Անվանվել են երկարակեցության հիմնական գործոնները
Սինգապուրի ազգային համալսարանի առողջ ծերացման և սննդային հավելումների գծով առաջատար հետազոտող Անդրեա Մայերը բացահայտել է երկարակեցության երեք հիմնական բաղադրիչները: Նրա խորհուրդը մեջբերում է Business Insider-ը։
Մայերը ֆիզիկական ակտիվությունն ու սպորտը համարում է հիմնական գործոնը, որը կարող է երկարացնել կյանքի տեւողությունը։
Նա կոչ է արել կանոնավոր վարժություններ կատարել կշիռներով, մարմնամարզություն անել տանը կամ մաքուր օդում։
«Այս բոլոր վարժությունները մարմնում շատ տարբեր քիմիական ռեակցիաներ են հրահրում, որոնք օգնում են բջիջներին գործել, նորանալ և բարելավել նյութափոխանակությունը», – բացատրել է մասնագետը:
Բացի այդ, նա ասում է, որ վարժությունները ամրացնում են ոսկորները, ինչը օգնում է ձեզ ակտիվ մնալ մինչև ծերություն:
Հետազոտողն անվանել է սնուցումը որպես երկար և առողջ կյանքի երկրորդ առանցքային կողմը:
Նա ընդգծել է, որ երկարակյացների սննդակարգի հիմքում ընկած են լոբիները, տարբեր հացահատիկային մթերքները, մրգերը, բանջարեղենը, խոտաբույսերն ու սերմերը։ Մայերը հավելել է, որ կարևոր է ոչ միայն հավասարակշռված սննդակարգով սնվել, այլև չափից շատ չսնվել։
Ի վերջո, մասնագետը խորհուրդ է տվել բարելավել քնի գրաֆիկը։ Ըստ shantnews-ի՝ նա նշել է, որ անհրաժեշտ է գիշերը յոթից ինը ժամ քնել, ինչպես նաև պահպանել քուն-արթնացման հետևողական գրաֆիկ։
Նրա խոսքով՝ վերջին հետազոտությունները ցույց են տալիս, որ միաժամանակ քնելու և արթնանալու սովորությունն օրգանիզմին ավելի շատ օգուտներ է տալիս, քան ութժամյա քնելը։
