներ» կուսակցության պատգամավորներից մեկի մոտ, համանման ախտորոշում է տրվել խորհրդարանի ստորին պալատի վարչական աշխատողներից մեկին:

Չինաստանում անցած 24 ժամվա ընթացքում Covid-19 կորոնավիրուսով վարակվելու հետեւանքով մահացել է 31 մարդ, հայտնաբերվել է 143 նոր հիվանդացած:

 Չինաստանի կառավարությունը բնակչությանը պաշտոնապես թույլատրել է ուտել դիետիկ գորտեր եւ որոշ տեսակների կրիաներ, չնայած նոր կորոնավիրուսի տարածման պատճառով սննդի մեջ վայրի կենդանիների մսի գործածման համազգային արգելքին:

007 գործակալ Ջեյմս Բոնդի մասին կինոսագայի 25-րդ ֆիլմի պրեմիերան ապրիլ ամսից նոյեմբեր է հետաձգվել կորոնավիրուսի սպառնալիքի պատճառով:

Իտալիայի կառավարությունը նոր միջոցներ է պատրաստում կորոնավիրուսի տարածումը կանխելու համար: Ինչպես գրում է Corriere della Sera թերթը, նոր կանոնների թվում են՝ մարդկանց միջեւ առնվազն մեկ մետր հեռավորությունը հասարակական վայրերում, տարածության վրա ողջույններն առանց ձեռքսեղմման եւ համբույրներով գրկախառնությունների, ինչպես նաեւ գլխավորապես բժշկական թեմաներով բոլոր կոնգրեսների եւ խորհրդաժողովների չեղարկումը:

Եվրոպայի վեց երկրներ հիմնել են Եվրամիության Արագ հակազդման կիբեռնետիկական ուժեր՝ Լիտվայի գլխավորությամբ:

Ինդոնեզիայի իշխանությունները մտադիր են հիվանդանոց եւ կարանտինային կենտրոն տեղավորել անմարդաբնակ կղզիներից մեկում կորոնավիրուսով ախտահարվածների համար:

United Airlines ամերիկյան ավիաընկերությունն ապրիլից կկրճատի չվերթների թիվը, կդադարեցնի նոր աշխատակիցների ընդունումը, իսկ գործող աշխատողներին խնդրում է կամավոր չվճարվող արձակուրդ գնալ կորոնավիրուսի պատճառով թռիչքների պահանջարկի կրճատման ֆոնին։

Սիրիայի Իդլիբի շրջանում կեսգիշերից սկսվող զինադադարով ավարտվեց Պուտինի և Էրդողանի շուրջ 6 ժամ տևած հանդիպումը։ Հանդիպմանը հաջորդեց լրատվամիջոցների հետ հանդիպումը, որի ընթացքում կողմերը հանդես եկան հայտարարությամբ ու ներկայացրին երկրու երկրների միջև կնքված նախկինում ստորագրված համաձայնագրերին կցվող հավելյալ հուշագիրը:

Օդային տրանսպորտի միջազգային ասոցիացիան (IATA) կանխատեսում է, որ 2020 թվականին ավիափոխադրողները կարող են 63-113 մլրդ դոլարի չափով վնաս կրել պահանջարկի անկման պատճառով՝ կապված նոր կորոնավիրուսի բռնկման հետ:

Սիրիայի կառավարական բանակը Դադիխ բնակավայրում, որը գտնվում է Իդլիբ նահանգի М5 մայրուղու վրա, հետ է մղում ահաբեկիչների հարձակումները:

Ռուսաստանի Դաշնության և Թուրքիայի նախագահների՝ Վլադիմիր Պուտինի և Ռեջեփ Թայիփ Էրդողանի բանակցությունները շարունակվում են արդեն 5 ժամ:

Flybe բրիտանական ավիաընկերությունը՝ Եվրոպայի խոշորագույն տարածաշրջանային ավիափոխադրողը, արտաքին կառավարման ներքո է անցել մարտի 5-ից` նրան 100 մլն ֆունտ վարկ հատկացնելու կառավարության հրաժարումից հետո:

«Թուրքիայի ԱԳ նախարարը պատահական չի հանդիպում ԵԱՀԿ ՄԽ համանախագահների հետ»,- այս մասին մեզ հետ զրույցում ասաց բրիտանացի քաղաքական վերլուծաբան Նեյլ Մաքֆարլեյնը՝ անդրադառնալով մերձավորարևելյան զարգացումներին և դրանց անդրադարձին ԼՂ հակամարտության կարգավորման գործընթացում տիրող իրավիճակի վրա։

Դելիի իշխանությունները հանձնարարել են փակել տարրական դպրոցները եւ անջատել կազմակերպությունների կենսաչափական համակարգերը կորոնավիրուսի հնարավոր տարածման պատճառով:

Փարիզի քաղաքապետի ընտրություններում որպես թեկնածու առաջադրված Ռաշիդա Դաթին սերտ կապեր ունի Ադրբեջանի իշխանությունների հետ:

 Մարտի 5-ին Հարավաֆրիկյան Հանրապետությունում հաստատվել է նոր տիպի կորոնավիրուսով վարակման առաջին դեպքը: Այդ մասին լրագրողներին հայտնել է ՀԱՀ-ի առողջապահության նախարար Զվելինի Մկիձեն։

Եվրամիությունն ուշադիր հետեւում է Ատոմային էներգիայի միջազգային գործակալության (ՄԱԳԱՏԷ) հետ Իրանի համագործակցության շուրջ իրադրության զարգացմանը եւ կոչ է անում Թեհրանին՝ ավելի սերտորեն փոխգործակցել ՄԱԳԱՏԷ-ի հետ եւ նրան տրամադրել անհրաժեշտ պարզաբանումներ:

Բժիշկները նոր կորոնավիրուսով վարակման առաջին երեք դեպքն են հայտնաբերել ֆրանսիական Կորսիկա կղզում:

Արաբական Միացյալ Էմիրությունների նախագահ շեյխ Խալիֆա բեն Զայեդ ալ Նահայանի ցուցումով Աբու Դաբիի գահաժառանգ արքայազն, ԱՄԷ-ի զինված ուժերի գերագույն գլխավոր հրամանատարի տեղակալ շեյխ Մուհամեդ բեն Զայեդ ալ Նահայանը կարգադրել է Չինաստանի Հուբեյի նահանգից՝ COVID-19 կորոնավիրուսի տարածման էպիկենտրոնից, եղբայրական ու բարեկամ մի շարք երկրների քաղաքացիներին տարհանել Աբու Դաբիի «Հումանիտար քաղաք»։

Առնվազն 21 մարդ է տուժել այն բանից հետո, երբ Ստրասբուրգ-Փարիզ գնացքը դուրս է ընկել ռելսերից:

Մեքսիկայի Քաղաքացիական պատշպանության ազգային ծառայությունը հայտնել է Պուեբլայի նահանգում մարտի լույս 5-ի գիշերը տեղի ունեցած երկաթուղային վթարի մասին, որի հետեւանքով ռելսերից դուրս է ընկել երկու վագուն՝ թունավոր նյութերով, շրջանում տարահանում է հայտարարված։

ԿԺԴՀ-ի ղեկավար Կիմ Չեն Ունը ուղերձ է հղել Կորեայի Հանրապետության նախագահ Մուն Չժե Ինին, որում աջակցություն է հայտնել երկրում նոր տիպի կորոնավիրուսի դեմ պայքարում գործադրվող ջանքերին:

Կորոնավիրուսի բռնկումը մարդկանց հարկադրում է փոխել սովորությունները, ձեռնպահ մնալ համբույրներից եւ ձեռքսեղմումներից եւ ողջունի այլ ձեւեր օգտագործել հանդիպումների ժամանակ:

Կորոնավիրուսով վարակման նոր դեպք է հաստատվել Իտալիայի քաղաքացու մոտ, որն Ռուսաստան է ժամանել փետրվարի 29-ին:

Ռուս-սիրիական ճնշումները Թուրքիայի նկատմամբ սիրիական Իդլիբի շուրջ մղեցին Թուրքիայի նախագահ Ռեջեփ Թայիբ Էրդողանին բանակցություններ սկսել Ռուսաստանի նախագահ Վլադիմիր Պուտինի հետ։ Թուրքիայի նախագահը մարտի 5-ին կմեկնի Մոսկվա՝ հանդիպելու ՌԴ նախագահ Վլադիմիր Պուտինի հետ։ Ինչպես հաղորդում են ռուսական առաջատար լրատվամիջոցները, տեղեկությունը հաստատել է ՌԴ նախագահի մամուլի խոսնակ Դմիտրի Պեսկովը։ «Էրդողանը Մոսկվայում կլինի մարտի 5-ին, որտեղ նախատեսված են բանակցություններ մեր նախագահի հետ»,- ասել է Պեսկովը։ Ավելի վաղ տեղեկությունը հաստատել էր նաև Թուրքիայի նախագահի աշխատակազմը։

Նոր տիպի կորոնավիրուսով վարակման առաջին դեպքն է հայտնաբերվել Սերբիայի Հանրապետությունում, որը մտնում է Բոսնիայի եւ Հերցեգովինայի կազմի մեջ:

Ճապոնիայի «Էնջես»(AnGes) դեղագործական ընկերությունը հայտարարել է Օսակա քաղաքի համալսարանի հետ COVID-19 նոր կորոնավիրուսի դեմ ԴՆԹ-պատվաստանյութի համատեղ մշակման մասին։

Արաբական Միացյալ Էմիրությունների (ԱՄԷ) առողջապահության եւ հիվանդությունների կանխարգելման նախարարությունը կոչ է արել Էմիրահպատակներին եւ երկրում ապրող օտարերկրացի մշտաբնակներին՝ ձեռնպահ մնալ արտասահման մեկնելուց նոր տիպի կորոնավիրուսի տարածման կապակցությամբ:

Գերմանիայի Lufthansa ավիաընկերությունը, ինչպես նաեւ նրան պատկանող Austrian Airlines-ը, SWISS-ը եւ Brussels Airlines-ը, շահագործումից 150 ինքնաթիռ կհանեն նոր տիպի կորոնավիրուսի բռնկման պատճառով: Մարտի 4-ի երեկոյան այդ մասին հայտնել է Reuters գործակալությունը՝ վկայակոչելով ավիաընկերության ներկայացուցչին։