Թուրքիայի վարչապետը հետ է կանչել անչափահասների «բռնաբարությունն օրինականացնող» սկանդալային օրինագիծը
Թուրքիայի վարչապետ Բինալի Յըլդըրըմը հետ է կանչել օրինագիծը, որը թույլ էր տալիս անչափահասի հետ սեռական հարաբերություն ունեցած տղամարդուն պատժից խուսափել ամուսնության դեպքում, հայտնում է BBC-ն։
Որոշումը ընդունվել է մինչ խորհրդարանում պատգամավորների քվեարկությունը։
Հայտնի է, որ օրինագիծը բողոքի ալիք էր հարուցել ու դարձել միջազգային դատապարտման առարկա։ Օրինագծի քննադատները պնդում էին, որ այն օրինականացնում է բռնաբարությունն ու խթանելու է վաղ ամուսնությունների կնքմանը։
