Վարշավայի և Կիևի քաղաքական գործիչների միջև հակամարտությունը ռազմավարական սխալ է. Տուսկ
Լեհաստանի վարչապետ Դոնալդ Տուսկը հայտարարել է, որ Վարշավայի և Կիևի քաղաքական գործիչների միջև հակամարտությունը ռազմավարական սխալ է։
Նրա խոսքով՝ երկրները ռիսկի են դիմում կորցնելու գործարար և քաղաքական հարաբերությունները, ինչպես նաև իրենց հեղինակությունը։
«Քաղաքականության մեջ, ինչպես գիտենք, սխալը հանցագործությունից վատ է», – գրել է նա սոցիալական ցանցերում։
Հիշեցնենք, որ Կիևի և Վարշավայի միջև հակամարտությունը ծագել է այն բանից հետո, երբ Լեհաստանի նախագահ Կարոլ Նավրոցկին Վլադիմիր Զելենսկիին զրկել է երկրի բարձրագույն պարգևից՝ Սպիտակ արծվի շքանշանից։ Դրանից հետո Ուկրաինայի նախագահի աշխատակազմի ղեկավար Կիրիլո Բուդանովը հրաժարվել է Լեհաստանի համար իր վաստակի շքանշանից՝ զրկումը անվանելով «ժողովրդի նկատմամբ անբարյացակամ գործողություն»։
Ավելի վաղ Ուկրաինայի երեք նախկին նախագահներ Վիկտոր Յուշչենկոն, Պետրո Պորոշենկոն և Լեոնիդ Կուչման հրաժարվել են լեհական պետական պարգևներից։
