Գործադիրն ընդունել է «Գնման պայմանագրեր կնքելու թույլտվություն տալու մասին» որոշում, որը մշակվել է ՀՀ Նախագահի մոտ 2016թ. նոյեմբերի 2-ին կայացած խորհրդակցության ընթացքում արված առաջարկությունների հիման վրա: Որոշմամբ թույլատրվել է Երևանի քաղաքապետին երկկողմանի համաձայնությամբ ամբողջությամբ լուծել Երևանի քաղաքապետարանի և «Փարկինգ Սիթի Սերվիս» և «Լոկատոր» ՓԲԸ-ների կոնսորցիումի հետ 2013թ. ապրիլի 4-ին կնքված «Երևան քաղաքում ավտոկայանատեղերի կազմակերպման ծառայությունների մատուցման գնման» համապատասխան պայմանագիրը:
Անկարան հանդես է գալիս Սիրիայի տարածքային ամբողջականության օգտին, հայտարարել է Թուրքիայի արտգործնախարար Մևլյութ Չավուշօղլուն։
Կառավարությունը հաստատել է ՀՀ բարձրագույն ուսումնական հաստատությունների բակալավրի ու անընդհատ և ինտեգրացված կրթական ծրագրերով 2017/2018 ուսումնական տարվա մասնագիտությունների ու ընդունելության քննությունների ցանկը:
Դեկտեմբերի 2-ին, 3-ի գիշերը, 6-ին սպասվում են տեղումներ, բարձրադիր վայրերում՝ թաց ձյուն, ցածրադիր գոտիներում՝ ձնախառն անձրև: 3-ի ցերեկը, 4-5-ը սպասվում է առանց տեղումների եղանակ:
Կառավարությունը համաձայնություն է տվել «Հայաստանի Հանրապետության կառավարության և Ռուսաստանի Դաշնության կառավարության միջև Հայաստանի Հանրապետություն բնական գազի առաքման ժամանակ գների ձևավորման կարգի վերաբերյալ 2013թ. դեկտեմբերի 2-ի համաձայնագրում փոփոխություններ կատարելու մասին» արձանագրության կնքման առաջարկությանը:
Թուրքիան պարտավոր չէ մշտապես պաշտպանել Եվրոպան տարածաշրջանային սպառնալիքներից, Անկարայի համբերությունը սպառվում է, հայտարարել է Թուրքիայի վարչապետ Բինալի Յըլդըրըմը։
Ադրբեջանական ԶԼՄ-ներն օրերս հրապարակել էին ադրբեջանցի 70-ամյա կինոգործիչ Ռամիզ Ֆաթալիևի բաց նամակը, որտեղ նա կոչ էր արել Սոսո Պավլիաշվիլիին՝ հրաժարվել Բաքվում կայանալիք բարեգործական համերգից և չգնալ Ադրբեջան: Ֆաթալիևը հայտարարել է, թե Պավլիաշվիլին, որը առաջիններից մեկն է Լեռնային Ղարաբաղի հակամարտության ժամանակ համերգներով այցելել Հայաստան, իրավունք չունի ելույթ ունենալ Բաքվում։ Անդրադառնալով իր դեմ սկսված արշավին մամուլով ու համացանցում՝ Պավլիաշվիլին դա համարել էր ոչ տղամարդկային քայլ։
Անգլիայի ֆուտբոլի ֆեդերացիան հաստատել է Գարեթ Սաութգեյթին՝ որպես հավաքականի նոր գլխավոր մարզիչ: Պայմանագիրը մասնագետի հետ նախատեսված է 4 տարվա համար: Սաութգեյթը «3 առյուծների» գլխավոր մարզչի պարտականություններն էր կատարում Անգլիայի ֆուտբոլի ֆեդերացիայի կողմից Սեմ Էլարդայսի հետ պայմանագրի խզումից հետո:
Տեսագրության վերջում զինյալն անգլերեն ասում է. Yes, Hezbollah!, իսկ զինծառայողները ժպտալով կրկնում են դա։ Հիշեցնենք, որ «Հեզբոլլահի» զինյալները ակտիվորեն մասնակցում են Սիրիայի ռազմական գործողություններին Բաշար Ասադի կողմից։
«Վերստին ու վերստին ես օգտագործելու եմ տնտեսական ու քաղաքական օլիգարխիա ձեւակերպումը: Մենք սրընթաց այդ ուղղությամբ ենք շարժվում, եթե երկրում տեղի չունենա քաղաքական հեղափոխություն»,- ասել է Սանդերսը Rolling Stone հանդեսին տված հարցազրույցում:
«Փոխարժեքի փոփոխության գործոնով պայմանավորված՝ եկամուտների գծով առաջարկվում է պակասեցնել այլ եկամուտները` շուրջ 11.3 մլն դրամով, պաշտոնական դրամաշնորհների գծով մուտքերը պակասեցնել շուրջ 77.1 մլն դրամով: Արդյունքում ՀՀ 2017 թվականի պետական բյուջեի նախագծի ներկայացված վերջնական տարբերակում առաջարկվում է եկամուտները կրճատե լ շուրջ 88.4 մլն դրամով»,- ասաց նա՝ ավելացնելով, որ եկամուտների պակասեցվող գումարի չափով առաջարկվում է պակասեցնել նաև ծախսերի ծավալը:
Սիրիական ընդդիմությունն առանց ԱՄՆ-ի մասնակցության բանակցություններ է սկսել Ռուսաստանի հետ Հալեպի մարտերը դադարեցնելու նպատակով, գրում է Financial Times-ը՝ վկայակոչելով իր աղբյուրներին։
Կառավարությունը հավանություն տվեց Հիփոթեքային վարկառուների իրավունքներին առնչվող օրենսդրական փաթեթին: ՀՀ կենտրոնական բանկի նախագահ Արթուր Ջավադյանը նշեց, որ նախագծի նպատակն է պաշտպանել հիփոթեքային վարկառուների շահերը:
Հետախուզական գերատեսչությունների ֆինանսավորման մասին օրենքում 2017թ. հայտնվել է կետ, որում ասվում է «Ռուսաստանի ակտիվ քայլերին հակազդելու մասին, որը գաղտնի ազդեցություն է ապահովում ժողովուրդների և կառավարությունների վրա», այդ թվում՝ ԶԼՄ-ների ու գործակալների ֆինանսավորման միջոցով։
Ռուսաստանի նախագահ Վլադիմիր Պուտինը և նրա թուրք գործընկեր Ռեջեփ Էրդողանը քննարկել են Սիրիայի հարցով Անկարայի հայտարարությունը, հայտարարել է Պուտինի օգնական Յուրի Ուշակովը։
Բերված հանձնուքում եղած կոշիկի քսուքի միջից հայտնաբերել են «B 8» գրառմամբ 1 դեղահաբ: Առգրավվածն ուղարկվել է դատաքիմիական փորձաքննության: Կատարվում է հետաքննություն:
Երկրի տարածքում տեղակայված է միացյալ ռուսական ռազմական բազա։ 2009թ. համաձայնագրի գործողության ժամկետը երկարաձգվել է 49 տարով, որը հնարավորություն ունի ավտոմատ կերպով ժամկետը երկրաձգել 25 տարով։
Հայաստանի դեմոկրատական կուսակցության նախագահ Արամ Սարգսյանը իր դիմումի համաձայն վայր է դրել Համաշխարհային հայկական կոնգրեսի առաջին փոխնախագահի լիազորությունները՝ անհրաժեշտ համարելով կենտրոնացնել ջանքերը գալիք խորհրդարանական ընտրություններին նախապատրաստվելու համար:
Աթամբաևը հայտնել է, որ չգիտի, թե ում կընտրի ժողովուրդը 2017 թվականին, սակայն «գլխավորը, որ մեկ մարդը չկարողանա երկիրը հետ շրջել»։ «Ինձ ուրախացնում է, որ մենք չենք ունենա իրավահաջորդ, դա նշանակում է, որ մենք կարողացել ենք կառուցել ժողովրդավարական երկիր։ Ես տեսնում եմ մի քանի թեկնածուի, սակայն հիմա նրանց անունները չեմ տա»,- հայտարարել է նա։
Երևանի Աբովյան փողոցի թիվ 48 հասցեի մոտից բերման են ենթարկել 1977 թ. ծնված Սուսաննա Թ.-ին, որը նոյեմբերի 17-ից հետախուզվում էր ՀՀ քրեական օրենսգրքի 324 հոդվածի 2-րդ մասի մեղադրանքով:
Ֆինլանդիայի առևտրի նախարար Կայ Միկանենը նշել է, որ Ռուսաստանը, չնայած պատժամիջոցներին, ֆիննական արտահանման՝ մեծությամբ հինգերորդ ուղղությունն է և ֆինն նախարարի խոսքով՝ «կարևոր է աջակցել Ռուսաստանում ֆիննական ընկերությունների աշխատանքին»։ Նա կոչ է արել չգերագնահատել համատեղ առևտրային հանձնաժողովի աշխատանքի վերսկսումը։ «Դրանում ոչ մի առանձնահատուկ բան չկա, ես դա չէի գերագնահատի»,- ասել է Կայ Միկանենը։
Ինչպես տեղեկացնում է ՀՖՖ Հավաքական թիմերի բաժինը, Հայաստանի ազգային հավաքականն ընկերական հանդիպում կանցկացնի Ուզբեկստանի ազգային հավաքականի հետ: Հանդիպումը տեղի կունենա փետրվարի 12-ին՝ ժամը 18:00-ին՝ Թուրքիայի Անթալյա քաղաքում:
Սիրիայի հարցով ՄԱԿ-ի հատուկ դեսպանորդ Ստաֆան դե Միստուրան նշել է, որ ռմբակոծությունների հետևանքով արևելյան Հալեպում «մարդասիրական ողբերգություն» է ծավալվում, ընդ որում, վիճակը գնալով վատանում է։ Վերջին մի քանի օրում այդ շրջաններից հեռացել է մոտավորապես 70 հազար մարդ, պնդում է Լոնդոնում տեղակայված Մարդու իրավունքների հարցով սիրիական դիտորդական կենտրոնը։
Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ: Այս մասին տեղեկացնում է թուրքական «Անադոլու» գործակալությունը:
«Ռուդնա» հանքավայրը ամենախոշոր հանքերից մեկն է աշխարհում, որտեղ աշխատում է ավելի քան 4400 մարդ։ KGHM կոնցեռնի տվյալներով՝ երկրաշարժի հետևանքով հանքում տեղի են ունեցել մասշտաբային փլուզումներ։ Փրկարարական աշխատանքները անդադար շարունակվել են, բոլոր զոհերի մարմինները հայտնաբերվել են։
ՌԴ ԱԳՆ-ն ավելի վաղ հայտնել էր, որ քննարկման հիմնական թեմաները կդառնան Մերձավոր Արևելքում ու Հյուսիսային Աֆրիկայում իրավիճակը, միջազգային ահաբեկչության դեմ պայքարը, առաջին հերթին՝ Սիրիայում։ Կքննարկվեն նաև հարցեր՝ կապված Անդրկովկասի, Կենտրոնական Ասիայի, Ուկրաինայի հետ վիճակի հետ։
Թե հատկապես ինչ է պատասխանել այդ առաջարկներին Ալիևը, ադրբեջանական պաշտոնական աղբյուրները չեն հայտնում, գրում է «Նեզավիսիմայա գազետան»։ Սակայն, վերլուծելով որոշ բաց աղբյուրների հաղորդագրությունները, կարելի է ենթադրել, որ Բաքուն պատրաստ է քննարկել այդ առաջարկները, կարծում են տեղի փորձագետները։ Նման պնդումների համար գլխավոր փաստարկը երկկողմ բանակցություններից հետո Ալիևի հայտարարությունն է՝ արված մամուլի համար։
ՀՀ քաղաքացիներ 1983 թ. ծնված Արտավազդ Ս.-ը, 1978 թ. ծնված Արման Հ.-ը, 1986 թ. ծնված Էդգար Ս.-ը հոսպիտալացվել են Թբիլիսի քաղաքի ԲԿ, որտեղ բժիշկները Արտավազդ Ս.-ի և Էդգար Ս.-ի առողջական վիճակը գնահատել են բավարար, իսկ Արման Հ.-ը ստանալով առաջին բուժօգնություն՝ դուրս է գրվել:
ՀՀ կենտրոնական բանկը դեկտեմբերի 1-ից շրջանառության մեջ է դրել «Խոտակերաց Սուրբ Նշան», «Սուրբ Գևորգի մասունքով խաչ» և «Սուրբ Հովհաննես Մկրտչի մասունքով խաչ» արծաթե հուշադրամները:
«Ես պատրաստ եմ եւ կցանկանայի խաղալ այն դերը, որը դուք սպասում եք ինձանից, որպեսզի առկա հիմնախիդիրների լուծում գտնենք: Դա ինձ համար պատիվ կլինի, եւ ես անձամբ պատրաստ եմ մասնակցել դրան»,- ասել է Թրամփը ԱՄՆ-ում նախագահական ընտրություններից հետո Շարիֆի հետ կայացած առաջին զրույցում:
