«Սումգայիթյան դեպքերի վերաբերյալ փաստարկները կարելի է օգտագործել որպես անուղղակի ապացույցներ՝ ավելի լայն կոնտեքստով: Օրինակ՝ եթե պետությունը պետության դեմ դիմի ՄԱԿ-ի արդարադատության միջազգային դատարան: Կարծում եմ՝ վաղ թե ուշ Հայաստանն ու Ադրբեջանը հանդիպելու են այդտեղ, և հիմնական փաստարկներից մեկը լինելու է ռասիզմը»:
«1988 թ.նույեմբերին, երբ Մոսկվայում Սումգայիթի ոճրագործների հանդեպ ընթանում էր դատավարություններից մեկը, Բաքվում կազմակերպվեցին հանրահավաքներ, որոնց ժամանակ պաստառներ էին պահում, որոնց վրա գրված էր՝ «Փա՛ռք Սումգայիթի հերոսներին»: Հայերին սպանողների հերոսացման ավանդույթը շարունակվեց նաև Մարաղայում: Այսօր ունենք օրինակ. Քարվաճառում 17-ամյա Ս.Ցականյանին սպանած դիվերսանտները դատապարտվել են Արցախի Հանրապետության կողմից,Ալիևն ամեն կերպ փորձում է այդ մարդկանց հետ վերադարձնել, որպեսզի հերոսացնեն»:
1988թ. փետրվարի 27-ից Բաքվից 20 կիլոմետր հեռավորության վրա գտնվող Սումգայիթ քաղաքում ադրբեջանական իշխանությունները սկսեցին հայ բնակչության բնաջնջումը, որն ուղեկցվում էր հայերի ունեցվածքի թալանով և ոչնչացմամբ: ԽՍՀՄ ղեկավարության լռության պայմաններում երեք օրվա կոտորածների ընթացքում վիրավորվեցին և սպանվեցին բազմաթիվ մարդիկ, ընդ որում՝ սպանվածների մի մասը տանջամահ էր արվել, իսկ դիակներն այրել էին:
«Այսօր բժիշկների միջազգային կազմակերպությունը խորհուրդ է տալիս օրը 4-5 բաժակ սուրճ օգտագործել, քանի որ այն դրականորեն է անդրադառնում սիրտ-անոթային համակարգի վրա, աղեստամոքսային տրակտի, հատկապես լյարդի վրա»,- լրագրողների հետ հանդիպման ժամանակ ասաց սննդաբան Հասմիկ Աբովյանը՝ հավելելով, որ հետազոտություններն ապացուցել են՝ սուրճը պաշտպանում է լյարդի ցիռոզից:
Քառասնորդական պահքն այս տարի սկսվում է փետրվարի 24-ից և, ներառելով նաև Ավագ Շաբաթը, շարունակվում մինչև ապրիլի 12-ը` Սուրբ Զատիկ: Մեծ Պահքը տևում է 48 օր` Բուն Բարեկենդանից մինչև Սուրբ Զատիկ կամ Հարության տոն: Պահքի վերջին` Ավագ շաբաթը, ամենախիստն է համարվում։
Պահքերից առաջինն ու Մեծը սուրբ Քառասնորդացն է, որ օրինադրեցին ու պահեցին մարգարեները, որը նաև Քրիստոս պատվեց և մեզ ավանդեց: Պահքը սկսվում է Բարեկենդանին և ավարտվում Զատկին, և այն «Քառասնորդաց» է կոչվում, որովհետև պահոց երկրորդ կիրակիից մինչև Տիրոջ ընթրիքը կազմում է քառասուն օր: Այս պահքը կոչվում է նաև «Աղուհացից», որովհետև նախկինում այս պահքի կերակուրն աղ ու հաց է եղել: Այսպես պահել են հավատացյալներն առաքյալների ու առաջին հայրապետների ժամանակներում, երբ դեռ ջերմեռանդ էին քրիստոնեական հավատի մեջ, իսկ այնուհետև թուլանալով` աստիճանաբար սկսեցին ուտել նաև այլ կերակուրներ:
Հեղափոխությունից հետո դադարեցվել էր «Երիտասարդ գիտնականների աջակցություն» ծրագրի (ԵԳԱԾ) ֆինանսավորումը: Պատճառը Երիտասարդական հիմնադրամի հետ կապված խնդիրներն են եղել, որը հանդիսացել է հիմնական ֆինանսական խողովակը:
Գայանե Ղուկասյանը, ով անչափահաս երեք երեխաների հետ վարձով է բնակվում, օգնության կարիք ունի: Ասում է՝ չի կարողանում վճարել տան վարձը, որը 70.000 դրամ է, երեխաներից երկուսն ունեն առողջական խնդիրներ, դեղեր չի կարողանում գնել: «Մեծ տղաս ունի առողջական խնդիր, աղջիկս ու ես՝ նույնպես: Տղաս 9-րդ դասարանում է սովորում, միջնեկ աղջիկս՝ 10, փոքր աղջիկս էլ՝ 7 տարեկան […]
«Շատերն են խոսում այն մասին, որ շները պետք է պահվեն կացարաններում, ինչը նույնպես հնարավոր չէ: Սերունդները մեծամասամբ հայտնվում են դրսում, և ամբողջ հանրապետությունում ունենք չլուծված հարց: Այսինքն, հիմա, եթե բոլոր շներին տանենք կացարան, հաջորդ տարի նույն պատկերն ենք ունենալու: Շների ագրեսիան լինում է զուգավորման շրջանում, ձագերին պաշտպանելու ժամանակ: Սակայն հիմա, քանի որ բոլոր շները ստերջացված չեն, բավական է՝ ոհմակի մեջ լինի մեկ չստերջացված շուն, որպեսզի նրանք բնազդորեն հիշեն զուգավորման շրջանը»,- մանրամասնեց Երևանի ավագանու անդամը:
«Չգիտենք, թե այս հարցն ինչպե՞ս է լուծվելու: Մորթի ենթակա խոզ, ցուլ ունենք, բայց սպանդանոց չկա: Իսկ եթե այս պայմաններում մորթ իրականացնենք, միսը չենք կարողանալու վաճառել, որովհետև Երևանի սուպերմարկետներում միայն սպանդանոցներից են միս վերցնում: Բա մենք ի՞նչ անենք այս դեպքում»,- 168.am-ի հետ զրույցում ասացին գյուղացիները:
Յալաջյան Գարեգինը, ով Վարդաշենի անօթևանների ժամանակավոր կացարանում է բնակվում, ահազանգում է՝ իրեն ու մորը տնօրինությունը երեք ամիս ժամանակ է տվել, որպեսզի հեռանան այնտեղից, իսկ իրենք գնալու տեղ չունեն։
Աճեմյան փողոցի 227 տան սեփականատեր Ավետիք Չախալյանն ահազանգում է՝ Արցախի փողոցի 13/1 հասցեում հասարակական նշանակության օբյեկտի կառուցման հետևանքով իր սեփականության իրավունքը խախտվել է:
«Ես ականատես եղա, թե ինչպես էր ԱԺ Անվտանգության հարցերի մշտական հանձնաժողովի նախագահ Անդրանիկ Քոչարյանի որդին՝ Լևոն Քոչարյանը, ամեն գնով պաշտպանում իր որդուն՝ որպեսզի 26-ամյա երիտասարդը ստանա գիտական աստիճան և չմեկնի բանակ՝ ծառայելու: Սա նշանակում է, որ շատ մտածելու բան ունենք»,- նման կարծիք լրագրողների հետ հանդիպման ժամանակ հայտնեց «Այլընտրանքային քաղաքապետարան» նախաձեռնության անդամ Սոնա Աղեկյանը:
«Նիկոլ Փաշինյանը սահմանադրական փոփոխությունների համար անընդհատ, որպես փաստարկ, ներկայացնում է, որ ՍԴ նախագահ Հրայր Թովմասյանը լեգիտիմ չի, այդ դեպքում անհասկանալի է՝ ինչո՞ւ նա խնդիր չունի նախագահ Արմեն Սարգսյանի հետ, որովհետև նույն կազմն ընտրել է նախագահին»,- այսօր լրագրողների հետ զրույցում ասաց «Ադեկվադ» միաբանության անդամ Կոնստանտին Տեր-Նակալյանը՝ հավելելով, որ վարչապետի մոտ պետք է նաև նախագահ Արմեն Սարգսյանի լեգիտիմության հարցն առաջանա, քանի որ վերջինին ևս նախկին իշխանությունն է բերել քաղաքական դաշտ:
Politik.am լրատվականի խմբագիր Բորիս Մուրազիից լրագրողները հետաքրքրվեցին, թե որտեղի՞ց այն ինֆորմացիան, որ Գագիկ Ջհանգիրյանը դառնալու է Սահմանադրական դատարանի դատավոր:
Թափառող շների հարձակումներից բողոքող մարդկանց թիվն ավելացել է, իսկ համացանցում սկսել են ակտիվորեն տարածել շների հարձակումներից տուժած երեխաների լուսանկարներ։ Նման դեպքեր արձանագրվում են և՛ մարզերում, և՛ մայրաքաղաքում:
168.am-ը փետրվարի 9-ին «Մինչև մի քանի մանկապարտեզի երեխա չթունավորվի, չեն հասկանա, թե ինչ է կատարվում. ո՞րն է ձվի գնի նվազման իրական պատճառը» վերնագրով հրապարակման մեջ անդրադարձել էր Հայաստանում ձվի գնի նվազմանը: Պատճառը սննդային ձվի գերարտադրությունն էր, որին և մեզ հետ զրույցում անդրադարձել էին թռչնաֆաբրիկաների ներկայացուցիչները:
«Մանվել Գրիգորյանի գործը գտնվում է Մարդու իրավունքների եվրոպական դատարանի տիրույթում՝ անօրինական կալանքի և խոշտանգման փաստի հետ կապված»,- լրագրողների հետ հանդիպման ժամանակ ասաց Ազգային ժողովի նախկին պատգամավոր, ԵԿՄ նախկին նախագահ Մանվել Գրիգորյանի փաստաբանական թիմի անդամ Լևոն Բաղդասարյանը՝ հայտնելով, որ երեկ՝ փետրվարի 18-ին, ստացել են ՄԻԵԴ որոշումը, համաձայն որի՝ հաշվի առնելով այն հանգամանքը, որ Մանվել Գրիգորյանի խափանում-կալանքը փոխվել է արդեն, առաջնայնությունը հանել են և գործը լսելու են սովորական ընթացակարգով:
ԽՍՀՄ բռնցքամարտի նախկին չեմպիոն Արմեն Խալոյանը մոտ 17 տարի գիշերում է դրսում: Ասում է՝ 2003 թվականին վերադառնալով Հայաստան՝ իմացել է, որ իր և մայրիկի համատեղ սեփականությունը վաճառվել է ինչ-որ անձի կողմից՝ մոր անունից:
«Մեկ մարդը պարտավոր չէ բոլոր ոլորտներում գիտակ լինել, սակայն պետք է լինեն այնպիսի կենտրոններ, որոնք համապատասխան ոլորտներից համապատասխան տեղեկատվություն մատչելի ձևով կներկայացնեն, որպեսզի ցանկացած նման հանդիպմանը պատրաստ գնանք, և չստացվի այնպես, որ կողքին նստածը կարող է ինչ-որ հեքիաթներ պատմել,- նման կարծիք լրագրողների հետ հանդիպման ժամանակ հայտնեց Ադրբեջանահայերի ասամբլեայի ղեկավար Գրիգորի Այվազյանը՝ հավելելով,- Հայաստանում պետք է ստեղծվեն մասնագիտական ադրբեջանագիտական կենտրոններ, որտեղ համապատասխան տեղեկություններ կմշակեն և կներկայացնեն մեր երկրի ղեկավարությանը»:
«Այնքան էլ զարմանալի չէր, որ Ադրբեջանի դիկտատորը լկտիաբար ու քմծիծաղով նայում էր իրենց շուրջ կատարվածին ու փորձում էր պատմության էժանագին դասեր տալ հավաքվածներին՝ ինչ-որ հեքիաթներ պատմելով ինքնորոշման մասին, բարբաջելով 19-րդ դարում Երևանում 70 տոկոս կազմող ինչ-որ ադրբեջանցիների մասին, այն պարագայում, երբ միանգամից դեմքին պետք է ասվեր, որ Ադրբեջան պետությունն ընդամենը 1918 թվականին է ստեղծվել՝ Անդրկովկաս թուրքական բանակների ներխուժման պարագայում, իսկ ադրբեջանցի ազգ ընդհանրապես գոյություն չունի, 1936 թվականին են այս տերմինը լայն շրջանառության մեջ դրել»,- լրագրողների հետ հանդիպման ժամանակ ասաց Ադրբեջանահայերի ասամբլեայի ղեկավար Գրիգորի Այվազյանը:
ՀՀ գյուղատնտեսության ոլորտում ներդրվել է ապահովագրական համակարգի փորձնական ծրագիրը, որի հիմքում ընկած է գյուղատնտեսության ոլորտում ռիսկերի կայունությունը: Ծրագրի մեկնարկային փուլում՝ 2019թ. աշնանը, 2020 թվականի գյուղատնտեսական սեզոնի համար «կարկուտ և հրդեհ», «գարնանային ցրտահարում» ռիսկերից ապահովագրվում էին 2 մշակաբույս՝ ծիրան և խաղող: Կարկուտի և հրդեհի դեպքում ընտրվել է 6 մարզ՝ Արարատ, Արմավիր, Արագածոտն, Կոտայք, Վայոց Ձոր և Տավուշ, իսկ գարնանային ցրտահարման դեպքում՝ 2 մարզ. Արարատ, Արմավիր: 2020 թվականի փետրվարի 5-ից ապահովագրվող մշակաբույսերի ցանկում ընդգրկվել են նաև խնձորը, դեղձը, աշնանացան գարի/ցորենը և գարնանային գարի/ցորենը:
ՀՀ գյուղատնտեսության ոլորտում ներդրվել է ապահովագրական համակարգի փորձնական ծրագիրը, որի հիմքում ընկած է գյուղատնտեսության ոլորտում ռիսկերի կայունությունը: Եթե 2019թ. աշնանը 2020 թվականի գյուղատնտեսական սեզոնի համար «կարկուտ և հրդեհ», «գարնանային ցրտահարում» ռիսկերից ապահովագրվում էին 2 մշակաբույս՝ ծիրան և խաղող, ապա 2020 թվականի փետրվարի 5-ից ապահովագրվող մշակաբույսերի ցանկում ընդգրկվել են նաև խնձորը, դեղձը, աշնանացան գարի/ցորենը և գարնանային գարի/ցորենը:
«Անցած շաբաթ ևս մեկ ամսվա աշխատավարձ վճարեցին, մնացել է երեք ամսվա աշխատավարձ՝ գումարած վերջնահաշվարկը: Աշխատանք չունենք, օդով ենք ապրում: Առայժմ սպասում ենք, հուսանք, որ լավ կլինի: Ալավերդիում այլ աշխատատեղ չկա, քաղաքը գործարանի հիման վրա է ստեղծվել: Թեղուտում էլ 600-ից 50 հոգի կարողացավ աշխատանք գտնել, մնացած էլ իրենց «գլխի ճարը» մի կերպ տեսնում են: Մեկը մյուսից պարտք վերցնելով՝ ապրում է»,- 168.am-ի հետ զրույցում ասացին գործարանի արդեն նախկին աշխատակիցները:
«Վերջին երկու տարվա մեջ ականատես ենք Արցախի հարցում շատ լուրջ զարգացումների: Ինչքան էլ իշխանության ներկայացուցիչներն ասեն, որ բանակցություններ տեղի չեն ունենում, սեղանին թուղթ չկա, մենք տեսնում ենք, որ խայտաբղետ հայտարարություններ կան տարբեր տեղերից»,- լրագրողների հետ հանդիպման ժամանակ ասաց «Ադեկվադ»,- միաբանության անդամ Արա Վարդանյանը:
Շիրակի պետական համալսարանի կառավարման ամբիոնի դասախոս Արթուր Համբարձումյանի խոսքով՝ այն, ինչ կատարվում է Սահմանադրական դատարանի հետ, իր համար դեժավյու է:
«Մենք այսօր տեսնում ենք, որ իշխանությունն անցած երկու տարվա մեջ շատ հարցերում գնացել է ինչ-որ քայլերի և կեսից հետ կանգնել, օրինակ՝ Ամուլսարը: Իշխանությունն այդ հարցն առկախել է օդում՝ չկա հարցի լուծում, կա վտանգ, որ Ամուլսարի սեփականատերերը կդիմեն միջազգային դատարաններ, և արդյունքում կարող են մինչև 2.5 միլիարդ դոլարի վնասների փոխհատուցում պահանջել: Տեսնում ենք մի խնդիր, որտեղ կա դիմադրություն, և Նիկոլ Փաշինյանը չի գնում այն կոտրելու»,- լրագրողների հետ հանդիպման ժամանակ ասաց «Ադեկվադ» միաբանության անդամ Արա Վարդանյանը:
Մամուլում տեղեկություն է հայտնվել այն մասին, որ ավտոմեքենաների առք ու վաճառքով զբաղվող անձինք շուտով պատրաստվում են «սև կիրակի» հայտարարել և վաճառել ներկրած մեքենաները։ 168.am-ի հետ զրույցում մի շարք ավտոներկրողներ հերքեցին այս տեղեկությունը:
Այսօր՝ փետրվարի 13-ին, կայացավ կառավարության հերթական նիստը, որի օրակարգում, ըստ e-gov.am կայքում հրապարակված օրակարգի, ընդգրկված էր 35 հարց, զեկուցվեցին 6-ը, իսկ մեկը հանված էր օրակարգից։ Չզեկուցվողներից էր «Փայտարվեստի թանգարան» պետական ոչ առևտրային կազմակերպությունը «Հովհաննես Շարամբեյանի անվան ժողովրդական ստեղծագործության կենտրոն» պետական ոչ առևտրային կազմակերպությանը միացնելու որոշումը:
«ՀՀ սահմանադրությունը փոփոխման կարիք ունի, տարիներ շարունակ այդ մասին բարձրաձայնել ենք: Բայց այստեղ հարցն այլ է. արդյո՞ք մենք գնում ենք սահմանադրությունը փոխելու հանրաքվեի: Կարծես թե գնում ենք Սահմանադրական դատարանի հարցը լուծելու: Սա անհասկանալի վիճակ է»,- լրագրողների հետ հանդիպման ժամանակ ասաց երաժիշտ Եղիշե Պետրոսյանը:
