Հոկտեմբեր 4, 2016

Կապիտալ ծախսերի մասով հաջորդ տարի 35 մլրդ դրամ կխնայվի` որոշ ԾԻԳ-երի կրճատումների շնորհիվ: Այս մասին այսօր լրագրողների հետ հանդիպմանը հայտարարեց ՀՀ ֆինանսների նախարար Վարդան Արամյանը:

BFMTV ֆրանսիական հեռուստաալիքը տեսանյութ է հրապարակել, որում մոդելավորված է ամերիկացի հեռուստաաստղ Քիմ Քարդաշյանին կողոպտելը: Հանցագործությունը կատարվել է Փարիզի կենտրոնում՝ հոկտեմբերի լույս 3-ի գիշերը:

Նիդեռլանդների վարչապետ Մարկ Ռյուտտեն կոչ է արել Ռուսաստանին դադարել «ամեն տեսակի հիմարությունների տարածումը» MH17-ի աղետի հետաքննության մասին, հայտնում է dutchnews.nl-ը։

Առաջիկա հինգ օրում սպասվում են առանց տեղումների եղանակ և օդի ջերմաստիճանի բարձրացում: Այս մասին հոկտեմբերի 4-ին լրագրողների հետ հանդիպման ժամանակ նշեց ԱԻՆ հիդրոմետ ծառայության օդերևութաբանության կենտրոնի պետ Զարուհի Պետրոսյանը: Նրա փոխանցմամբ՝ հոկտեմբերին Երևանում և Արարատյան դաշտում առավելագույն ջերմաստիճանը կհասնի 28-29-ի, իսկ նվազագույնը կտատանվի 13-14-ի սահմանում: Ըստ Զ. Պետրոսյանի կանխատեսումների՝ հոկտեմբերին ամսական տեղումների քանակը սպասվում է նորմայից պակաս:

«Ես չգիտեմ՝ դուք ո՞ր ԸՕ-ով եք առաջնորդվում, մեր ԸՕ-ով՝ անգամ բոնուսային համակարգը հաշվի առնելով, «Բալասանյան դաշինքը» չունի 17 մանդատ։ Իսկ 3 քաղաքական միավորները՝ ԲՀԿ-ն, «Հայկական վերածնունդը» և «Գալան» ունեն միասնաբար 18 քվե, և մենք պահանջելու ենք, որ քաղաքականությունն այլ շրջանակներում տեղի ունենա»:

Նրա խոսքով՝ ՏԻՄ ընտրությունները մինչև վերջ քաղաքականացված չեն, և դեռ էական նշանակություն և ազդեցություն ունեն թաղային հեղինակությունների շահերը: «Այս առումով մենք մտածելու, վերլուծելու լուրջ խնդիր ունենք»,- ասաց նա՝ ընդգծելով, որ ինքն արդեն իսկ հանձնարարել է կուսակցության տարածքային կառույցներին՝ վերլուծել իրավիճակը և ներկայացնել պատճառները:

Բաքվի պետական համալսարանում կբացվեն հայերենի դասընթացներ, հայտնում է Modern.az-ը՝ վկայակոչելով համալսարանի պատմության ֆակուլտետի հետազոտական կենտրոնի ավագ գիտաշխատող Ւսմայիլմ Թանրըվերդիին։

«Էդվարդ Նալբանդյանի վերանշանակումը միանգամայն սխալ եմ համարում։ Ակնհայտ է, որ դա տեղի ունեցավ արտաքին ճնշման հետևանքով, քանի որ բոլորին հայտնի իրողություն է՝ Էդվարդ Նալբանդյանը սպասարկում է Ռուսաստանի շահերը։ Վիգեն Սարգսյանին ի սկզբանե նախատեսված էր նշանակել Արտաքին գործերի նախարար, բայց Պաշտպանության նախարար նշանակվեց։ Նալբանդյանի նշանակումով ակնհայտ դարձավ, որ մեր ինքնիշխանությունն էապես խաթարված ու սահմանափակված է, որովհետև ԱԳՆ-ն թիվ մեկ քաղաքական նախարարությունն է»,- այս մասին այսօր լրագրողների հետ հանդիպման ընթացքում նշեց «Մոդուս Վիվենդի» վերլուծական կենտրոնի ղեկավար, դիվանագետ Արա Պապյանը։

Թուրքիայի բոլոր ուժային գերատեսչությունները, որոնք երկրում հուլիսի 15-ի պետական հեղաշրջյման փորձից հետո դուրս են բերվելու Անկարայի սահմաններից, տեղակայվելու են անվտանգության միասնական համալիրում։

Հոկտեմբերի 5-9-ը սպասվում է առանց տեղումների եղանակ: Օդի ջերմաստիճանն աստիճանաբար կբարձրանա 2-3 աստիճանով:

ՀՀ ոստիկանության ներքին անվտանգության վարչությունից ստացված ծառայողական քննության նյութերի ուսումնասիրությամբ տվյալներ են ձեռք բերվել ՀՀ ճանապարհային ոստիկանության ավագ տեսուչի կողմից առերևույթ պաշտոնեական կեղծիք և պաշտոնեական դիրքն օգտագործելով յուրացում կատարելու վերաբերյալ տվյալներ:

Սիրիայի մայրաքաղաք Դամասկոսում ՌԴ դեսպանատունն ականակոծության է ենթարկվել, ոչ ոք չի տուժել, շենքին հասցվել է նյութական վնաս, հաղորդվում է ՌԴ ԱԳՆ-ի կայքում։

Ադրբեջանը մնում է Վրաստանի խոշորագույն ներդրողը՝ հաշվի առնելով ներդրումների ծավալը, որ ներդրված են Վրաստանի տնտեսությունում 2016թ. առաջին կեսում։

ՌԴ նախագահ Վլադիմիր Պուտինը ստորագրել է Ռուսաստանի Ազգային գվարդիայի դաշնային ծառայության մասին հրամանը։ Համապատասխան փաստաթուղթը հրապարակվել է իրավական տեղեկատվության պաշտոնական պորտալում, տեղեկացնում է «Իզվեստիան»։

Քաղաքական վերլուծաբան Արմեն Բաղդասարյանի կարծիքով՝ Հայաստանի տնտեսության առջև կանգնած բոլոր խնդիրներն ունեն զուտ քաղաքական պատճառներ. «Հետևաբար, քաղաքական խնդիրները կարող է լուծել միայն քաղաքական թիմը։ Եկել է ինչ-որ կառավարություն, որտեղ տեխնոկրատներ են, մենեջերներ են, չգիտեմ՝ ինչեր են, համենայնդեպս, քաղաքական թիմ չէ։ Ոչ քաղաքական թիմը չի կարող լուծել քաղաքական խնդիրներ, սա ակնհայտ է»։

Կարեն Կարապետյանի դրամական միջոցները՝ դոլարային արտահայտությամբ, կազմել են 5 մլն 783 հազար դոլար

Այսօր արտառոց դեպք է գրանցվել Գյումրու դպրոցներից մեկում: Գյումրու Կույումջյանի անվան թիվ 21 դպրոցի 11-ամյա աշակերտ Սարգիս Տիգրանյանի ինքնազգացողությունը ֆիզկուլտուրայի դասի ընթացքում կտրուկ վատացել է. երեխան մահամերձ վիճակում տեղափոխվել է Գյումրու Մոր և մանկան ավստրիական հիվանդանոց:

«2011 թվականից Դուք աշխատում եք Կենտրոնական ընտրական հանձնաժողովի նախագահ, այդ ընթացքում տեղի են ունեցել խայտառակ ընտրություններ, հանրաքվե, բոլոր դրանք անաստված ձևով կեղծվել են, բոլորը դրա մասին գիտեն»,- այսօր Ազգային ժողովում Կենտրոնական ընտրական հանձնաժողովի նախագահի ընտրության հարցի քննարկման ժամանակ ասաց ՀԱԿ խմբակցության ղեկավար Լևոն Զուրաբյանը՝ դիմելով ԿԸՀ նախագահի թեկնածու, ներկայիս նախագահ Տիգրան Մուկուչյանին։

ՀՀ Ազգային անվտանգության ծառայության աշխատակիցների կողմից կանխվել է շուրջ 57 կիլոգրամ թունավոր նյութ հանդիսացող մետաղական սնդիկի ապօրինի վաճառք:

Հոկտեմբերի 5-ին Լեռնային Ղարաբաղի Հանրապետության իշխանությունների հետ ձեռք բերված պայմանավորվածության համաձայն` ԵԱՀԿ առաքելությունը Լեռնային Ղարաբաղի և Ադրբեջանի զինված ուժերի շփման գծի պլանային դիտարկում է անցկացնելու Շահումյանի շրջանի Գյուլիստան գյուղի հարավային ուղղությամբ։

Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանն այն կարծիքին է, որ Հայաստանում իրավիճակ փոխելու համար էնտուզիաստների թիմ է հարկավոր, որոնք պատրաստ են գնալ ինքնազոհության։ Նրա խոսքով, թեև Կարեն Կարապետյանը լավ տնտեսագետ է, բայց արդյո՞ք այն անձնավորությունն է, որն ունեցել է այդ տեսլականը. «Գուցե քողարկված եղել է, չի ասել, բայց ամեն դեպքում, եթե մարդը զգում է այդ վիճակը, գոնե պետք է լսած լինեինք նրա մտահոգությունները և տեսլականը, թե ինչպես կարող է իրավիճակ փոխել։ Օրինակ՝ Ռուբեն Վարդանյանի հարցազրույցներում այդ մտահոգությունը տեսել եմ, բայց Կարեն Կարապետյանի դեպքում՝ ոչ։ Երևում է, որ շատ լավ տնտեսագետ է, բայց դա բավարար չէ այդ թռիչքը կատարելու համար, իսկ Հայաստանին թռիչք է պետք»։

Նշելով, որ Ռուսաստանը Հայաստանի տնտեսական հիմնական գործընկերն է՝ Կարեն Կարապետյանը կարևորել է երկու երկրների միջև առևտրատնտեսական համագործակցության հետագա զարգացումն ու ընդլայնումը: Գործադիրի ղեկավարն ընդգծել է, որ Հայաստանի կառավարությունը պատրաստ է այդ ուղղությամբ ձեռնարկել անհրաժեշտ քայլեր և ավելացրել, որ ներդրումային նոր ծրագրերի իրականացման ու առևտրաշրջանառության ծավալների շարունակական ավելացման ուղղությամբ առկա է մեծ ներուժ:

Հոկտեմբերի 4-ին մեկնարկել է Ադրբեջանի պաշտպանության նախարար Զաքիր Հասանովի գլխավորած պատվիրակության այցը Ուզբեկստան, հայտնում է ադրբեջանական haqqin.az պարբերականը՝ վկայակոչելով Ադրբեջանի ՊՆ մամուլի ծառայությանը։

Այս օրերին շատ է խոսվում հալեպահայերի՝ Հայաստան գալու մասին: Կան իրարամերժ տեսակետներ. ՀՀ սփյուռքի նախարարության պաշտոնյաները նշում են, թե հալեպահայերը իրենք չեն ուզում, իսկ Հալեպից շատ հայեր էլ ասում են, որ Հայաստանից հատուկ շահագրգռվածություն, այս առումով, չեն զգում:

Իրաքյան նահանգում ԴԱԻՇ-ի պարագլուխների գաղտնի խորհրդակցությունն ավարտվել է հրաձգությամբ, հայտնում է The Daily Star-ը։

Ազգային ժողովում քննարկվում է Կենտրոնական ընտրական հանձնաժողովի (ԿԸՀ) նախագահի ընտրության հարցը։

«Շատ դժվար է նայել կենսաթոշակառուների աչքերին և ասել, որ թոշակները չեն բարձրացվելու»,- այսօր ասուլիսի ժամանակ հայտարարեց ՀՀ ֆինանսների նախարար Վարդան Արամյանը` պատասխանելով 168.am-ի հարցին, թե արդյոք հաջորդ տարի բարձրացվելո՞ւ են կենսաթոշակները:

«Մենք ապրել ենք արտաքին բացասական ազդակների տակ, բայց մյուս տարի սպասումները դրական են լինելու, ՌԴ տնտեսությունն ու փոխարժեքն արդեն կայունացել են»,- հայտարարեց նա:

«Մարդիկ ցանկանում են պատերազմական իրավիճակում վաճառել իրենց ունեցվածքը։ Նույնիսկ ունեինք դիմումներ՝ Հայաստան գալու համար, բայց զուտ ֆինանսական խնդիրների պատճառով հրաժարվում են։ Մենք նրանց հորդորում ենք գալ Հայաստան՝ նշելով, որ տոմսերով ապահովում ենք, բայց կենցաղային խնդիրների պատճառով շատերը հրաժարվում են»։

Նյու Յորք նահանգի դատախազն արգելել է Դոնալդ Թրամփի բարեգործական կազմակերպությանը գործունեություն ծավալել նահանգում գրանցման բացակայության պատճառով, հայտնում է BBC-ի ռուսական ծառայությունը։