Ի՞նչ էր փնտրում Զոհրաբ Մնացականյանն Արմեն Գրիգորյանի հեղինակած գրքում
Այսօր ԱԽ արդեն նախկին քարտուղար Արմեն Գրիգորյանի՝ 2018-ի «թավշյա» իրադարձությունների, «Քա՛յլ արա, մերժիր Սերժին» շարժման մասին պատմող «Քայլ արա, մերժի՛ր Սերժին» գրքի շնորհանդեսն էր, որին ներկա էին Փաշինյանը, կարկառուն տարբեր ՔՊ-ականներ, Փաշինյանի հին ու նոր թիմերի անդամներ։
Եվ ահա 168․am-ը շնորհանդեսից հետո ֆիքսեց, որ Արմեն Գրիգորյանի հեղիանակած այս գիրքը 2018-2020թթ. ՀՀ արտաքին գործերի նախարարի պաշտոնը զբաղեցնող Զոհրաբ Մնացականյանի ձեռքում է։
Քանի որ Զոհրաբ Մնացականյանը մինչև թավշյա հեղափոխություն կոչվածն էլ էր իշխանության մաս՝ դեռ 1991 թվականից ԱԳՆ-ում զբաղեցնելով տարբեր պաշտոններ, 168․am-ը նրանից փորձեց հետաքրքրվել՝ ««Քա՛յլ արա, մերժիր Սերժին»-ը նրան հետաքրքրել է որպես նախկին՝ մերժված իշխանության անդամի՞, թե՞ արդեն նոր իշխանությանը մաս կազմած պաշտոնյայի։
Ինչպես և սպասելի էր, Մնացականյանը չպատասխանեց հարցերին և հեռացավ։
Իսկ թե ինչի՞ մասին է Փաշինյանի կողմից մերժված ԱԽ քարտուղարի գիրքը, թերևս, գրքից առավել ցույց են տալիս 2018 թ․-ին հաջորդած այս 8 տարիները։
