Բենյամինը վերջին անգամ Ֆեյսբուքում գրառում էր կատարել մարտի 30-ին. «Երանի գա մի օր, ու էդ օրից ես գոնե առավոտ 8-ին գնամ գործի…»:
Եղոյանների հարևանն ասաց, որ Բենիամինը մի քանի ամիս առաջ էր ամուսնացել, ունի մեկ եղբայր, երկու քույր: Հայրը ՊՆ ֆիզպատրաստության բաժնի պետ գնդապետ Ներսես Եղոյանն է, Արցախյան շարժման առաջին մասնակիցներից է:
«Մեկ էլ երեխայի ձայն եմ լսում, մեկը՝ 12, մյուսը՝ 13 տարեկան: Մեկը մյուսին ասում՝ «Ա, քինանք էն սոտկեն գրավինք»: Ես ասի՝ «Ռաֆո, մենք գնում ենք, այս երեխաներին ո՞ւր ես տանում»: Ռաֆիկը գնաց, որ համոզի, երեխաները սկսեցին լացել, բայց իրենց թողեցինք ստորոտին ու մենք բարձրացանք: Այս 12 տարեկանն ասաց՝ «Աստված տա՝ սաղդ կոտորվեք, որ մեզ հետներդ չեք տանում»»,- պատերազմի օրերից հիշեց ազատամարտիկ կինը:
Ձեռքիս և կրծքավանդակի հատվածում ականի պայթյունից վիրավորում ստացած Միքայել Սարոյանն էլ ասաց, որ իրեն արդեն լավ է զգում: Նա նշեց, որ դեպքից ոչինչ չի հիշում: Միքայելյանը, արդեն 9 ամիս է, զինվորական ծառայության է անցել: Հարցին, թե՝ դու է՞լ ես այն զինվորներից, որ կռիվ են անում վերադառնալու համար, նա պատասխանեց՝ անպայման:
Այսօր «Եռաբլուրում» տեղի ունեցավ հակառակորդի գնդակից զոհված մայոր Հայկ Թորոյանի հուղարկավորության արարողությունը: Հայկը զոհվել է Մատաղիսի պաշտպանության ժամանակ: Նա 30 տարեկան էր, ընտանիքի միակ տղան:
«Գտնում եմ՝ պետք չէ խոսել տոնի մասին, որովհետև չի կարող լինել տոն, երբ մենք ունեցանք այդքան կորուստներ»,- այսօր՝ Մայրության և գեղեցկության տոնի առթիվ հրավիրված ասուլիսի ժամանակ նման տեսակետ հայտնեց ԱԺ պատգամավոր Ռուզաննա Մուրադյան:
«Հայկն իմ դասակից է եղել, ես էի ջոկի հրամանատարը, ինքը սովորում էր մեծ պատասխանատվությամբ, առաջադեմ էր: Կարմիր դիպլոմով է ավարտել, մեր հայրենքի արժանի սպա, որդի: Ասում էր՝ ամռանն ամուսնանալու եմ, նպատակներ ուներ: Ես հիմա մի մեծ, ծանր վիշտ եմ զգում, որովհետև չեմ պատկերացնում, որ ֆիզիկապես մեր կողքին չէ, դա շատ ծանր կորուստ է մեզ համար, մեր ազգի համար»,- պատմեց Հ. Հակոբյանը:
«Այս ամենը եղավ, որ կրակը բերեն Հարավային Կովկաս: Եթե մեր սահմանը Հայաստանով և Ռուսաստանով պաշտպանված չլիներ, սա ուղիղ կշարժվեր Հայաստան, ու ոչ մեկն այդ գերտերություններից ծպտուն չէր հանի: Մենք այսօր շատ վատ վիճակի մեջ ենք գտնվում այդ առումով: Մենք միշտ պետք է պատրաստ լինենք, որ մեր հանդեպ այդ սրիկայությունն անելու են»,- նշեց Գ. Եղիազարյանը:
Գ. Եղիազարյանի համար զարմանալի է, որ Ա. Արշակյանն ամբողջ մեղավորությունը գցում է Շ. Քոչարյանի վրա՝ առանց Արտգործնախարար Էդվարդ Նալբանդյանին անդրադառնալու. «Խեղճ ու կրակը Շավարշն է՞ր, որ քարը խփենք գլխին»: Ի պատասխան՝ Ա. Արշակյանն ասաց, որ «հայ դիվանագիտությունը հաղթել է, Նալբանդյանը հաղթել է»:
Հայ-ռուսական (Սլավոնական) համալսարանի տնտեսագիտության և բիզնեսի ինստիտուտի տնօրեն, ինստիտուտի գիտական խորհրդի նախագահ, ՀՀ ֆինանսների և էկոնոմիկայի նախկին նախարար Էդվարդ Սանդոյանը նույնպես ներկա էր Ռուբենի հուղարկավորմանը:
Սբ. Աստվածածին եկեղեցում տեղի է ունենում հակառակորդի կողմից զոհված մայոր Հայկ Վահանի Թորոյանի (ծնված 1985թ.) հոգեհանգստի արարողությունը:
Քիչ առաջ տեղի ունեցավ ղարաբաղաադրբեջանական սահմանի շփման գծում հակառակորդի կողմից զոհված Ռուբեն Իսկանդարյանի հուղարկավորության արարողությունը: Ռուբեն Իսկանդարյանը ծնվել էր 1993թ., ավարտել էր Հայ-ռուսական (Սլավոնական) համալսարանը:
«Սասուն ջան, պետք է վստահ լինես, որ մենք շարունակելու ենք քո և քո ընկերների սուրբ գործը: Հանգչիր խաղաղությամբ, հայրենիքի զինվոր»,- ասաց Սերժ Սարգսյանը:
Երևանի Սուրբ Հովհաննես եկեղեցում տեղի ունեցավ զոհված զինծառայող Սասուն Մկրտչյանի հրաժեշտի արարողությունը: Եկեղեցին բազմամարդ էր. նրան վերջին հրաժեշտը տալու էին եկել ոչ միայն նրա հարազատները, ընկերներ, այլև բազմաթիվ այլ քաղաքացիներ:
«Մենք 1915 թվականին պատերազմ չէինք, ուզում, բայց միլիոնուկես մարդ զոհվեց, հիմա պետք է ճանաչենք Արցախի անկախությունը, պատրաստ լինել պատերազմին ու վերջ տալ այս անորոշ իրավիճակին, հայտարարել տոտալ մոբիլիզացիա, ամեն մի հայ դառնա ռումբ, ու մենք ցույց տանք, Ադրբեջանի հետ խոսենք այն լեզվով, որով ինքն է խոսում մեզ հետ»:
«Երբ ես զանգեցի իրեն՝ ասացի՝ «ո՞նց է վիճակը», ասաց՝ «հոպար, ամեն ինչ լավ է», ասացի՝ «գլուխդ ցածր պահի՝ «Աշխարհաբեկի» կինոյի նման», խնդաց ու ասաց՝ «արխային, գրաված հետ եմ գալու», ու այսպես եղավ»:
«Գլխավոր խնդիրը լուծված չէ, մեր գործողություններն ուղղված են, որ հետագայում կանխվեն նման քայլերը, և այսօր մեր բանակը գործում է այդ ուղղությամբ, ու բնական է, որ մենք ամեն ինչ անում ենք, որ վերադարձնենք այն շփման գծի փոփոխությունները, որոնք կան»,- այսօր տեղի ունեցած քննարկման ժամանակ նման տեսակետ հայտնեց ՀՀ պաշտպանության նախկին նախարար Վաղարշակ Հարությունյանը՝ խոսելով սահմանային լարված իրավիճակի մասին:
Կա մեծ ոգևորություն, մարտական ոգին բարձր է՝ թե՛ ժողովրդի, թե՛ բանակի, և թե՛ կամավորների
«Լուրեր կան, որ Նախիջևանի կողմից իսլամիստներ են հավաքվում, այսինքն՝ նույն Սիրիայի խնդիրը կա, եթե նրանք փախել են սիրիական ռազմաճակատից ու լցվել են Թուրքիա, Էրդողանին ձեռք չի տալիս պահել վառոդի տակառ սեփական երկրում, նրանց պետք է զբաղված պահել, լուրեր եղան, որ իրենք արդեն իսկ մասնակցել են պատերազմական գործողությունների»:
«Այս իրավիճակի սրումն անսպասելի էր բնակչության համար, իսկ մեր բանակը ցույց տվեց, որ մեր բանակի համար այն անսպասելի չի եղել. այն ծրագիրը, ինչ Ադրբեջանն էր մշակել, ձախողվել է»,- այսօր հրավիրված քննարկման ժամանակ` խոսելով ղարբաղաադրբեջանական սահմանային լարված իրավիճակի մասին՝ նման տեսակետ հայտնեց ՀՀ պաշտպանության նախկին նախարար Վաղարշակ Հարությունյանը: Ըստ նախկին նախարարի՝ ակնհայտ է, որ Ադրբեջանը խնդիր չի դրել պատերազմ սկսելու, այլ ունենալով տարբեր նպատակներ՝ ներքին և արտաքին, ցանկանում է փոխել շփման գծի դասավորությունը՝ ի օգուտ իրեն.
168.am-ի հարցին, թե իրավիճակի վրա ի՞նչ ազդեցություն կարող է ունենալ ԵԽ ԽՎ նախագահ Պեդրո Ագրամունտի երեկվա այն հայտարարությունը, թե հայկական զորքերը պետք է դուրս բերեն ադրբեջանական օկուպացված տարածքներից, Վ. Վարդանովը պատասխանեց, որ չի բացառվում, որ հատուկ են անում, որ թուրքը ոգևորվի. «Բայց իրենք շատ ավելի մեծ կորուստներ են ունենում»:
«Արդեն որքան ժամանակ է՝ այդ անձնավորությունը, այդ նոր ընտրված նախագահը միակողմանի այդ գիծն է տանում»,-168.am-ի հետ զրույցում խոսելով ԵԽԽՎ նախագահ Պեդրո Ագրամունտի կոչի մասին՝ նման տեսակետ արտահայտեց Ռազմավարական և ազգային հետազոտությունների հայկական կենտրոնի (ՌԱՀՀԿ) հետազոտական տնօրեն Մանվել Սարգսյանը:
«Ես դատապարտում եմ ԵԽ ԽՎ նախագահի հայտարարությունը՝ և՛ իմ անունից, և՛ կուսակցության»,-168.am-ի հետ զրույցում ասաց «Լուսավոր Հայաստան» կուսակցության նախագահ, Ազգային Ժողովի պատգամավոր Էդմոն Մարուքյանը:
«Կարծում եմ՝ Հայաստանը պետք է բավական լավ ստարտեգիա մշակի այս կառույցի դիրքերն ամրապնդելու ուղղությամբ, որը ոչ միայն Արևմուտքին թույլ կտա պահպանել խաղաղությունը տարածաշրջանում, այլ նաև Հայաստանին թույլ կտա անել: Այս կտրվածքով՝ իհարկե միայն հույսը դնել տարբեր լիդերների հայտարարությունների վրա՝ քիչ է, բայց եկեք չթերագնահատենք մի բան՝ այս հայտարարությունները մի բան են ցույց տալիս. պատերազմ սանձազերծողը խնդիր է ունենալու: Այդ կոչերն այնքանով են կարևոր, որ գոնե Ադրբեջանը պետք է հասկանա, որ ինքն իր ռազմական ավանտյուրան միջագայնորեն լեգիտիմացնելու խնդիր է ունենալու, սա թերևս կարևոր բան է»:
Ղարաբաղաադրբեջանական սահմանում Ադրբեջանի գործողությունները պայմանավորված են այն «սառն» ընդունելությամբ, որ Իլհամ Ալիևը ստացավ Վաշինգտոն կատարած այցի ժամանակ: Այս կարծիքին է ԱԺ «Ժառանգություն» խմբակցության պատգամավոր Թևան Պողոսյանը, ով 168.am-ի հետ զրույցում տեսակետ հայտնեց, որ Ի. Ալիևը փորձել է մինչև իր ամերիկյան այցելությունը մի քանի քայլերի գնալ, սակայն նա, կարծես, Վաշինգտոնում սառն ընդունելության է արժանացել:
«Վնասված կայքեր չկան, առնվազն ես տեղյակ չեմ»,- 168.am-ի հետ զրույցում այս մասին ասաց տեղեկատվության անվտանգության մասնագետ Սամվել Մարտիրոսյանը:
Նրա խոսքով՝ մեր դիրքապահները ոչնչացրել են ադրբեջանական դիվերսիոն խմբի «պռախոդն» ապահովող խումբը և դիվերսիոն խումբը. «Իրենց դիակները հանելու համար՝ մեծ ուժեր են ներգրավել, անգամ՝ ուղղաթիռ, այդ ուղղաթիռը մերոնք խփել են, ինչի՞ մասին է դա խոսում, չի բացառվում, որ դրանք օսման թուրքերի սպեցնազը լինի, որոնք չեն կարողանում խառնել այնտեղ՝ Սիրիայում, ռուսների հետ դուխները չի հերիքում, փորձում են ստեղ անեն՝ մտածելով, որ մենք ռուսից թույլ ենք, այստեղ ազերիների ձեռքով մի բան կանեն, բայց մերոնք շատ լավ ամեն ինչը դրել են իրենց տեղը»:
Գ. Իսագուլյանի խոսքով՝ մենք իրավունք չունենք թուլանալու և հնարավորություն տալու, որ Ադրբեջանն առաջնային գծում ինչ-որ հաջողություններ ունենա. «Կարծում եմ՝ նույնիսկ մենք ստիպված ենք լինելու անհրաժեշտության դեպքում կանխարգելիչ հարվածներ հասցնել: Իհարկե, ամեն մի զոհը մեզ համար շատ թանկ է, հիմա ամբողջ ուժերը մոբիլիզացրել են, այդ առումով մենք խնդիր չունենք, բոլոր պաշտոնատար անձինք պետք է այսօր ԼՂՀ-ում լինեին, այնտեղ են, ես ինքս ճանապարհին եմ: Կարծում եմ՝ այդ առումով մենք ամեն ինչ կանենք, որ կարողանանք այդ խնդիրը շատ արագ կարգավորել»:
«Ամեն անգամ նման միջազգային միջոցառումների շրջանակներում տեղի է ունենում այն, ինչ տեսնում եք»,- 168.am-ի հետ զրույցում ասաց ԱԺ ՀՀԿ խմբակցության պատգամավոր Կարեն Բեքարյանը՝ խոսելով սահմանային լարված իրավիճակի մասին:
«Կարծում եմ, որ միջազգային հանրությունը պետք է այս անգամ ավելի խիզախություն ունենա տարանջատելու թացը չորից ու հստակ գնահատականներ տալու ադրբեջանական իշխանությունների գործողություններին, եթե չեն ուզում, որ տարածաշրջանային լարվածության կայուն և արյունալի նոր օջախ լինի այստեղ, ինչը վտանգի տակ կդնի նաև մի շարք միջազգային շրջանակների էներգետիկ անվտանգության խնդիրները, և այլն»:
