«Մեծ առաջընթաց էր, որ ընդդիմության և քաղաքացիական հասարակության պնդմամբ հաջողվեց ԸՕ-ում ներառել ընտրություններից հետո ստորագրված ընտրացուցակների հրապարակման հարցը»,- այս մասին այսօր իր տարեվերջյան մամլո ասուլիսի ընթացքում ասաց ՀՀ-ում Գերմանիայի Դաշնային Հանրապետության արտակարգ և լիազոր դեսպան Մաթիաս Քիսլերը՝ գնահատելով Ընտրական օրենսգրքի շուրջ հայաստանյան քաղաքական դաշտի ձեռք բերած համաձայնությունը։
ՌԴ նախագահի խորհրդական Սերգեյ Գլազևը ռուսական տնտեսության վիճակը համեմատել է ինֆարկտի միոկարդի հետ, հայտնում է Rambler News Service-ը։
Ղազախական ակումբում Արզումանյանը հանդես էր գալիս վարձավճարով: Նրա տրանսֆերային իրավունքները պատկանում են Պերմի «Ամկարին»: Հունվարին հայտնի կլինի, թե որտեղ նա կշարունակի կարիերան:
Վարչապետ Կարեն Կարապետյանն այսօր ընդունել է «Անտիկոնտրաֆակտ-2016» 4-րդ միջազգային համաժողովի շրջանակում Հայաստան ժամանած Ռուսաստանի Դաշնության արդյունաբերության և առևտրի նախարար Դենիս Մանտուրովի գլխավորած պատվիրակությանը: Ֆորումն անցկացվում է ՀՀ կառավարության, Եվրասիական տնտեսական հանձնաժողովի, ՌԴ արդյունաբերության և առևտրի նախարարության հովանու ներքո և նվիրված է ԵԱՏՄ անդամ երկրներում մտավոր սեփականության իրավունքների պաշտպանության, արդյունաբերական արտադրանքի ապօրինի շրջանառությանը հակազդելու խնդիրներին:
«Պոբեդա» բյուջետային ավիաընկերությունը թռիչքներ կիրականացնի դեպի Գյումրիի «Շիրակ» օդանավակայան ու հակառակ ուղղությամբ: Տոմսերի վաճառքն արդեն սկսվել է: «Պոբեդա» ավիաընկերության պաշտոնական կայքը տեղեկացնում է, որ տոմսերի գները սկսվելու են 999 ռուբլուց (ավելի վաղ ավիաընկերությունը հայտարարել էր, որ տոմսերը կարժենան սկսած 10 հազար դրամից):
ԱՄՆ նորընտիր նախագահ Դոնալդ Թրամփի և նրա ընտանիքի պաշտպանությունը Նյու Յորքի բյուջեին օրական կարժենա ավելի քան 1 մլն դոլար, հայտնում է CNN-ը՝ վկայակոչելով իր աղբյուրներին։
Կիպրական խնդրի կարգավորման շրջանակում տարածքային հարցերի վերաբերյալ բանակցությունները, որոնք վերսկսվել էին Շվեյցարիայում, անարդյունք են ավարտվել, հայտնում է Reuters-ը՝ հղում կատարելով ՄԱԿ-ի հայտարարությանը, որը հրապարակվել է այսօր։
«Ես ուզում էի և պատրաստվում էի մասնակցել այս ընտրություններին, բայց խնդիրներ առաջացան: Ուզում էի, որովհետև ես զգացի, որ ունեմ այն հնարավորությունները, որ կարող եմ ոչ ստանդարտ մոտեցումներով առաջ տանել մեր երկիրը, բայց խնդիրներ առաջացան, ես բավականին երկար բացակայեցի, հիմա էլ կարող է էտապներ լինեն, որ այստեղ չլինեմ, լինելու եմ արտասահմանում, որոշում եմ կայացրել չմասնակցել ընտրություններին»,- նշեց Ա. Աբրահամյանը՝ հստակեցնելով, որ առողջական խնդիրներ ունի, բայց իր կյանքին վտանգ չի սպառնում:
Ոստիկանության Երևան քաղաքի վարչության օպերատիվ կառավարման կենտրոն նոյեմբերի 22-ին Նոր Նորք վարչական շրջանի Բանավան թաղամասի 14 շենքի տակ ռումբի տեղադրման մասին ահազանգ է ստացվել:
Նվազագույնը 15 մարդ է զոհվել, ավելի քան 30-ն ստացել է վնասվածքներ Մոսուլից հարավ-արևմուտք ընկած Թաալ-Աֆար քաղաքին հակաահաբեկչական կոալիցիայի հասցրած ավիահարվածների հետևանքով։
Բանկոմատներին անվանում են նաև ավտոմատ գանձման մեքենաները, որոնք ինքնասպասարկման տերմինալներ են և հնարավորություն են տալիս վճարային քարտից կանխիկացնել գումարներ, կատարել քարտից քարտ փոխանցումներ, կոմունալ վճարումներ, իմանալ քարտային հաշվի մնացորդը, ստանալ քարտային հաշվի քաղվածք և կենսաթոշակային անհատական հաշվի մասին տեղեկատվություն և այլն։ Բանկոմատից օգտվելու համար Ձեր հետ պետք է ունենաք Ձեր քարտը և հիշել քարտի ՊԻՆ կոդը` բանկոմատում այն մուտքագրելու համար:
Այսօր Ռուսաստանի հայերի միության (ՌՄՀ) նախագահ Արա Աբրահամյանը լրագրողների հետ հանդիպման ժամանակ ներկայացրեց իրենց և Համաշխարհային հայկական կոնգրեսի ծավալած գործունեության արդյունքները՝ նշելով, որ իրենք իրենց պլանավորած բոլոր աշխատանքները կատարել են: Նա նշեց, որ Եվրասիական գործընկերության միջազգային ֆորումի մասին ինքը խոսել է նախագահ Սերժ Սարգայանի և վարչապետ Կարեն Կարապետյանի հետ և ունի նրանց աջակցությունը:
«Առաքելություն» կուսակցությունը, առաջարկում է մինչև տարեվերջ իրականացնել հետևյալ քայլերը, որոնք հնարավորություն կտան էապես կարգավորել տնտեսության առկա խնդիրները, ավելացնել բյուջեի մուտքերը, նպաստել ներդրումների աճին, ձևավորել վստահության մթնոլորտ:
Ամերիկացի հայտնի ռեփեր, Քիմ Քարդաշյանի ամուսին Քանյե Ուեսթը հոսպիտալացվել է հյուծվածության պատճառով, հայտնում է CNN-ը՝ վկայակոչելով իր աղբյուրներին։
«ՀՀ կառավարության կողմից ազդանշան կա, որ համաձայնագիրը կստորագրվի եկող տարվա գարնանը: Վիզայի դյուրացման կետը ես կառանձնացնեի ԵՄ-ի հետ կնքվելիք համաձայնագրից, ես կիսում եմ ՀՀ քաղաքացիների մեծ ցանկությունը՝ դյուրացված ընթացակարգով դեպի Եվրոպա ճամփորդելու հետ կապված»:
Թուրքիայի նախագահ Ռեջեփ Էրդողանը հայտարարել է, որ ընդդիմադիր թուրք քարոզիչ Ֆեթուլլահ Գյուլենի կազմակերպությունը մասնակցել է դեմոկրատ Հիլարի Քլինթոնի նախընտրական քարոզարշավին։
«Ցավոք, գերմանական ԶԼՄ-ներում ՀՀ-ի և տարածաշրջանի վերաբերյալ արդի լուրերի գլխագրերը չէին խոսում տարածաշրջանային կայունության մասին, ԼՂ հակամարտությունն էր թեման, այսպիսի նորւթյունները խոչընդոտ են հանդիսանում փոքր և միջին ձեռնարկատերերի համար: Մեր հանձնառությունն է՝ ներկայացնել օբյեկտիվ իրականությունը տվյալ դեպքում, որոնք պետք է հետաքրքիր և կարևոր լինեն մեր ձեռնարկատերերի համար: Մենք գերմանացի գործարարներին ասում ենք, որ հետաքրքրվեն, գան Հայաստան, որովհետև այստեղ նույնպես հնարավորություններ կան՝ զբաղվելու ոչ միայն առևտրով, այլև արդյունաբերությամբ»:
«Եթե նախկինում տղաները պատվաստումները ստանում էին կենտրոնական հավաքակայանում և մեկնում էին Զինված ուժեր, ապա այդ գործընթացն այլևս չկա, արդեն Առողջապահության նախարարությունն է իրականացնում պլանային կարգով՝ ամբուլատոր պայմաններում»,- այսօր լրագրողների հետ հանդիպման ընթացքում այս մասին ասաց ՀՀ ԱՆ հիվանդությունների վերահսկման և կանխարգելման ազգային կենտրոնի գլխավոր տնօրենի խորհրդական, իմունականխարգելման ազգային ծրագրերի ղեկավար Գայանե Սահակյանը:
Լրագրողների հարցին՝ գուցե համաճարակային վիճակ չի հայտարարվում, որպեսզի պետպատվերը չգործի, նա այսպես պատասխանեց. «Համաճարակային շեմ չհայտարարելը որևէ միտում չունի: Ինչ վերաբերում է պետպատվերին, ապա ամեն տարի այս ժամանակահատվածը համընկնում է վերակազմավորման շրջանի հետ»:
Հիվանդանոցներում հետգրիպային բարդություններով պայմանավորված ծանր թոքաբորբերով՝ թոքերի արհեստական սարքավորումների ներքո հիվանդներ չկան:
Թուրքիայի վարչապետ Բինալի Յըլդըրըմը հետ է կանչել օրինագիծը, որը թույլ էր տալիս անչափահասի հետ սեռական հարաբերություն ունեցած տղամարդուն պատժից խուսափել ամուսնության դեպքում, հայտնում է BBC-ն։
Կարեն Կարապետյանի մասին ակնարկը պատրաստելիս վերհիշեցի «Արմենպրես»-ի լուսահոգի լրագրող Գոհար Իսախանյանի` 2012թ. հունիսի 26-ի թղթակցությունը. «Հանրապետությունում միակ, օրինակելի համարվող 7 հա ձիթապտղի այգին, որը գտնվում է Մեղրիում` Արաքսաշենում, տարեկան ամենաքիչը 10տ բերք է տալիս:
Եթե մենք չվերականգնեինք աշնանային զորակոչը, գարնանը բավարար քանակությամբ անձնակազմ չէինք ունենա։ Մենք դա չէինք կարող թույլ տալ, վրացական հեռուստատեսությամբ հայտարարել է Վրաստանի նախագահ Գեորգի Մարգվելաշվիլին պարտադիր զինվորական զորակոչի հարցի քննարկման ժամանակ, հայտնում է «Գրուզիա օնլայնը»։
Շախմատի աշխարհի գործող չեմպիոն Մագնուս Կարլսենը կարող է տուգանվել՝ չեմպիոնական մրցախաղի 8-րդ տուրից հետո մամուլի ասուլիսը լքելու համար: Այս մասին գրում է ՏԱՍՍ-ը: Կարլսենը կարող է տուգանվել 40 հազար եվրոյով:
Եգիպտոսի վճռաբեկ դատարանը չեղյալ է հայտարարել երկրի նախկին նախագահ Մուհամմեդ Մուրսիի և երկրում արգելված համարվող իսլամիստական «Մուսուլման եղբայրներ» շարժման 21 ներկայացուցիչների մահվան դատավճիռը, որը փոխարինվել է ցմահ ազատազրկմամբ։
Միջազգային հանցավոր խումբը մի շարք կիբերհարձակումներ է իրականացրել ավելի քան 10 երկրների, այդ թվում՝ Հայաստանի, ԱՊՀ անդամ պետությունների և Եվրամիության երկրների բանկոմատների վրա, հայտնում է Reuters-ը՝ վկայակոչելով Group-IB կիբերհանցագործությունների և խաբեության կանխման ու հետաքննության միջազգային ընկերությանը։
Ժամը 09։40–ի սահմաններում ահազանգ է ստացվել ոստիկանության Երևան քաղաքի վարչության օպերատիվ կառավարման կենտրոն, որ Նորք Նորք վարչական շրջանի Բանավան թաղամասի 14 շենքի տակ ռումբ է դրված և այն պայթելու է։
Ներկայումս ԴԱԻՇ-ի դեմ պայքար է մղում Թուրքիան, այլ ոչ թե Արևմուտքը, իսրայելական «Canal 2» հեռուստաալիքին տված հարցազրույցում հայտարարել է Թուրքիայի նախագահ Ռեջեփ Էրդողանը։ Այս մասին հայտնում է Anadolu գործակալությունը։
Ճապոնիայում հզոր երկրաշարժից հետո ցունամի է տեղի ունեցել, հայտնում է The Telegraph-ը։
Գերմանիայի դաշնային խորհրդարանի մարդու իրավունքների հանձնաժողովի նախագահ Միշել Բրանդը հայտարարել է, որ Թուրքիան գնում է բռնապետության ճանապարհով:
