Յագլանդի ադրբեջանական այցը վերստին հետաձգվել է
Ադրբեջանական Trend լրատվական գործակալության փոխանցմամբ՝ Եվրոպայի Խորհրդի գլխավոր քարտուղար Թյորբոռն Յագլանդի ադրբեջանական այցը վերստին հետաձգվել է: Այն պլանավորված էր մայիսի 8-ին, սակայն վերստին հետաձգվել է: Այս մասին հայտարարել է ԵԽ-ի մամլո ծառայությունը:
Վերջինս ընդգծել է, որ Յագլանդի ադրբեջանական այցը տեղի կունենա մայիսի 19-20-ին: Ենթադրվում է, որ այցի ժամանակ քննարկվելու են ԵԽ-ի ու Ադրբեջանի միջև համագործակցության հեռանկարները, ինչպես նաև ԵԽ-ի Նախարարների կոմիտեում Ադրբեջանի նախագահության հարցը:
Պլանավորված է, որ այցի շրջանակներում Յագլանդը մի շարք հանդիպումներ է ունենալու Ադրբեջանի պաշտոնատար անձանց հետ:
