Ի պատասխան հարցին, թե ԵՏՄ-Իրան ազատ տնտեսական գոտու ստեղծման հարցն ի՞նչ փուլում է, Վ.Գաբրիելյանը տեղեկացրեց, որ Հայաստանը նախաձեռնել է ԵՏՄ և Իրանի միջև ազատ տնտեսական գոտու ստեղծման մասին համաձայնագրի շուրջ բանակցություններ սկսելու գործընթացը, ձևավորվել է աշխատանքային խումբ, մշակում են հարցերը:
Այսօր Երևանում Արդյունաբերողների և գործարարների միջազգային կոնգրեսի խորհրդի նախագահության նիստի ժամանակ ստորագրվեց Եվրասիական տնտեսական հանձնաժողովի և կոնգրեսի միջև ստորագրվեց փոխգործակցության հուշագիր: ԱԳՄԿ խորհրդի նախագահ Վասիլի Տառլևը հայտարարեց, որ համաձայնություն է ձեռք բերվել, որ կոնգրեսը դիտորդի կարգավիճակ ստանա ԵՏՄ-ում:
Հայաստանի Վերահսկիչ պալատն ուսումնասիրել է Առողջապահության նախարարության կողմից վերջին 2 տարում կենտրոնացված կարգով իրականացված գնումների, բնակչությանը դեղերով ապահովման նպատակով բժշկական հաստատություններին հատկացված միջոցների ծախսման արդյունավետության, նաև՝ դեղերի շրջանառության գործող օրենսդրությանը համապատասխանության հարցեր:
«Հայաստանը փայլուն դեպքեր ունի, որ լավ օրենքները վատ են կիրառվում, օգտագործվում են վատ նպատակների համար: Եթե այդ մասը կարողանանք ապահովել, առաջիկայում, կարծում եմ, լավ կլինի, եթե՝ ոչ, ապա այս օրենսգիրքն էլ կդառնա գործիք, որ տարբեր դեպքերում տարբեր շահերի համար կօգտագործվի»,- հավելեց միության նախագահը:
Հարցին, թե արդեն իսկ ի՞նչ չարաշահումներ են եղել, որոնց մասին խոսել է վարչապետը, Մեխակ Ապրեսյանը պատասխանեց. «Ընդհանրապես բողոքներ, խնդիրներ և մեզնից էլ առաջարկություններ ու վերլուծություններ են եղել, նաև՝ հենց հանձնարարական»:
«Հարկավոր է, որ միջազգային հարաբերություններում օֆշորային, փողերի լվացման և այլ հնարավորությունները բացառվեն, շատ լուրջ խոչընդոտներ լինեն դրա համար»,- ասում է «Թրանսփարենսի Ինտերնեշնլ» հակակոռուպցիոն կենտրոնի ղեկավար Վարուժան Հոկտանյանը:
Մեր զրուցակիցն է քաղաքական և ընտրական տեխնոլոգիաների փորձագետ, վերլուծաբան Արմեն Բադալյանը – Պարոն Բադալյան, ՀՀԿ խոսնակ Էդուարդ Շարմազանովը հերքել է շրջանառվող լուրերը, որ մարտի 31-ից ապրիլի 1-ը Վաշինգտոնում Միջուկային անվտանգության գագաթաժողովի ժամանակ կայանալու է Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումը: Ըստ Ձեզ՝ այս դեպքում ի՞նչ կարելի է սպասել Սերժ Սարգսյանի այս […]
Առլեն Դավուդյանի խոսքով՝ իրանցիները Հայաստանում մնում են 3 գիշեր, 4 օր, դրանից ավելի այստեղ անելու բան չկա: Գալիս են տարբեր խավերի ներկայցուցիչներ, որոնք հանգրվանում են ամենաթանկարժեք հյուրանոցներից սկսած՝ մինչև մոթելներում:
«Արմենիա» ավիաընկերությունը ՀՀ էկոնոմիկայի նախարարությունից արդեն ստացել է ավիափոխադրումների հավաստագիր: Այս մասին 168.am-ի հետ զրույցում հայտնեց նախարարության Քաղաքացիական ավիացիայի քաղաքականության և Տնտեսական կարգավորման վարչության պետ Աննա Չոբանյանը:
ՀՀ էկոնոմիկայի նախարարի պաշտոնում ՀՅԴ-ական Արծվիկ Մինասյանի նշանակումից հետո փոխնախարարի թափուր պաշտոնում նշանակվեց Հովհաննես Հովհաննիսյանը, ով մինչ այդ մի քանի տարի շարունակ Ազգային ժողովում փորձագետ էր և աշխատում էր ՀՅԴ խմբակության հետ, դրանից առաջ էլ տարիներ շարունակ պաշտոններ էր զբաղեցրել գյուղատնտեսության նախարարությունում՝ դաշնակցական նախարար Դավիթ Լոքյանի օրոք: Սակայն մինչ օրս Հովհաննես Հովհաննիսյանն անկուսակցական է:
«Ակնկալում ենք ունենալ արտահանման խթանման և նոր շուկաներ դուրս գալու ֆինանսական ծառայություններ»,- ասաց Հ. Հովհաննիսյանը՝ կոչ անելով գործարարներին համագործակցել առաջին, բայց հաստատուն, քայլերն անող գործակալության հետ:
«Կարծում եմ, երբ «Մուդիսը» վերանայի և քաղաքական գործոնը հաշվի չառնի, պետք է որ հետագայում բարձրացնի ՀՀ վարկանիշը: Սա միջանկյալ խնդիր է, բայց «Մուդիսը» մի շատ կարևորագույն հարց է բարձրացնում, որ ՀՀ տնտեսական քաղաքականություն վարողները պետք է հաշվի առնեն»,- ասում է Մարդկային զարգացման միջազգային կենտրոնի փորձագետ, տնտեսագետ Աշոտ Խուրշուդյանը:
««Մուդիսի» կողմից Հայաստանի վարկանիշի իջեցման հետևանքը, իհարկե, բացասական է այն առումով, որ Հայաստանի վարկունակությունը նվազել է: Իջեցվել է նաև Հայաստանի 2 բանկերի՝ «Արդշինբանկի» և «ՎՏԲ-Հայաստան» բանկի վարկանիշը, որը պարզապես հետևանք է ՀՀ վարկանիշի իջեցման: Սակայն այս վարկունակությունը երկարաժամկետ գնահատական է, ոչ թե՝ այս պահի դրությամբ է որոշում, այլ՝ ՀՀ պոտենցիալի գնահատականն է, որտեղ շատ գործոններ են ազդում»,- ասում է Աշոտ Խուրշուդյանը:
Թույլտվությունը տրվում է 9 տարի ժամկետով: «ԲԱԳԵԶՅԱՆ» ընկերությունը, ըստ կառավարության որոշման նախագծի, մտադիր է «Մերիդիանում» 9 տարվա ընթացքում ներդրումների ծավալը հասցնել 68.5մլն ԱՄՆ դոլարի: Մոտակա 5 տարվա ընթացքում կստեղծվի առնվազն 70 նոր աշխատատեղ՝ 250-500 դոլար միջին աշխատավարձով: Ընկերությունն ազատ տնտեսական գոտում ունենալու է 700քմ արտադրական տարածք:
Կառավարության որոշման նախագծում նշվում է, որ որպես հիշատակի օրեր ՀՀ-ում նշվում են՝ ադրբեջանական ԽՍՀ-ում կազմակերպված ջարդերի զոհերի հիշատակի և բռնագաղթված հայ բնակչության իրավունքների պաշտպանության օրը, Հայոց ցեղասպանության զոհերի հիշատակի օրը, բռնադատվածների հիշատակի օրը, երկրաշարժի զոհերի հիշատակի օրը, իսկ նախագծով նախատեսվող կարգավորումները բովանդակային առումով չեն համապատասխանում օրենքի դրույթներին: «Նախագիծը հիմնված է քաղաքական գնահատականների վրա:
«Մոսկվան հիանալի հասկանում է, որ Հայաստանում վերջին տարիների իրադարձությունների ֆոնին հանրությունը դժգոհ է ՌԴ-ի հետ համագործակցությունից, և ՌԴ-ի համար կարևոր է հարթել կնճռոտ խնդիրները, ոչ վաղ անցյալում բարձրացվել էր ՀՀ զենքի մատակարարումների հարցը, որը Ադրբեջանում, չգիտես ինչու, անօրինական են համարում»:
«Ի՞նչ տարբերություն, թե աշխատակցի վրա ճնշում գործադրող հիմնարկի ղեկավարը ի՞նչ մեթոդով կիմանա՝ գնա՞ց աշխատակիցը քվեարկության, թե՞ ոչ»,- նման հարցադրում այսօր ԱԺ-ում Ընտրական օրենսգրքի նախագծի վերաբերյալ կազմակերպված հասարակական լսումների ժամանակ արեց «Իրազեկ քաղաքացիների միավորում» ՀԿ նախագահ Դանիել Իոնիսյանը՝ խոսելով ընտրած քաղաքացիների ցուցակների հրապարակման մասին: Ըստ նրա՝ ցանկացած պոտենցիալ ընտրակեղծարար, ով ցանկանում է այլ անձի փոխարեն քվեարկել, պետք է իմանա, որ իր հանցագործությունը կբացահայտվի 3 օր կամ 3 ամիս անց. «Զմռսված պարկերի մեջ կան բազմաթիվ հանցագործություններ, որոնց հեղինակները հանգիստ քնում են»,- ասաց նա:
«Մենք պետք է անենք հնարավորը, որ մեր հանրությունը վստահի ընտրությունների ընթացքին և արդյունքին: Ինչպե՞ս պետք է դա անենք, սա արդեն պետք է քննարկենք բոլորս»,- այսօր ԱԺ-ում Ընտրական օրենսգրքի նախագծի վերաբերյալ կազմակերպված հասարակական լսումների ժամանակ հայտարարեց ԱԺ փոխխոսնակ Էդուարդ Շարմազանովը:
«Էս գլխից ամեն ինչ որոշված է և ամեն ինչ անում են, որ մերժեն մեր 4+4+4 ֆորմատը»,- այսօր ԱԺ-ում Ընտրական օրենսգրքի նախագծի վերաբերյալ կազմակերպված լսումների ժամանակ իր ելույթում հայտարարեց ՀԱԿ խմբակցության ղեկավար Լևոն Զուրաբյանը:
Այսօր ԱԺ-ում Ընտրական օրենսգրքի նախագծի շուրջ քննարկումների ժամանակ ՀԱԿ խմբակցության քարտուղար Արամ Մանուկյանը հայտարարեց, որ քաղաքացիական միասնական պլատֆորմը 5 կետ է ներկայացնում իրենից՝ ցուցակների մաքրում, ցուցակների հրապարակում, նկարահանում, մատների թանաքոտում և ռեյտինգային ռեգիոնալ քվեարկության բացառում:
Ընտրական նոր օրենսգրքով անճշտությունների դեպքում քվեարկության արդյունքների անվավեր ճանաչման ժամանակ պարտադիր վերաքվեարկություն է նախատեսվում և հիմքում չեն վերցվում այլ թվեր:
Գյումրիի ժուռնալիստների «Ասպարեզ» ակումբի նախագահ Լևոն Բարսեղյանն այսօր ԱԺ-ում Ընտրական օրենսգրքի նախագծի շուրջ կազմակերպված լսումների ժամանակ հետաքրքրվեց, թե ո՞ր իրավունքն է ոտնահարվում, որ իշխանությունը հրաժարվում է հրապարակել ստորագրված ցուցակները:
«Կներեք, չէի ուզում ժամանակ ծախսել, թե 20 հոգանոց կուսակցությունը կարո՞ղ է մասնակցել, թե ոչ»,- ի պատասխան Զախարյանի հայտարարության, ասաց ՀՀ կառավարության աշխատակազմի ղեկավար-նախարար Դավիթ Հարությունյանը: Նա նշեց, որ բազմաթիվ երկրներում կուսակցությունների խոշորացման միտում է նկատվում: Հարությունյանի խոսքով՝ որոշ չափով կուսակցությունները կարող են առաջարկել թեկնածուներ, որոնք կուսակցության անդամ չեն, եթե, իհարկե, չի հաջողվում նրանց անդամագրել 20 հոգուց ավելի անձանց: Ա.Զախարյանն անջատված խոսափողով շարունակում էր բանավիճել, սակայն լսումները նախագահող ԱԺ պետաիրավական հարցերի մշտական հանձնաժողովի նախագահ Հովհաննես Սահակյանը հորդորեց ելույթում արտահայտվել:
«Լայն կոնսենսուսն արդեն կառուցվում է և լուրջ հաջողությոնների է հասել, մնում է դուք ընդունեք այդ կոնսեսուսը»,- ասաց Լ.Զուրաբյանը՝ նշելով, որ հետևողական են լինելու հասարակական լայն կոնսենսուսի հարցում և 4+4+4 ձևաչափով քննարկումների կազմակերպման հարցում:
Այսօր ԱԺ-ում ՀՀ ընտրական օրենսգրքի նախագծի քննարկման նպատակով կազմակեպված լսումների ժամանակ «Քաղաքացիական պայմանագիր» կուսակցության վարչության նախագահ Արայիկ Հարությունյանը տեսակետ հայտնեց, որ ԶԼՄ-ների կողմից ներկայացուցիչներ հավատարմագրելու համար սահմանափակումը 50-ով թերի լուծում է, քանի որ նախկինում հայտնված մտավախությունը, որ ԶԼՄ-ների անվան տակ թեկնածուների ներկայացուցիչներ կգան տեղամասեր, այսօր էլ կարող է գործել:
Նա բնական համարեց, որ նման վարքով աչքի են ընկնում հատկապես ՀՀԿ-ական պատգամավորները. «Ձեզ էլ այդպես պիտի թվա, որովհետև իրենք՝ ՀՀԿ-ականներն արդեն իշխանության մեջ են: Նրանք, ովքեր իշխանության մեջ չեն, նրանք ինչ էլ ասեն, բոլորի համար հաճելի է, որովհետև իշխանության մեջ չեն»:
Այսօր խորհրդարանում լրագրողների հետ զրույցում նա վստահեցրեց, որ իր առողջական վիճակը նորմալ է: Ադրադառնալով Ընտրական օրենսգրքի նախագծին, Գ.Սահակյանը հայտարարեց, թե «ճշմարիտ մեծ բաներ» չի տեսնում ընտրած քաղաքացիների ցուցակները հրապարակելու մեջ:
Դ.Հարությունյանի խոսքով՝ համակարգերի տեխնիկական ապահովումը պետք է աուդիտի համար բաց լինի բոլորի համար, ընտրացուցակները մասերի բաժանելու և սարքերի մեջ ներբեռնելու գործընթացը նույնպես պետք է վերահսկելի լինի քաղաքական ուժերի և միջազգային դիտորդների կողմից: Նա հայտնեց, որ փորձագետների հետ պայմանավորվածություն է ձեռք բերվել, որպեսզի ընտրություններից հետո ցուցակները ծրագրային եղանակով համեմատվեն միմյանց հետ, ինչը հնարավորություն կտա համոզվելու՝ արդյոք անձը մի քանի ընտրատեղամասերում մասնակցե՞լ է ընտրություններին, թե՞ ոչ:
«Հասկանալի է՝ մի երկիրը դաշնակից է, մյուսը՝ գործընկեր, և՛ այնտեղ, և՛ այստեղ խնդիրներ պետք չեն, բայց կա հակամարտություն, որի լուծումը ենթադրում է, որ մի կողմը պետք է զիջումների գնա մյուսին: Մոսկվան հիանալի հասկանում է, որ Հայաստանում վերջին տարիների իրադարձությունների ֆոնին հանրությունը դժգոհ է ՌԴ-ի հետ համագործակցությունից, և ՌԴ-ի համար կարևոր է հարթել կնճռոտ խնդիրները»:
Այս տարվա հունվար-փետրվարին տնտեսական ակտիվությունն (ՏԱՑ) աճել է 4.7%:
