«Ե՛վ իշխանությունները, և՛, այսպես կոչված, ոչ իշխանական ուժերն անընդհատ փորձում են` որպես արդեն կատարված փաստ և կատարված ընտրություն ներկայացնել Եվրասիական միությանն անդամակցելու անխուսափելիությունը: Վերջին հարցազրույցում, որքան հասցրեցի ծանոթանալ, Սերժ Սարգսյանը կրկին խոսում էր ինչ-որ էժան գազի մասին, որից բնակչությունն այդպես էլ տեղյակ չեղավ, ինչ-որ տնտեսական ձեռքբերումների, օգուտների մասին էր խոսում` լիովին անտեսելով հետևյալ երկու շատ կարևոր փաստերը»,- ասում է Կարապետ Ռուբինյանը:
«Անհեթեթ գավառամտության դրսևորում է»,- 168.am-ի հետ հարցազրույցում ասաց ՀՀՇ վարչության անդամ Կարապետ Ռուբինյանը` մեկնաբանելով նախօրեին Սերժ Սարգսյանի՝ իր քննադատներին ուղղված հայտարարությունը՝ չպաշտպանել Արցախն իրենից: «Ինչ է թե` ինքը ղարաբաղյան ծագում ունի, ուրեմն ավելի շատ է մտածում Ղարաբաղի մասին, քան, ենթադրենք, ես, հա՞: Հայրենիքը մնում է հայրենիք, և հայրենիքի նկատմամբ սրիկայություն անողը կարող է սրիակայություն անել թե՛ փոքր հայրենիքի, թե՛ մեծ հայրենիքի նկատմամբ: Ծննդավայրը որևէ նշանակություն չունի: Եթե մարդ հակված է թալանելու սեփական երկիրը, ի՞նչ տարբերություն, հայրենիքի մեծ հատվածը կթալանի, իսկ փոքրը կխնայի՞»,- նշեց Ռուբինյանը:
«Ակնհայտորեն Հայաստանի անդամակցությունը կասեցվել է Ռուսաստանի կողմից, դա իմ եզրակացությունն է»,- այսօր հրավիրված ասուլիսում այսպիսի կարծիք հայտնեց «Ժառանգություն» կուսակցության ներկայացուցիչ, քաղաքագետ Ստեփան Սաֆարյանը: Նրա կարծիքով` Եվրասիական տնտեսական միության (ԵՏՄ) համատեքստում Նազարբաևի հայտարարության և ընդհանրապես Լեռնային Ղարաբաղի հարցի արծարծման նպատակը մեղքը Հայաստանի վրա գցելն է, քանի որ Ռուսաստանի համար ավելի կարևոր են Կովկասը և էներգետիկ խնդիրների լուծումը, քան Հայաստանի անդամակցությունը:
Բաքվում ընթացող ՆԱՏՕ-ի խորհրդարանական վեհաժողովի սեմինարին Հայաստանի պատվիրակության անդամ, Տարածաշրջանային հետազոտությունների կենտրոնի տնօրեն Ռիչարդ Կիրակոսյանն ակտիվորեն գրառումներ է կատարում Թվիթերի իր միկրոբլոգում` լուսաբանելով Բաքվի քննարկման ժամանակ տեղի ունեցող իրադարձությունները:
«Հիմա Ռուսաստանն այլևս չի քաշվում իր դիրքորոշումն արտահայտելու մեջ և այդ իմաստով անկեղծորեն ասում է, որ Հայաստանն իր համար այնքան էլ անկախ պետություն չէ»,- ասում է Վադիմ Դուբնովը:
«Ես բազմիցս ասել եմ, հիմա նորից եմ կրկնում` մեր բոլոր մակարդակի պատվիրակները պետք է ունենան Հայաստանի պաշտոնական կոնցեպտը, թե որն է մեր տեսակետը»,- ասաց Հովհաննես Իգիթյանը: -Ինչ վերաբերում է հարցին, թե Հայաստանին պետք է այնտեղից հեռացնեն կամ չհեռացնեն, դա որևէ կապ չունի Ադրբեջանի ցանկության հետ: Հայաստանը մասնակցում է` ըստ պարտավորությունների և այդ կազմակերպության օրակարգի: Հեռացնելու հարցը դրվում է այն ժամանակ, երբ պետությունն ինքն է հրաժարվում կամ չի կատարում իր պարտավորությունները: Եթե Ադրբեջանին լսենք, Ադրբեջանը ՄԱԿ-ից էլ Հայաստանին կհանի»:
«Կարծում եմ` պարոն Կիսելյովն այստեղ ընդամենը հետևանք է` բավական վառ և էկզոտիկ: Այդուհանդերձ, նա հետևանքն է այն ամենի, ինչ տեղի է ունենում Ռուսաստանի և Հայաստանի հարաբերություններում, իսկ այդ վիճակը ստեղծվել է դեռ Կիսելյովից առաջ»,- 168.am-ի հետ զրույցում ասաց ռուս քաղաքական վերլուծաբան Վադիմ Դուբնովը` անդրադառնալով Դմիտրի Կիսելյովի կողմից Երևանում արված հայտարարություններին:
Բրազիլական ֆուտբոլի երկրպագու Արամ Կարապետյանն ընդունում է, որ Բրազիլիայի ներկայիս ընտրանին բավական երիտասարդ կազմ ունի և ինչ-որ չափով անփորձ է, սակայն իրեն հուսադրում է այն փաստը, որ Բրազիլիան գրեթե միշտ թույլ է սկսում աշխարհի առաջնությունները և բարելավում է իր խաղը ընթացքում: Կարապետյանը նշեց` շատ կցանկանար, որպեսզի եզրափակիչում խաղային Գերմանիան և Բրազիլիան, և հաղթող դառնար Բրազիլիայի ընտրանին.
168.am-ի հետ զրույցում, խոսելով Բրազիլիայում անցկացվող Ֆուտբոլի աշխարհի առաջնության մասին, Միքայել Մելքումյանը նշեց, որ ընդհանրապես երկրպագում է Գերմանիայի հավաքականին:
«Ժառանգություն» կուսակցության փոխնախագահ Արմեն Մարտիրոսյանը, մասնավորապես, ֆուտբոլի և հատկապես Հայաստանի հավաքականի մեծ երկրպագու է և հետևում է ոչ միայն հավաքականների, այլև ակումբային մակարդակով անցկացվող առաջնություններին, սակայն խոստովանում է` Բրազիլիայի և Հայաստանի միջև ժամային գոտու մեծ տարբերության պատճառով ոչ բոլոր հանդիպումներն է կարողանում դիտել:
Պարոն Կիսելյովը և Հայաստանի Հանրապետության քաղաքացին, որ ծառայություն է իրականացում, ինչո՞ւ չէին կարող անգլերեն խոսել։ Պարոնը հայերեն չգիտեր` լավ, իսկ անգլերենը պարտադիր օտար լեզու չէ՞ր իր համար։
«Շատ ցավալի է, որ դավաճանը մտերիմից չենք կարողանում տարբերել: Այսօր ինձ մի բարձրաստիճան գնդապետ ասում է` եթե ռուսները չլինեին, մենք չէինք հաղթելու: Վատացա ահավոր, իհարկե, լավ չարեցի` մեր եմ քրֆել, բայց այլընտրանք չունեի: Ինչո՞ւ ես կեղծում իմ ընկերների նահատակությունը: Բոլոր նշանակավոր հերոսները գնդակահարվել են ռուսների կողմից, ժողովո´ւրդ: Ո՞վ խփեց Թաթուլին, Արթուրին, Սիմոնին, ո՞ր մեկին թվարկեմ, Վիտյային: Երբ ես նստած էի Շուշիի բերդում, 260 տղա էինք նստած, ամենակամակոր, ընտիր տղաները: Սրանց մասին ոչ ոք չի խոսում: Մեխում դռանը, վառում էին, հա´յ ժողովուրդ, էդ քո սիրելի ռուսը»,- հայտարարեց Պավլիկ Մանուկյանը:
«Ինչո՞ւ Ռուսաստանի քայլերը մեծացրեցին պատերազմի վերսկսման հավանականությունը և սպառնալիքը մեր ազգային անվտանգության համար: Դրա պատճառը Ադրբեջանին զենք մատակարարելն է: Հայկական, այսպես ասած, փորձագետները և որոշ իշխանահպատակ գործիչներ շարունակում են հեքիաթներ պատմել, թե ռազմական հավասարակշռությունը պահպանվում է: Հավասարակշռություն չկա»,- ասում է Իգոր Մուրադյանը:
«Եթե դուք ինձ հարցնեք` ինչպիսի՞ն կլիներ վիճակը, եթե մենք ճիշտ ուղիով գնայինք, ապա մենք չէինք լինի ո՛չ Մաքսային միության, ո՛չ էլ Եվրամիության անդամ, մենք կլինեինք ուրույն երկիր, որն իր առաջնորդությամբ արդեն ինտեգրած էր լինելու ողջ Կովկասը, բայց լիդեր էր լինելու ոչ թե այն պատճառով, որ մենք` հայերս, «ամենագողական» տղերքն ենք ու ամենալավ թալանչիները, այլ զուտ այն պատճառով, որ այն ժամանակ մենք ամենաբարձր բարոյական սկզբունքները կրողն էինք և կարող ենք մեզ բարեկամ դարձնել և ամբողջականացնել ողջ տարածաշրջանը»,- ասում է Աշոտ Մանուչարյանը:
«Ես այդ մարդկանց չեմ մեղադրում, ես մեղադրում եմ մեզ, որ մենք հասել այն վիճակին, որ նրանց թույլ ենք տալիս գալ և այդպիսի խրատներ կարդալ մեր գլխին,- ասաց Ավետիք Իշխանյանը: – Եթե Կիսելյովն իրեն թույլ է տալիս գալ Հայաստան, այդպիսի արտահայտություններ անել և մեզ ասել, թե մենք ինչ պետք է անենք, դա Կիսելյովի մեղքը չէ, դա Հայաստանի իշխանությունների մեղքն է, որ թույլ են տալիս նրան այդպես խոսել: Այդ մարդը զգում է, որ կարելի է այդպես խոսել և դասեր տալ Հայաստանի քաղաքական վերնախավին…»:
168.am-ը մեկնաբանություն խնդրեց Արտաքին գործերի նախարարության մամուլի քարտուղար Տիգրան Բալայանից` հետաքրքրվելով, թե հնարավո՞ր է, որ Դմիտրի Կիսելյովն, իրոք, Հայաստանի Հանրապետության կողմից ճանաչվի անցանկալի անձ: Ի պատասխան` ԱԳՆ մամուլի խոսնակն ասաց, որ նախարարությունն ինքն է որոշում իր օրակարգը` կապված Հայաստանի ազգային շահերի հետ:
«Բարձրացրե՞ց Նազարբաևն այդ հարցը: Հոյակապ է: Ուրեմն վերադառնում ենք իրավական դաշտ և պահանջում ենք այդ հարցը քննարկել իրենց կողմից և կատարել այն, ինչ չեն կատարել»,- 168.am-ի հետ հարցազրույցում ասաց «Ղարաբաղ» կոմիտեի անդամ Աշոտ Մանուչարյանը` խոսելով Եվրասիական տնտեսական միությանն առանց Լեռնային Ղարաբաղի` Հայաստանի անդամակցման վերաբերյալ Ղազախստանի նախագահի հայտարարության մասին:
Ուկրաինան հույս ունի, որ մոտ ժամանակներում կստորագրի նաև Եվրամիության հետ Ասոցացման պայմանագրի երկրորդ մասը` Խորը և համապարփակ ազատ առևտրի համաձայնագիրը: Այս մասին այսօրվա ասուլիսում տեղեկացրեց Հայաստանում Ուկրաինայի արտակարգ և լիազոր դեսպան Իվան Կուխտան:
Ինչպե՞ս է Ուկրաինայի իշխանությունը պատրաստվում կարգավորել իրավիճակը Ուկրաինայի հարավ-արևելյան շրջաններում, որտեղ շարունակվում են բախումները բանակի և զինյալների միջև: Այսօրվա ասուլիսում պատասխանելով մեր այս հարցին` Հայաստանում Ուկրաինայի արտակարգ և լիազոր դեսպան Իվան Կուխտան հիշեցրեց, որ այդ խնդրին երդմնակալության օրը անդրադարձել է Ուկրաինայի նորընտիր նախագահ Պյոտր Պորոշենկոն:
«Մայիսի 25-ին կայացան նախագահական ընտրությունները, և բառացիորեն երկու օր անց Հայաստանի նախագահը շնորհավորեց նորընտրին նախագահ պարոն Պորոշենկոյին` նախագահի պաշտոնում ընտրվելու կապակցությամբ: Ուկրաինան դա գնահատեց որպես բարեկամական քայլ, և այդ շնորհավորանքով Հայաստանը ճանաչեց ընտրությունները և դրա արդյունքները, այդ իսկ պատճառով դեսպանը վերադարձավ Հայաստան»,- ասաց Հայաստանում Ուկրաինայի արտակարգ և լիազոր դեսպան Իվան Կուխտան:
«Ինչո՞ւ մենք մեր վերջին խաղաքարտը տվեցինք Ռուսաստանին: Ո՞րն էր վերջին խաղաքարտը: Հրաժարվեցինք եվրոպական ինտեգրումից: Հիմա սա էլ տվեցինք, և այլևս հետաքրքիր չենք: Եվ դա օբյեկտիվ է: Ինչո՞վ պետք է հետաքրքիր լինենք: Պուտինի ռեակցիան շատ տրամաբանական էր: Ես ցավում եմ, որ Պուտինը Հայաստանի նկատմամբ հարգալից վերաբերմունք չի ցուցաբերում: Հայաստանն այլևս արժեք չունի Ռուսաստանի համար: Զրո՛ արժեք: Այժմ Ռուսաստանը կփորձի սիրաշահել Ադրբեջանին: Ադրբեջանի ցանկացած պահանջ կկատարվի: Կտեսնեք` մաքսակետ կդնեն»,- ասում է Ստեփան Գրիգորյանը:
Ղազախաստանի նախագահ Նուրսուլթան Նազարբաևի ռեպլիկը, որն ուղղված էր Հայաստանի նախագահ Սերժ Սարգսյանին և այդպես էլ անպատասխան մնաց, Դ. հակոբյանը նմանեցրեց Քիփլինգի հայտնի ստեղծագործության հերոսներից մեկի` Շերխանի խոսքին` «Закон джунгли гласит – каждый отвечает за себя»: Այսինքն` Նազարբաևն ասել է` Ղարաբաղը իր համար է պատասխանում, Հայաստանի Հանրապետությունը` իր:
«Երբ դու ինչ-որ մի երկրի ձեռքն ես տալիս քո անվտանգության, տնտեսական, առևտրի ողջ համակարգը, դրանից հետո այդ մեկն ինչ ուզում` անում է, և դու այլևս հետաքրքիր չես նրա համար: Դրա վկան մայիսի 29-ինն էր: Հիմա այնպես ստացվեց, որ այնտեղ, որտեղ սպասում էինք, թե կպաշտպանվի Ղարաբաղը, ի լուր աշխարհի հայտարարեցին` եթե մտնում եք Եվրասիական միություն, առանց Ղարաբաղի պետք է մտնեք: Կներեք, դա մեզ համար ուղղակի կործանարար է»,- 168.am-ի հետ հարցազրույցում ասաց Գլոբալիզացիայի և տարածաշրջանային համագործակցության վերլուծական կենտրոնի տնօրեն, քաղաքագետ Ստեփան Գրիգորյանը:
Սահմանային թոհուբոհն այսօր չի սկսվել, սկսվել է այն պահին, երբ Լեռնային Ղարաբաղի Հանրապետությունը դուրս մնաց ղարաբաղյան հիմնախնդրի կարգավորման բանակցային գործընթացից: Այսօր հրավիրված մամուլի ասուլիսում այսպիսի կարծիք հայտնեց քաղաքական գործիչ, առաջին նախագահ Լևոն Տեր-Պետրոսյանի քաղաքական զինակից Գուրգեն Եղիազարյանը` խոսելով հայկական սահմանին ադրբեջանական ուժերի կողմից իրականացված վերջին սադրիչ գործողությունների մասին:
«Սա ռուսական կողմի համար շատ կարևոր խաղաքարտ էր, որպեսզի ադրբեջանցիներին ասեն, որ Ղարաբաղի հարցի շուրջ տեղի ունեցող առևտուրն իրենց հետ է պետք անել: Հայերը Ղարաբաղի ճակատագիրը հանձնել են ռուսներին: Ես այդպես եմ գնահատում այդ նամակը»,- ասում է Ստեփան Դանիելյանը
«Ադրբեջանը Ռուսաստանի ռազմավարական գործընկերն է Հարավային Կովկասում»,- ադրբեջանական APA լրատվական գործակալության փոխանցմամբ` այսպիսի հայտարարություն է արել Ռուսաստանի Արտաքին գործերի նախարարության մամուլի քարտուղար Ալեքսանդր Լուկաշևիչը:
«Ժամանակին մենք ամբողջ լրջությամբ չգնահատեցինք Զորի Բալայանի հայտնի նամակը: Զորի Բալայանը Հայաստանում ոչինչ չի նշանակում, սակայն Ադրբեջանում նա ընկալվում է` որպես ղարաբաղյան շարժման խորհրդանիշ, հայկական ազգայնականության հայր (…) Եվ ռուս-ադրբեջանական առևտրի ընթացքում այդ «խորհրդանիշը» բաց նամակ է գրում, որտեղ, ըստ էության, ասում է, որ Ղարաբաղը Ռուսաստանինն է, այսինքն` Ռուսաստանը կորոշի Ղարաբաղի ճակատագիրը: Սա ռուսական կողմի համար շատ կարևոր խաղաքարտ էր, որպեսզի ադրբեջանցիներին ասեն, որ Ղարաբաղի հարցի շուրջ տեղի ունեցող առևտուրն իրենց հետ է պետք անել»,- նշեց Ս. Դանիելյանը:
«Ժառանգություն» կուսակցության փոխնախագահ Արմեն Մարտիրոսյանը կարծիքով` ռուս-ադրբեջանական հարաբերությունների խորացման պատճառն այն է, որ Հայաստանն այլևս իրենից գործոն չի ներկայացնում: Ըստ նրա` Ռուսաստանը Հայաստանի հետ անում է այն, ինչ ուզում է, քանի որ, միևնույն է՝ Հայաստանի իշխանությունները որևէ կերպ չեն պատասխանում:
168.am-ի հետ զրույցում մեկնաբանելով Տեր-Պետրոսյանի հոդվածը` Արմեն Մարտիրոսյանը նշեց. «Այն, ինչ Տեր-Պետրոսյանն ասում է, մենք դրա մասին բազմիցս բարձրաձայնել ենք: Այնպես որ, գնահատականների մեծամասնությունը եղել է նախկինում արված մեր հարցազրույցներում և մեկնաբանություններում»:
«Ադրբեջանը Ռուսաստանի ռազմավարական գործընկերն է Հարավային Կովկասում»,- ադրբեջանական APA լրատվական գործակալության փոխանցմամբ՝ այսպիսի հայտարարություն է արել Ռուսաստանի Արտաքին գործերի նախարարության մամուլի քարտուղար Ալեքսանդր Լուկաշևիչը: Այս կապակցությամբ 168.am-ը մեկնաբանություն խնդրեց Հայաստանի Արտաքին գործերի նախարարության մամուլի քարտուղարից:
