Վրաստանի նախագահը բացատրել է Անվտանգության խորհրդի՝ աշնանային զորակոչը վերականգնելու որոշումը
Եթե մենք չվերականգնեինք աշնանային զորակոչը, գարնանը բավարար քանակությամբ անձնակազմ չէինք ունենա։ Մենք դա չէինք կարող թույլ տալ, վրացական հեռուստատեսությամբ հայտարարել է Վրաստանի նախագահ Գեորգի Մարգվելաշվիլին պարտադիր զինվորական զորակոչի հարցի քննարկման ժամանակ, հայտնում է «Գրուզիա օնլայնը»։
Ինչպես նշել է Մարգվելաշվիլին, աշնանային զորակոչի վերսկսմանն աջակցել է ինչպես ինքը, այնպես էլ Անվտանգության խորհրդի մյուս անդամները։
«Այսօրվա գնահատականների համաձայն, որոնք ներկայացրել է նախարարը, եթե մենք չհետևենք այդ կուրսին, մեր զինված ուժերում կառաջանար անձնակազմի թվաքանակի պակաս, ինչը չենք կարող թույլ տալ, այդ պատճառով էլ նախարարի որոշումը՝ անցկացնել զորակոչ, աջակցություն է ստացել ինչպես իմ կողմից, այնպես էլ Անվտանգության խորհրդի անդամների մեծ մասի»,- ընդգծել է Մարգվելաշվիլին։
