ԵԱՏՄ-ն կարող է միանալ G20-ին՝ Աֆրիկյան միության օրինակով. Լավրով
Եվրասիական տնտեսական միությունը կարող է միանալ G20-ին՝ Աֆրիկյան միության օրինակով, որպես կարևոր տարածաշրջանային միավորում, հնարավոր է համարել ՌԴ արտգործնախարար Սերգեյ Լավրովը G20-ի գագաթնաժողովին հաջորդած մամուլի ասուլիսում, տեղեկացնում է ՏԱՍՍ-ը։
Լավրովը հիշեցրել է Աֆրիկյան միության անդամակցությունը G20-ին, և այդ գործընթացը, ըստ նրա, «արտացոլում է միտումների առկայությունը»․ մտքեր են արտահայտվում, որ G20-ին կարող են միանալ նաև Արաբական պետությունների լիգան և Լատինական Ամերիկայի և Կարիբյան ավազանի երկրների միությունը։ «Միգուցե ինչ-որ փուլում Եվրասիական տնտեսական միությունը դիտարկվի որպես այդպիսի տարածաշրջանային կառուցվածքային մասնակիցներից մեկը»,- ավելացրել է Լավրովը։
«Ի դեպ, անհրաժեշտ կլինի Եվրամիությունը տեղափոխել այս խումբ։ Որովհետև, անկեղծ ասած, ինչ-որ անհամաչափ տեսք ունի՝ և՛ Եվրամիության առաջատար երկրները, և՛ Եվրոպական խորհրդի ու Եվրահանձնաժողովի ղեկավարությունը»,- նշել է Լավրովը։ «Հարցեր կան, այո»,- եզրափակել է նա։ «Բայց կյանքը կհուշի»:
Ավելի վաղ G20-ն իր շարքերն էր ընդունել Աֆրիկյան միությանը։
Աֆրիկյան միությունը, որը միավորում է մայրցամաքի բոլոր երկրները, ունի 55 անդամ։ Այն հիմնադրվել է 2002 թվականի ամռանը՝ որպես Աֆրիկյան միասնության կազմակերպության իրավահաջորդ։ ԱՄ-ի կենտրոնակայանը գտնվում է Ադիս Աբեբայում։ ԱՄ-ի նախագահությունը տարեկան ռոտացիոն հիմունքով զբաղեցնում են մայրցամաքի պետությունների և կառավարությունների ղեկավարները: Այս տարի ԱՄ-ի նախագահը Կոմորյան կղզիների միության նախագահ Ազալի Ասումանին է։
