Արցախի Հանրապետության նախկին վարչապետ Անուշավան Դանիելյանի խոսքով՝ ինքը մասնակցում է ընդդիմության կազմակերպած հանրահավաքներին, քանի որ ցանկանում է ժողովրդի հետ լինել։
Հայաստանի հանրապետական կուսակցության (ՀՀԿ) խոսնակ, ԱԺ նախկին փոխնախագահ Էդուարդ Շարմազանովի խոսքով՝ գլխավոր կապիտուլյանտի հարցազրույցը ոչ թե մեկնաբանությունների ու քննարկումների, այլ՝ զավեշտի ու անհեթեթության առիթ տվեց։
ԱԺ Պետաիրավական հարցերի մշտական հանձնաժողովի այսօրվա նիստում քննարկվել է Կառավարության ներկայացրած «Պետական տուրքի մասին» ՀՀ օրենքում փոփոխություններ և լրացումներ կատարելու մասին օրենքի նախագիծը։
Պետական եկամուտների կոմիտեի նախագահ Էդվարդ Հովհաննիսյանն այսօր խորհրդարանում լրագրողների հետ զրույցում անդրադարձավ ՀՀ երրորդ նախագահ Սերժ Սարգսյանի այն հայտարարությանը, ըստ որի՝ բանակը զրահաբաճկոններ է ձեռք բերել 600 դոլարով։
168.am-ի հետ զրույցում ռազմական փորձագետ Կարեն Հովհաննիսյանն անդրադառնալով Սյունիքի վերաբերյալ Ն. Փաշինյանի հայտարարություններին, նկատեց՝ դժվար է հասկանալ ու ընկալել Նիկոլ Փաշինյանի այն խոսքը, թե Սյունիքում անլուծելի խնդիրներ չկան, քանի որ նոր իրողություններով պայմանավորված՝ խնդիրները Սյունիքում ավելի են շատացել։
Պետական երկամուտների կոմիտեի նախագահ Էդվարդ Հովհաննիսյանը չի ցանկանում անդրադառնալ ՊԵԿ նախագահի տեղակալ Ռաֆիկ Մաշադյանի վերաբերյալ հրապարակումներին՝ նշելով, որ վերջինս այդ հրապարակումներին արդեն անդրադարձել է։
168.am-ի հետ զրույցում ռազմական վերլուծաբան Հայկ Խաչիկյանն ասաց, որ չի կարող հասկանալ ու մեկնաբանել Նիկոլ Փաշինյանի այդ հայտարարությունը, քանի որ առհասարակ չի հասկանում, թե ինչ նկատի ունի նա։
ԱԺ պետաիրավական հարցերի մշտական հանձնաժողովի նիստում այսօր քննարկվեց «Դատական օրենսգիրք» սահմանադրական օրենքում փոփոխություններ և լրացումներ կատարելու մասին և կից ներկայացված նախագծերի փաթեթը։
ԱԺ «Իմ քայլը» խմբակցության պատգամավոր, Պաշտպանության և անվտանգության հարցերի հանձնաժողովի նախագահ Անդրանիկ Քոչարյանը վստահեցնում է՝ Հայաստանի ռազմավարական գործընկերոջ ներգրավվածությունը բավականին ծանրակշիռ է հայկական բանակի վերակազմավորման գործընթացում։
«Էդ ո՞ւմ եք դուք պաշտպանում, պատասխան եք տալու մինչև վերջ։ Մեր պետությունը որ կառուցվեց, բանակի սաղմերը եղան, ամեն ինչ սկսվեց ոստիկանությունից, մեր ոստիկաններն էին Լաչինը պաշտպանում, նրանցից սկսվեց ջոկատների միավորումը։ Ես այսպիսի դաժան ոստիկանություն, որը հիմա է, երբեք չեմ տեսել։ Ձեր աչքի առաջ մեկ մարդ կոտորեց հազարավոր մարդու, հանձնեց Արցախը, մեր սահմանները, ասքանից հետո դուք նրան հանցագործ չեք համարում։ Թե՞ հանցագործ եք համարում, բայց աշխատավարձի համար աշխատում եք հանցագործի համար, այդ դեպքում դուք ոստիկան չեք, դուրս եկեք ոստիկանությունից»:
«Ես որևէ կողմից բացատրություն չեմ ստացել՝ ո՛չ գրավոր, ո՛չ բանավոր, ինձ որևէ զանգ, խոսք չի եղել, որ այս գյուղը պետք է լքենք։ Գոնե, եթե նման զանգ լինի, կհարցնենք՝ ինչո՞ւ պետք է լքենք։ Ինձ համար հստակ է, եթե մինչև օրս մնացել ենք, ուրեմն՝ մնալու ենք։ Մենք այստեղից դուրս չենք գա, ով ինչ ուզում է՝ թող անի»,- 168.am-ի հետ զրույցում ասաց Աղավնո համայնքի ղեկավար, ՀՅԴ անդամ Անդրանիկ Չավուշյանը։
«Առանց Նիկոլ Հայաստան» վանկարկումներով ակցիայի մասնակիցները շրջում են Երևանի տարբեր փողոցներով՝ կոչ անելով քաղաքացիներին միանալ իրենց արդար պահանջին։
ՀՅԴ ներկայացուցիչ Գեղամ Մանուկյանն այսօր Նիկոլ Փաշինյանի հրաժարականի պահանջով անհնազանդության երթի ժամանակ հայտարարեց, որ Նիկոլ Փաշինյանը 200 մետր քայլելու կամ ավելի վատ բան անելու համար 2-3 հազար ոստիկան է հավաքել։
168.am-ի հետ զրույցում Տեղ համայնքի ղեկավար Ներսես Շադունցը փակագծերը չբացելով՝ նշեց, որ Սյունիքում տեղի ունեցող վերջին իրադարձություններից հետո իրենք էլ Պաշտպանության նախարարության հետ միասին փորձում են լուծել անվտանգության խնդիրները։
ԱԺ փոխնախագահ Ալեն Սիմոնյանի մեկնաբանությամբ՝ մինչև Անդրանիկ Քոչարյանի արտահայտած միտքը շրջանառելը, պետք է հաշվի առնել, որ ընդդիմության թե՛ գործողություններով, թե՛ հնչած բռնության կոչերով մենք գտնվում ենք շատ ծայրահեղ վիճակում։
Նիկոլ Փաշինյանը կառավարության 3-րդ մասնաշենքում է։ Մինչ նրա գալը, արդեն հարյուրավոր ոստիկաններ էին փակել կառավարության 3-րդ մասնաշենք տանող բոլոր ճանապարհները։ Իսկ արդեն նրա ժամանելուց հետո հավաքված քաղաքացիների նկատմամբ ոստիկանները սկսեցին ուժ կիրառել, այդ թվում՝ նաև ՀՀԿ և ՀՅԴ երիտասարդների նկատմամբ։ Նրանք բերման ենթարկեցին ՀՅԴ ԳՄ ներկայացուցիչ, «Հայրենիքի փրկության շարժման» համակարգող Իշխան Սաղաթելյանին, ուժի գործադրման հետևանքով Իշխան Սաղաթելյանի դեմքից արյուն էր հոսում։
ՀՀ արտաքին գործերի նախարար Արա Այվազյանն այսօր խորհրդարանում լրագրողների հետ ճեպազրույցում անդրադարձավ իր պաշտոնանկության վերաբերյալ լուրերին։
ՀՅԴ անդամ Գեղամ Մանուկյանը չի մեկնաբանում այսօր Կառավարության 3-րդ մասնաշենքի մոտ տեղի ունեցած իրավիճակը` թողնելով, որպեսզի ՀՀ քաղաքացին տեսնի, թե վարչապետի աթոռը զբաղեցնող մարդն ինչպես է 200 մետր քայլում Երևանում։
ՀՀ արտգործնախարար Արա Այվազյանը մասնակցում է ԱԺ տարածքային և եվրասիական ինտեգրման հարցերի մշտական հանձնաժողովի նիստին, որի օրակարգում մեկ հարց է՝ տարածաշրջանային և եվրասիական ինտեգրման ներկա մարտահրավերները հետպատերազմյան Հայաստանում։
ԱԺ-ում ընթանում է Տարածքային և եվրասիական ինտեգրման հարցերի մշտական հանձնաժողովի նիստը, որին մասնակցում է նաև ՀՀ արտգործնախարար Արա Այվազյանը։
ՀՀ արտաքին գործերի նախարար Արա Այվազյանը խորհրդարանում է, նա մասնակցում է ԱԺ տարածքային և եվրասիական ինտեգրման հարցերի մշտական հանձնաժողովի նիստին։
«Ռուսերենը կօգտագործվի այն վայրերում, որտեղ կառաջանա անհրաժեշտություն։ Դժվարանում եմ ասել, թե ինչու են քննադատություններ հնչում։ Մենք ունեցել ենք պաշտոնյաներ, որոնք երբեմն իրենց ելույթները ձևակերպում էին ռուսերենով, ինչը հակասում է օրենքին, բայց չգիտես ինչու՝ նման սուր քննադատության չէր արժանանում։ Հիմա նախ և առաջ մենք ունենք տեխնիկական խնդիրներ, ռուս խաղաղապահների հետ աշխատանքի ընթացքում՝ զուտ լեզվի պատճառով։ Այսօր փաստացի նրանց հետ աշխատանքային լեզուն ռուսերենն է, բայց չկա դրան իրավական հիմքերը»,- ասաց Արամ Հարությունյանը։
Կառավարության հրաժարականի պահանջով՝ «Միասին փրկենք մեր հայրենիքը» անհնազանդության երթի մասնակիցները Պրահայի այգուց երթով հասան մինչև Ֆրանսիայի հրապարակ, որտեղ շարքային քաղաքացիներից շատերը հիշեցին, որ երկու տարի առաջ էլ Նիկոլ Փաշինյանն էր այդ հրապարակում բողոքում, որ իշխանության գար։
ՀՅԴ անդամ Գեղամ Մանուկյանն այսօր «Միասին փրկենք մեր հայրենիքը» անհնազանդության երթի ժամանակ ՀՀ նախագահական նստավայրի դիմաց հայտարարեց, որ Արցախի կորստից հետո շատ հայրենակիցներ հասկացան, թե ում էին բերել իշխանության։
Սյունիքի մարզում տեղի ունեցած դիրքային փոփոխությունների արդյունքում, 4 տասնյակի հասնող համայնքներ դարձել են սահմանամերձ, թշնամու դիրքերն այդ բնավայրերից գտնվում են՝ 150, լավագույն դեպքում՝ 300 մետր հեռավորության վրա։
«Այդ ամենով մեզ հետ չեն կարող պահել։ Այդ քրեական գործերը թող ծալեն, դնեն իրենց դարակներն ու սպասեն այն քրեական գործերին, որոնք հարուցվելու են իրենց վրա՝ պետական դավաճանության հոդվածով։ Այս իշխանությունը պետք է որոշում ընդունի, թե ում ձերբակալի, թող ինձ ու իմ գործընկերներին ձերբակալի, ժողովրդին էլ հո չի՞ ձերբակալի։ Այսօր վարչապետի աթոռին կառչած անձն ըստ էության մարմնավորում է մեր ժողովրդական հեքիաթների բոլոր բացասական կերպարներին միաժամանակ՝ Քաջ Նազար, Սուտլիկ Ոսկան և այլն»,- ընդգծեց Իշխան Սաղաթելյանը։
168.am-ը «Կարմիր խաչի» միջազգային կոմիտեի հայաստանյան գրասենյակի հաղորդակցության ծրագրերի պատասխանատու Զառա Ամատունուց հետաքրքրվեց, թե Ադրբեջանում պահվող Մարալ Նաջարյանից բացի, «Կարմիր խաչը» տեսակցե՞լ է մյուս քաղաքացիական անձանց հետ, նրանց ու հարազատների միջև կապ հաստատվե՞լ է։
Ֆեյսբուքյան օգտատերերից մեկը՝ Ապրես Բեգլարյանը, այսօր գրել էր, որ արդեն երկու օր ադրբեջանական ֆուռերի շարասյունը Ակնայից (Աղդամ) Մարտակերտի միջով գնում է Քարվաճառ, ու այսօր Մարտակերտի բնակիչները կանգնեցրել են ու ասել՝ «որ էդպես ա, Քարվաճառի ճանապարհն էլ մեր համար բացեք, որ մենք էլ այդ ճանապարհով գնանք գանք Երևան։ Բայց ադրբեջանցիները չեն համաձայնվել, ու մերոնք էլ փակում են, չեն թողնում, որ սրանք այդ ճանապարհով գնան Քարվաճառ»։
«Կարմիր խաչի» միջազգային կոմիտեի հայաստանյան գրասենյակի հաղորդակցության ծրագրերի պատասխանատու Զառա Ամատունու խոսքով՝ իրականում բոլոր հարցերը՝ կապված «Կարմիր խաչի» գրաֆիկի և աջակցության վերաբերյալ՝ քննարկվում են հենց կողմերի հետ։
«Թուրքը եկել, նստել է մեր ճանապարհին, գյուղի «վիշկում» է պոստը դրել։ Ճակատենից արդեն երևում է, թե թուրքն իր պոստերում ինչպես է շարժվում։ Դե, գյուղում ծերեր, երեխաներ կան, մտավախություններ ունեն։ 1990-ականներին ադրբեջանցիների հետ հարաբերությունները նորմալ էր, գալ ու գնալ կար, բայց պատերազմից հետո նրանք ամեն ինչ փչացրեցին։ 90-ականներին գյուղը սահմանամերձ էր, այդ ժամանակ թշնամին մեր ճանապարհը որոշ ժամանակով վերցրել էր, բլոկադայի մեջ էինք հայտնվել, մինչև մենք գրոհեցինք ու իրենց մաքրեցինք։ Դե, ճանապարհներով գնում-գալիս ենք, դրանք ճանապարհներին կանգնած են, մեկ-մեկ դուրս են գալիս ճանապարհի վրա, ռուսն էլ է կանգնած։ Իրենց պոստն անմիջապես ճանապարհին կպած է»,- նշեց Հուսիկ Սարուխանյանը։
