5 երեխա ունեցող ընտանիքն օգնության կարիք ունի․ հագուստ և սնունդ է անհրաժեշտ
4, 5, 6, 8 և 1,5 տարեկան երեխաների ծնողներն օգնության կարիք ունեն։ «Աշխատում էի կթվոր, սակայն գլխի վիրահատությունից հետո չեմ կարողանում այդ աշխատանքը կատարել։ Ամուսինս էլ անասնապահ է, ստանում է 70․000 դրամ։ Մեծ տղաս դպրոցական է, սակայն հագուստ և կոշիկ չունենալու պատճառով դպրոց չեմ ուղարկել՝ մոտավորապես 40 ժամ բացակա ուներ նախքան արտակարգ դրություն հայտարարելը։ Մյուս տղաներիս էլ մանկապարտեզ չեմ ուղարկում գումարի պատճառով»,- 168.am-ի հետ զրույցում ասաց քաղաքացին։
Հարցին՝ նպաստ ստանո՞ւմ եք, նա պատասխանեց․
«Ստանում ենք նպաստ՝ 40․000 դրամ, բայց էլի գումարը չի հերիքում ապրելու համար։ Խանութներից սնունդը պարտքով էի վերցնում, սակայն հիմա չեն տալիս, ու երեխաներս սոված են։ Եթե բարձր աշխատավարձով անասնապահի աշխատատեղ լինի՝ կաշխատենք»։
Քաղաքացու հետ կապ կարող եք հաստատել նշված հեռախոսահամարի միջոցով՝ 098687326
