Սնկապուր
Բաղադրիչները՝
- 700 գ սունկ (կախասունկ, պղպեղասունկ)
- 1,2 լ ջուր
- 1 հատ գազար
- 1 գլուխ սոխ
- 2 հատ կարտոֆիլ
- 1 պճեղ սխտոր
- 2 ճ.գ. բուսական յուղ
- 100 գ չորահաց
- 1 ճ.գ. կտրտած կանաչ սոխ
- 1 ճ.գ. մաղադանոսի կտրտած տերևներ
- աղ, աղացած սպիտակ պղպեղ
Պատրաստման եղանակը
Սոխն ու գազարը տաշեղաձև կտրատեք ու յուղի մեջ տապակեք: Սխտորը մանր կտրատեք: Կարտոֆիլը միջին չափի կտորներով կտրատեք:
Սունկը կտրատեք, վրան ջուր լցրեք, 30 րոպե եփեք: Ավելացրեք պատրաստած բանջարեղենը և եփեք մինչև պատրաստ լինելը: Պատրաստ լինելուց 10 րոպե առաջ աղ ու պղպեղ արեք:
Մատուցելիս ափսեի մեջ տեղադրեք չորահացը, կանաչ սոխը, վրան լցրեք սնկապուրն ու մաղադանոսի կտրտած տերևները:
